Zero One Coffee & Roastery

Open Now

Now Closed

我從中環街市往山上走，來到Zero One Coffee & Roastery門前才發現，這間咖啡店旁邊就是另一個連鎖咖啡品牌，怎麼競爭呢？咖啡店的主理人是一位來自台灣的烘培師，贏過澳洲國際咖啡烘焙賽總冠軍。咖啡豆都是咖啡店自行烘培，我今日點了一杯招牌飲品：桂花冰釀咖啡。簡單來說，就是冷泡咖啡(Cold Brew)。不過這杯Cold Brew有點特別，表面有一層很厚的泡，泡上面撒了桂花碎。炎炎夏日飲一杯清爽冰涼的咖啡，咖啡散發著淡淡的桂花幽香，將食客帶離繁囂的都市生活。這間咖啡店空間雖然不大，不過環境佈置令人覺得好舒服。桂花冰釀咖啡 $50

見到cafe門口寫住2020 coffee roasting champion即刻狗衝入去試吓係咪真係咁堅😂🌬桂花冰釀咖啡 $50平時會有花香味嘅咖啡通常都會係latte類 今次竟然可以飲到有花味嘅cold brew😗😗平時如果唔中意飲齋啡又或者係咖啡新手可以點呢個試下！一飲落去桂花味已經撲鼻而來 甜甜地唔太膩 咖啡幼滑 面頭個啲係打空氣落去嘅泡泡 但相比起其他cafe嘅 cold brew 咖啡味就唔太濃 店舖有2層 外觀比起其他(打卡)Cafe稍為遜色 室內打卡會好啲 裝修都係以白色為主~ 其實呢杯cold brew都係佢哋嘅招牌 我主動問關於杯咖啡嘅問題都唔係攞到太多資訊 建議店員下次主動介紹咖啡特色🥲

˚✧₊⁎ 𝑅𝑒𝒸𝓇𝑒𝒶𝓉𝒾𝓃𝑔 𝓉𝒽𝑒 𝒫𝑜𝓈𝓈𝒾𝒷𝒾𝓁𝒾𝓉𝒾𝑒𝓈 𝑜𝒻 𝒞𝑜𝒻𝒻𝑒𝑒 ⁎⁺˳✧༚其實呢句slogan又真係幾引到我已好奇心嘅，每次去到唔同嘅地方，餐牌上依舊係個幾個熟悉名字，都期望味道會俾我一點衝擊😎今次衝著呢杯桂花冰釀咖啡而來，睇住食評已經流口水，幻想到桂花香同咖啡喺口腔入面嘅感覺。店長好好咁預早同我單聲呢個cold brew 係有小小小小sugar syrup，但正直我減醣期，就算佢唔建議我都堅持走糖..... 果真，飲唔出會花香呀😅 同我幻想中嘅出入，下次都係唔好亂改別人用心研發嘅調配，萬事存在都有因由。 #職人尊重 #respect 唯.... 樓上二樓雅座，用完的咖啡杯堆得高高的.... 間唔中仲有啲蚊滋飛來飛去... 其實，自己咖啡自己執，簡單拎返個杯落樓，唔難啫⋯⋯

行過見到呢間鋪話會recreate the possibilities of coffee，就好想試下。見到佢有個牌寫桂花冰釀咖啡，覺得好似幾特別。本身都唔係cold brew粉絲，不過見到有桂花好似幾好飲咁。佢話本身有落少少糖漿去吊味，不過我都堅持走糖漿，但已經覺得個味好香了，推薦！佢叫我用杯飲左啖先用飲管。用杯第一啖有最重既桂花味，我問店員，佢話咖啡同桂花乾一齊浸左一晚。之後用飲管飲，桂花味愈黎愈淡，不過佢既咖啡唔酸唔苦，氣又適中，飲落好舒服！唯一係價錢偏貴。如果係三十幾蚊我會不停回頭！

依間cafe我已經留意左一排，今日終於試一試。間cafe分咗做兩層，我就選擇坐喺下層望住街景。我點咗杯桂花冰釀咖啡，的確有啲驚喜。嗰種桂花味畀人一種清新感覺，飲落口好順滑，值得一試。個店員同我講，佢哋採用台灣直火嘅方式烘焙咖啡豆，咁樣會令到咖啡嘅香味同口感更突出。另外我都點咗一片cake試一試，平時我最怕啲蛋糕太過甜，片蛋糕就幾啱我胃口，甜度啱啱好。總括嚟講，喺依間cafe望住街景，飲杯靚咖啡，享受慢活生活都幾寫意。

路經看到有2層，上層沒什麼人，不怕受打擾，立馬進去。點了桂花冰釀咖啡，但桂花味不太濃，不過可以坐下來看看外面的街景，上上網，聽聽音樂，雖然好像很無聊，但我挺享受這種生活，因為平常生活節奏太快了，可以的話想要慢下來。

朋友帶黎中環呢間cafe chill下，話試過唔錯佢有兩層，我地就坐左喺下層，有三張細圓枱，一望飲，可以一路街外既遊人，感覺都幾好我叫左一杯熱cappucino ，感覺都幾好，未算係好有驚喜個種。奶泡都幾滑，有咖啡味。朋友叫左桂花冰釀咖啡，反而好有驚喜。第一次飲桂花味既咖啡，佢既桂花味都幾明顯，好清香，但唔會太假。反正咖啡味就唔算好濃，可能咖啡同桂花之間要取個平衡啦朱古力蛋糕都十分好食，好濃好滑。平時唔太鐘意食cake既我，都食左大半個真係好食