媽咪雞蛋仔 (Closed)

本人單身後，同女同事去銅鑼灣食晚飯，個女同事仔非常大食，基本上可以稱為食物黑洞😵所以同佢食飯都係食任食、放題嘅多，今晚同佢食麵，好明顯佢唔夠飽，行行吓就見到媽咪雞蛋仔，馬上整返兩底🤩檸檬水+檸檬茶，兩杯都唔係一般嘅檸檬茶、檸檬水，有啲似檸雜嘅味道、但帶鮮檸蜜味，入口清新😍綠茶雞蛋仔，本身雞蛋仔嘅味道係好香蛋味、牛油味，加上綠茶口味非常夾，而且雞蛋仔本身夠晒脆口，外脆內軟，唔會好似睇電視阿大廚峰嗰D軟林林🤪朱古力雞蛋仔，呢個真係不得了，我自己就最鍾意食朱古力，每一粒雞蛋仔入面都有朱古力，如果係朱古力迷必定要是依個雞蛋仔，保證冇投訴🥳🥳媽咪雞蛋仔榮獲大眾點評好平商戶👍🏻依個靚仔哥哥真的不可不提，佢親切嘅笑容、誠懇嘅態度、對雞蛋仔嘅熱誠、對客人嘅執着，真係打動不少少女心🥰

早在一個月前朋友已大力推介黃埔分店格仔餅以及檸檬茶, 可惜身體抱恙未有機會一試。星期六下午在FB又看到另一位朋友在旺角分店分享美味朱古力雞蛋仔, 餓意正濃, 打算9秒9由銅鑼灣乘巴士飛去旺角。不過在openrice再看清楚, 原來銅鑼灣也有新分店, 不到10分鐘我已站在「媽咪」前面。主要想吃朱古力雞蛋仔, 自家制檸檬茶還是下次吧, 因為胃部還有點不適。排隊人數只有數個, 等候約5分鐘, 朱古力雞蛋仔已在我手上。雞蛋仔還保留著原有的黃色,並不是整塊朱古力的顏色。捧著溫暖的雞蛋仔, 每粒大小漲卜卜, 嚐第一口感覺到外脆內軟的口感, 除了陣陣蛋香外, 當然不乏主題的朱古力味, 正是我喜歡吃雞蛋仔的質感。每顆咬開也有朱古力慢慢融化, 份量剛好, 不會太甜,  太多只會喧賓奪主。下次一定再來! 雞蛋仔、檸檬茶要等我呀~