甜入心 (Closed)

好多人都知淘大有幾間甜品店，今次就比佢門口嘅鞦韆吸引左，可能時間比較早，好快就已經有位，店裏面有免費嘅果茶飲，食完甜品可以飲返杯～今次就嗌左2個甜品，一個叫重口味，另一個叫出浴椰皇重口味其實係有芒果，咖啡味嘅椰果，雲呢拿味嘅雪米糍同埋椰汁西米做底。食落去一d都唔重口味😂芒果好甜，而且d椰果都有好濃嘅咖啡味，感覺上好似唔match，但食落去係好夾！另一個係出浴椰皇，其實同連埋椰子上嘅一樣，只係無左個殼會平$6🤭🤭呢款甜品可以揀熱食定凍食嘅，而今次就揀左熱食，一拎到嚟係見到個甜品有少少熱煙，好吸引🤤出浴椰皇就分左3層嘅，最上個層會有好香雞蛋味嘅焦糖布丁🍮，下一層就係用椰皇水整成嘅啫喱，最底個層就係椰肉，另外仲會有椰汁淋係面🤤🤤🤤如果鍾意食布丁同椰皇嘅朋友就啱晒啦，一次過滿足晒你2個願望😎溫馨提示：出示返學生證係會有9折架🤭

假日飲完茶想食個甜品，搵到呢間係九龍灣淘大的甜品店。甜品種類好多，有中有西，總有一樣啱心水。可能時間早，冇乜人，坐落幾舒服，有啲吊椅，佈置幾girly。呢度仲有免費果茶任飲，係桃茶，桃味好濃好香，但唔甜，啱哂食完甜品清一清個口。雞蛋布丁好菂式，蛋味濃，甜度啱啱好。質感比較實，好creamy濃厚。呢個椰皇非常出色，佢有好多咖啡啫喱，焦糖布丁好滑亦好有蛋味。個椰皇裡面係椰子啫喱，好香椰子味，三樣野一齊食超好味！有少少咖啡香再加上椰子的甜同布丁的蛋味，估唔到係咁夾！食完仲可以刮埋旁邊啲椰子黎食，食清光！呢間小甜品店質素唔錯，幾有新鮮感，主打的椰皇放左布丁幾特別，推薦！

同朋友係附近食完飯，搵個地方食埋甜品都好合理啦！哈哈⋯⋯⋯⋯行下行下就發現店外有人等緊位嘅甜品店見佢門外有花籃，應該係新開張吧！等了一陣就有位，店內面積唔大，裝飾佈置用上燈泡點綴，感覺都令人舒服打開餐牌都發現甜品選擇都唔少，午市時仲提供韓式飯卷有個'椰皇子'系列，一於試下呢個榴槤飄香椰皇子原個椰皇送上，底層係以椰皇水整嘅果凍，食到有椰皇水嘅清香味道，面層有香甜榴槤果肉，加上粒粒脆珠，每食一啖，香濃啊榴槤果肉同脆珠，口感好夾！鐘意食榴槤嘅千祈唔好錯過！另外一款係自家製雪糕配椰皇子，有黑松露，焦糖布丁、香蕉或椰子味雪糕選擇，我地選擇香蕉味，底層亦係椰子果凍，面層再加上自家製香蕉雪糕，顏色唔係慣常嘅黃色，食落會食到香蕉果肉，味道ok!再試埋芒果吐司粒粒山，吐司切得細一點會容易食d，放耐一點都保持到脆感，配一d芒果雪糕一齊食會仲好味！店內設有自助果茶，免費供應，食完甜品可綜和一下甜感，幾貼心埋單三樣甜品都價錢合理，食完暑氣全消，為今晚嘅聚會劃上完美句號