帝苑餅店

Open Now

Now Closed

肥髀生日，訂咗尖沙咀酒店staycation，所以蛋糕揀左呢間出名餅店，早十多日訂餅，店面雖然不大，裝修華麗，雪櫃西餅賣相精緻，店員幫我開單，因想早點去酒店，要求早啲攞餅，店員都好好盡量安排！本來訂士多啤梨🍓蛋糕，點知訂左後囡囡講想食栗子🌰，我打電話去餅店問改款手續，原來店家可以接受電話改款（實在太令我窩心）攞餅當日是父親節前星期六，餅店內多客，店員有耐心招呼，很快就取好餅，店員會包好前向我展示才包，因轉款我有差額22元，揀多一件西餅，兩個餅盒店員主動加多一個環保袋比我方便拎，袋內又放左冰袋（窩心）服務令我滿意🥰👍🏼70%朱古力西餅（$52）多出呢件餅做我哋嘅下午茶，賣相精緻貴氣，朱古力皮極美，入面慕絲滑，中央包鬆軟蛋糕，朱古力味極濃，濃中又分到層次，墊底嘅牛油餅正常，連唔喜歡朱古力味嘅肥髀都喜歡栗子蛋糕（$398）留在晚飯後當甜品食，賣相其實較平實，值得讚是雪到晚上栗子茸依然極滑，而栗子味極濃，忌廉蛋糕忌廉極軟滑，蛋糕鬆軟，與栗子茸相間，難得是栗子茸、蛋糕、忌廉都不會過甜，士多啤梨又大粒又爽甜，整體好味！朱古力牌+金蠟燭都貴氣！無令人失望嘅蛋糕

由於今日係姨丈生日，所以我們喺尖東帝苑酒店嘅「Fine Foods帝苑餅店」買咗個栗子蛋糕去姨丈屋企慶祝！個栗子蛋糕真係新鮮即做， 所以質感極之香滑鬆軟， 栗子蓉非常香甜軟滑， 味道唔會過甜舖面嘅士多啤梨同雜莓亦相當新鮮！ 真係超好味呀！ 姨丈超鍾意呢個生日蛋糕！ 另外！店內嘅環境同裝修令人感覺好舒服！