Just Eat (Closed)

好久沒來西營盤，今天與閨蜜來到高街附近覓食，發現這間位於高街上方扶手電梯東邊英華臺平臺位置的越南餐廳。平日晚上六點半人並不多，我們兩人基本上已經可以包場。餐廳環境舒適很有藝術氣息，餐牌選擇好多看上去已經好吸引。芒果軟蟹殼卷&香茅燒豬扒：蟹殼卷超大大件，芒果好滑好甜，軟殼蟹配搭埋芒果一齊食，濕加乾兩種嘅口感，啱啱好！燒豬扒亦都燒的香脆可口，都幾香口，超飽肚。柚子蝦沙律: 青瓜絲柚子肉都幾多，配埋彈牙大蝦仁及腰果，清甜好開胃越食越好食。濃味牛湯浸手切牛肉河：見到好多網友推薦，裏面有好多不同的配料，湯底充滿牛肉味，牛肉本身都軟硬適中，好滿足~薄荷青檸蘇打&柑橘蘇打：閨蜜飲完一杯又一杯，真是最佳拍檔！

西營盤有不少隱世美食，在橫街窄巷也可能找到特色料理。就好像越南餐館「Just Eat」開在位於斜坡上的英華臺，第一次到訪或需找找路。餐廳主打各種越式粉麵和小食，價錢親民，份量又多，因此很受附近的居民、學生歡迎。番茄濃湯海鮮檬 ($68)番茄湯底香甜濃郁，海鮮、檬粉吸收了湯底的精華後亦變得份外鮮甜。海鮮種類多，除了鮮蝦，還有魷魚圈、珍珠帶子...... 另外，檬粉份量多，很飽肚，整體性價比高。柚子蝦沙律 ($56)沙律中除了柚子和蝦，還加入青蘋果粒、青瓜皮、紅蘿蔔絲、腰果碎等，非常豐富。與越式魚露混合後，沙律酸甜開胃，清新宜人。

繼續中西區 ，美食尋找之旅😚😚 今晚來到西營盤， 朋友推介了一間比較隱蔽的越南餐廳。 意想不到的是，餐廳的食物價格非常相宜， 大部分食物都是四五十蚊， 飲品也只是二十幾蚊😎😎柚子蝦沙律柚子肉鮮甜多汁， 最特別係加咗青蘋果， 非常爽口酸酸甜甜， 十分醒胃。烤肉丸扎肉撈檬粉烤肉魚丸香辣可口， 扎肉的黑胡椒味道突出， 而且份量也不少， 加埋新鮮生菜同埋酸蘿蔔， 非常清新。蒜香牛油雞翼外皮香脆美味， 內裏肉質嫩滑多汁， 最鍾意就係蒜蓉夠曬香。香茅牛肉串燒+香茅雞肉串燒烤至金黃香口 ， 牛肉肉質淋滑， 雞肉夠嫩滑， 加埋香茅味道， 十分惹味。薄荷青檸梳打比起一般青檸梳打， 加上薄荷葉就更加清新， 平衡了吃煎炸食物的油膩感。😊😊

今日去開西環做嘢，見到住宅樓下有幾間餐廳小店，攰攰地就入咗呢間越南餐廳食少少野。柚子蝦沙律，入面包左青瓜腰果，撈埋魚露，感覺都幾清新。蝦肉爽甜，柚子唔會澀。芒果軟殼蟹卷，炸軟殼蟹配埋新鮮芒果，食落鹹鹹甜甜，唔會覺得熱氣。一份有六件，入面配埋啲米粉、青瓜、生菜，口感豐富。海鹽串燒蝦，價錢唔算平，$60只有兩隻，不過算大隻，蝦肉爽甜，加上少少海鹽，唔使加額外醬汁已經好容易帶出其鮮味。 蜜桃香茅茶，不過就甜咗少少。

聽朋友講呢間新開張,做緊9折優惠,就同朋友過黎試下啦!雖然細細間,但環境唔錯,D侍應都幾有禮貌!今日都試左幾個菜,最中意係個蒜蓉包,外脆內軟,仲好香添!另外仲有柚子蝦沙律,麥皮雞亦,真係好特別,可以試下雖然個麥皮雞亦d麥皮有d咸,但配埋個雞亦食都ok。除此之外,仲有豬扒濱海,豬扒好好食。好似仲有個越式粉包,我朋友話都好香好好味,但可能我本身對呢類粉皮晚既菜麻麻地,覺得OK啦!最後要講一講我飲左杯飲品好正,桔仔甘蔗水,由頭飲到落尾,夠曬大杯