壽司郎 (元朗廣場)

Open Now

Now Closed

壽司郎真係食過無數次不過次次都飽到食唔到甜品今次我食咗甜品先朱古力香莓芭菲比想像中好味 可媲美甜品鋪仲有brownieD莓粒粒好好味 應該都係雪到冰左既果汁同莓下面雪糕一如以往有奶香味因為Mix咗啲草莓汁成杯食完一d都唔滯 仲好有滿足感黃豆粉抹茶蕨餅好軟淋淋呀！高質之選我覺得下次你壽司郎可能淨係食甜品其他刺身壽司質素都差不多啦不過蟹肉可樂餅好似係得忌廉係裏面 冇蟹肉

以前我想食壽司郎，就要去屯門嗰間，而且次次都好多人，朝早已經派晒飛，就算攞到飛，都要等好耐！今日朝早10:30 ，我如常去到門口，竟然唔使排隊！首先要嗌我最鍾意嘅醬油燒鰈魚鰭邊～醬油甜甜鹹鹹，味道好好。魚背壽司～配埋紫蘇葉，味道好香，而且魚背好有口感。跟住仲嗌左天婦羅盛盒（有冬菇、蝦、南瓜）當中南瓜係最好食甜甜又外脆內軟。我仔就非常喜歡中拖羅，好有魚香，雖然有少少筋，但不影響口感。另外一個都係小朋友至愛，就係蟹柳天婦羅壽司，外脆內軟，加少少鹽，好有風味。食完壽司之後，我哋就嗌咗甜品，有最受歡迎嘅卡達拉娜，焦糖喺面，非常脆口！下邊就係帶有雲呢拿味嘅雪糕口感，一直係我嘅至愛。另外仲有朱古力香莓芭菲，呢個我就一般，朱古力比較膩，比較可取嘅只係入邊嘅牛奶雪糕，所以下次我會嗌返牛奶雪糕就算啦。