豚道樂 (大河道) (Closed)

食拉麵🍜行遲一步都要等位呀，長期滿座既拉麵店唔係到到有，而且全店裝修都好日本架，入到店內我以為自己去左日本添😱😱😱🇯🇵🎌好有日本人既精神呀，店員個個都好nice架😱齊好有禮貌，仲好細心咁介紹返唔同拉麵有咩唔同，而最最最要讚既係，枱上面有叉電線，好適合機不離手既都市人，電話冇電？唔驚啦，入黎食麵拉麵🍜就搞掂👍🏻👍🏻👍🏻食左日本芥末拉麵同堆期間限定既松葉蟹海老蕃茄湯拉麵🍜芥末比到驚喜呀，唔會太攻鼻，有creamy既感覺，松葉蟹🦐🍅就好有蝦比，另一個滿足。如果唔夠飽建議食香蒜蜜味豚肉，同麵入面既肉唔同架，堅係正👍🏻🤩

最近太想食拉麵，荃灣搵到間食豚肉湯底既拉麵店，地點好易搵就係大河道條大馬路旁，門口見到個日式大紅燈籠🏮就知道到了😍裡面裝修都好靚，天花板都好多細節位，非常日式日本餐廳必定叫「季節限定」吧🔥🦀松葉蟹海老蕃茄湯拉麵$98🍅🍜濃濃既蕃茄豚骨湯，微微酸甜味，簡左曲麵輕鬆做到掛湯效果，松葉蟹肉都好多食到啖啖蟹肉鮮味；特上拉麵的話仲有加送叉燒 同 糖心蛋😋🍑山梨桃梳打$23飲落好似食緊清甜多汁既桃咁，夠凍又夠汽😚

對豚道樂有兩個評價：靚裝+足料裝修真係又靚又有心思。長枱上嘅天花掛住劍球同櫻花，將空間劃分。拉麵舖有木牌寫菜名一啲都唔特別，呢度特別在用滑板代替木牌，誇張突出，甚具玩味。仲有充電位。拉麵方面可能係海老湯嘅關係，味濃而且幾鹹，唔係話個個香港人都啱口味。但呢度啲拉麵比起好多舖頭足料。我碗松葉蟹海老蕃茄湯拉麵已經自動係特上價，即係有蛋、紫菜等等。因為個湯本身都幾鹹，所以蕃茄味唔算好出，但都睇到湯底偏紅。蟹量驚人！本來以為呢啲gimmick嘢都係少少蟹碎就算。點知食完蟹腳仲有大量蟹肉，圖中未計浸咗喺湯入面嘅蟹肉。可以揀幼/粗身麵。溏心蛋有水準，錢加得過。阿爸食嘅係海老拉麵。湯底應該就係我嗰碗減蕃茄，味一樣偏鹹。大量蝦米，帶鹹香，如果個湯本身清啲應該會更發揮到佢哋嘅用途。拉麵入面嘅叉燒吸咗湯汁油脂味唔太突出，所以呢客蒜蜜叉燒反而更好。蜜味香甜，燒過嘅腩肉有油香。小食種類幾多，可惜較特別嘅炸物今日冇。呢個...拉麵常客應該唔陌生。我就第一次飲嘅...飲佢都係滿足吓好奇心，如果唔好奇嘅就揀過第二款啦。想坐好啲食碗拉麵不妨嚟吓，不過講到拉麵本身就要視乎你哋係咪嗜鹹喇。