i CREMERiA Café (Closed)

今日係二表姐生日嘅大日子，我們當然要一齊慶祝啦！問到二表姐最想食咩嗰陣，佢就話好想再去食我們之前都一齊去食過，喺旺角朗豪坊嘅「i CREMERiA Cafe」，所以我們就一齊去咗食雪糕慶祝！我們叫咗幾款唔同嘅一齊share嚟食，分別係海鹽焦糖脆脆雪糕係有一大塊相當香甜嘅焦糖脆片，而雪糕就除咗有香甜濃郁嘅焦糖味之外，仲有海鹽嘅鹹香味，兩樣夾埋就可以中和咗個味道，唔會太過甜，係我們其中一款最鍾意嘅雪糕味道！宇治抹茶銅鑼燒芭菲杯首先我們就食咗個銅鑼燒，質感好鬆軟，唔會好乾同好硬，中間嘅抹茶夾心亦好香濃，再夾埋啲冰凍嘅抹茶雪糕一齊食，真係好正呀！柚子抹茶餡蜜芭菲嘅白玉係我們覺得喺所有食材入面嘅主角，因質感非常煙煙韌韌，柚子嘅味道相當香甜清新！香醇咖啡Affogato因為係冷熱交融，怕雪糕會溶晒，所以喺指定動作，即影完相之後就要即刻食，頂層係軟滑嘅雪糕加埋啲灑喺面嘅脆片一齊食，令到口感更加豐富，而底層就係熱辣辣嘅香濃咖啡，一冷一熱，真係好特別呀！純金北海道牛奶雪糕嘅外層係用原片金箔包著，令到賣相感覺非常華麗，入面就係相當軟滑濃郁嘅牛奶味雪糕，真係好好味呀！

柚子抹茶餡蜜芭菲 ($58)作為綠茶中毒者，我習慣揀純綠茶味雪糕，務求味道有咁濃得咁濃。 但食過呢度既綠茶味比較單調，俾多次機會竟然有意外之喜。 柚子清新果香成功引出抹茶濃郁既甘香同北海道牛乳既香醇，幼滑雪糕、煙韌既白玉丸子同最底既綠茶啫哩組合成豐富既口感，而柚子醬就完美連結起一切。一直覺得呢度有如商場中既小花園般自成一角，環境幽暗適合談心。 落單時更可讀出全名訓練恥力，「想要個源自1836年京都森半宇治抹茶雪糕丫唔該」。

今晚我們喺旺角朗豪坊食完Monchhichi餐之後去咗隔離嘅「iCREMERiA Cafe」食雪糕甜品！我們叫咗柚子抹茶餡蜜芭菲同白玉餡蜜芭菲嘅賣相好吸引，同之前食過嘅一樣，又係有開始溶嘅感覺，抹茶嘅味道相當香甜濃郁，柚子嘅味道比較清香，由於媽咪超鍾意食白玉，所以我們另外再加咗啲白玉$12有3粒，質感非常煙煙韌韌！另外凡惠顧任何食物加$10就可以有抹茶朱古力泡芙一個，泡芙嘅質感相當酥脆，除咗面層有一層薄薄嘅抹茶朱古力脆，入面亦有香濃嘅抹茶朱古力餡，雖然有內外都有咁多朱古力，但食落嘅味道唔會覺得好甜同好膩，真係超好味呀！熱朱古力嘅味道超香甜濃郁，食完啲凍冰冰嘅芭菲，之後再飲番杯熱辣辣嘅朱古力，真係特別暖笠笠呀！

由於明日26號表姐嘅生日正日佢要收夜，而今日佢可以收早，所以我們特意約咗佢去朗豪坊嘅「i CREMERiA Cafe」食佢最鍾意食嘅雪糕甜品！我們叫咗柚子抹茶餡蜜芭菲、白玉餡蜜芭菲同高知縣沢渡茶大福芭菲杯，雖然賣相都幾吸引，但一攞到埋位嗰陣已經覺得開始溶溶地，抹茶嘅味道唔算太香濃，奶味比較濃郁，大福嘅質感好煙煙韌韌，但味道就比較偏甜，白玉嘅質感相當煙韌彈牙，紅豆嘅味道唔會過甜，而最底層嘅蒟蒻味道係無味，要加埋啲雪糕一齊食就會好食啲啲！