HA HA Bar and Restaurant

Open Now

Now Closed

這間近著炮台山和天后站的酒吧，午市套餐好經濟划算，吸引不少附近的上班一族和街坊。午餐套餐一共五款，不定時更換款式，跟配沙律或餐湯，以及基本的餐飲。是日餐湯紅通通的羅宋湯有很多蔬菜，酸酸甜甜好開胃。是日沙律鮮嫩翠綠的沙律菜配少少果醋，更有一粒粒車厘茄好清新。板燒10oz肉眼牛扒配黑椒汁伴薯條 - $74大大塊肉眼扒絕對比10oz還要多，表面煎封得很香口，切開露出粉嫩的牛肉，入口好嫩滑軟腍，連肉筋也能嘴嚼；金黃酥脆的炸薯條頗多，特別有口感；更有少少沙律菜平衡肉膩感。燒春雞伴香草燒汁配意粉 - $62皮脆肉嫩的燒春雞充滿迷迭香，雪白的雞肉好多汁，配爽滑的意粉掛汁能力一流，同樣有少少沙律菜。橙汁 +$5凍檸享 +$3餐飲可加配升級，甚至可升至酒類。

Lunch時段同朋友經過比午餐餐牌個「板燒10oz肉眼牛扒」吸引左，連餐湯飲品加埋一都係80蚊，其實本身都冇乜期望，諗住填飽個肚就算，點知上到餐擺盤有心機，塊扒真係好大塊，質素唔錯，又煎得好靚仔，真正抵食夾大件👍🏼👍🏼朋友就食「香草忌廉汁半香煎龍利魚柳配薯蓉」，魚柳都一樣好大塊，煎得香又夠嫩滑，70蚊有找真係超抵，啱晒我哋呢啲附近返工嘅打工仔，唔使下下食茶餐廳，差唔多價錢都食到質素唔錯嘅西餐👏🏼👏🏼