甜藝家 (Closed)

逛完園藝街上返新世紀搭車，突然看到甜藝家出現在眼前，上次買過，大家都鐘意食，過兩日有聚會，於是就買啲返去款客。店內各式餅食種類繁多，部分產品提供試食，可以試啱口味先至買，上次食過曲奇，唔會太甜，今次試吓芝麻味，仲有玩味十足嘅爆炸雪茄。朱古力爆炸雪茄  $168.00個盒表面係木紋紙，又幾似一盒雪茄喎。內有12支朱古力爆炸雪茄，每支雪茄都係獨立包裝，拆開嚟即時聞到好香，有朱古力味又有蛋香，香脆蛋捲包住朱古力條，快速地食咗一條，好味，但唔多覺有爆炸嘅...... 原來係不要太快吞下去，要讓爆炸糖有時間沾濕，口腔內就會噼噼啪啪炸開，感覺好過癮，好玩又滋味!黑金芝麻曲奇 $78.00咩叫黑金芝麻？黑就係黑芝麻，金就係金芝麻，據說金芝麻稀有，夠曬矜貴，原來裡面仲有白芝麻，芝麻有益，香味馥郁，同酥脆曲奇好夾，忍唔住一塊接一塊，食後更齒脥留香。

雖然今年無乜新年氣氛，但呀媽話都要買啲禮盒送俾親朋戚友嘅...。之前食過朋友請我食Tony Wong嘅曲奇🍪，發現真係唔錯，所以呢日去開MOKO就去甜藝家揀返幾盒返屋企。除咗幫呀媽買之餘，我買多咗兩盒餅請啲同事食，分別係我至愛嘅蝴蝶酥同蛋卷。其實款式有好多，但今次就試未食過嘅😊。蝴蝶酥($178)，本身想買蝶之花嗰款🦋，因為好鬼靚，但售罄，唯有買返原味啦，反正都好咁好味。一盒蝴蝶酥有3層，大約有36塊，適合一班人Share食。蝴蝶酥超鬆脆，好香牛油味😌，食到唔停口，一拎出去，唔使幾分鐘就成盒清哂，哈哈。朱古力爆炸雪茄($168)，呢個啱哂鍾意扮大人嘅小朋友(小新)食，因為個造型真係好似雪茄🤣。每一條蛋卷獨立包裝，乾淨衞生。一盒有12條，計落都要成$1x條！蛋卷好好食😋，加入爆炸糖，別具創意。除咗蛋卷本身係朱古力味外，內裡都夾住一條朱古力🍫，濃濃的可可味，但又唔會太甜，正。雖然唔平，但真係值得一試。總括嚟講，甜藝家by Tony Wong嘅出品真係能夠保持一貫嘅高水準👍。佢禮盒套裝🎁嘅造型真係十足十蠟筆小新最愛瞞住媽媽偷食嘅高級心點🤣，好得體，望見都想食，送禮自用皆宜！佢個朱古力爆炸雪茄

相信大家對Tony Wong都不會陌生，除了蛋糕精美別緻而聞名外，各式甜點也同樣精緻，送禮自奉皆宜。店內各式各樣的甜點賣相精緻，包裝高雅，令人目不暇給。店內還提供試食，客人可以試過覺得美味才買。雜錦曲奇禮盒 ($188)曲奇盒內有一張簡介紙，清楚地列印了每款曲奇的樣子和名字，令人一目了然。一打開牛油香氣四溢，色彩繽紛，賣相精緻。曲奇鬆化，味道濃郁，甜度不高。朱古力爆炸雪茄 ($168)雪茄朱古力蛋卷造型模仿得精細巧妙，逼真傳神，加上包裝設計到雪茄盒一樣，真的維肖維妙。香濃朱古力蛋卷內藏了爆炸糖和朱古力，甜度得宜，口感獨特豐富。蛋卷入口鬆化，爆炸糖在口內噼噼啪啪，有雙重口感，十分好過癮，令人愛不釋口！

聖誕時家人搞Christmas party每人都要準備啲食物，我左諗右諗就決定咗買Tony Wong「甜藝家」，因為之前家姐曾經買過這間的蝴蝶酥回家，蝴蝶酥爆炸糖的感覺令我們回味了，所以決定今次到我買回家分享🤟🏽🤟🏽原來款式多多不止只有蝴蝶酥，還有很多以低糖和健康食材用心製作的手工食品🥰仲推出左賀年禮品套裝，新年時可以買俾親朋戚有喔！揀好咗買邊款後，就回家啦～我買了朱古力爆炸雪茄和咖啡杏仁脆片 🔸咖啡杏仁脆片
咁透明的樽裝住，看到有很多塊完整的咖啡杏仁脆片，每塊都有好多杏仁片而且帶著濃濃咖啡味道，香脆又可口🤪🔸朱古力爆炸雪茄一打開盒子，看到共有12支獨立包裝的雪茄！這個設計真的很像雪茄喔😌雖然朱古力蛋捲，但唔會食到周圍都有好多碎，而且蛋捲嘅中間有條長長的朱古力，朱古力味🍫很出，最得意嘅係朱古力入面是有爆炸糖的，有口感又入面跳下跳下🥳

天氣開始變冷，聖誕節又快要來臨。今天回娘家搵媽媽，便想買點禮物給她。因為家住太子道西，經常路過moko商場，於是便來到甜藝家打算買點曲奇或蝴蝶酥😍以往家人買甜藝家也要走到九龍城，現在在Moko商場內有鋪頭，真的方便多了。此店賣的都是高級餅乾，過往在這店買過蝴蝶酥，味道不錯，不過今天打算買其他產品試試。媽媽喜愛吃曲奇，所以我便被這雜錦曲奇禮盒吸引了🥳 十分精美！每款還有五件！然後我老公看到這盒朱古力爆炸雪茄，他便說想試試，於是我便買了一盒。這個朱古力爆炸說真的非常特別，原來當中有爆炸糖，而且朱古力味濃，老公十分喜歡，非常適合朱古力控！而媽媽就十分喜愛這盒雜錦曲奇禮盒，包裝精美，色香味俱全。聖誕節快來臨，買了些小小禮物氹得媽媽很開心呀！