日月堂

Open Now

Now Closed

第一次食日月堂，我哋11:50去到見開咗門，店員話可以入去坐但12點先可以落單。嗌咗幾樣嘢食，1. Lunch set 鹽酥雞滷肉飯，連小食同冬瓜茶，我哋仲加配左花枝丸，花枝丸都係有鹽酥雞粉，滷肉飯有台灣嘅味道，而且滷肉都相對比其他嘅舖頭多，半肥瘦真係好好味，鹽酥雞唔會炸到好乾，唔夠味可以自己加鹽酥雞粉，但我覺得唔加都OK夠味，佢送個小食就實在普通啦，冬瓜茶就比較甜，下次可能加錢試吓其他。 2. 麻辣鴨血，味道OK，但食到最後啲花椒味變得有啲苦，有兩條菜墊係底，所以望落去都幾多3. 梅子地瓜條，呢個必食，非常好食，梅子粉我覺得可以再多啲，不過有樽梅子粉係枱，自己可以任加，熱辣辣上枱，外脆內軟4. 因為冬瓜茶太細杯嘅關係，我哋再嗌多杯珍珠奶茶，好大杯，平時飲開正常甜嘅我，因為驚好似冬瓜茶咁甜，所以今次嗌咗少甜，估唔到少甜都咁好飲比起哈豆，我就覺得日月堂好食好多！ 食到好飽但價錢唔貴，呢間可以再encore。

小店藏身於工廈之內，無乜大型招牌，但識食的朋友總會發現依間好野，而且回頭指數極高。美食質素和味道相當滿意，加上價錢經濟，ＣＰ值極高，希望小店可以繼續保持水準。食客以QR Code落單，自助快捷岩晒心急的人。牛三寶麵 $80牛三寶麵大大碗，可自選不辣、少辣或大辣，餓底友人食完表示很滿足。湯底濃郁牛肉味，牛腱肉咬落唔韌，牛筋及牛肋條非常淋身，夠晒膠質。炸排骨便堂 $62排骨外皮酥脆帶點鹽酥味，肉質鬆軟唔韌，仲有滷肉、酸菜及滷蛋，滷肉半肥瘦拌飯一流，唔覺唔覺食晒成碗。炸甜不辣 $38即叫即炸熱辣辣，口感煙韌，甜辣醬汁美味好食。梅子地瓜條 $36外表炸得金黃，灑滿梅子粉，地瓜咬落外脆內軟，酸酸甜甜非常開胃，如果有杯啤酒就爽了，必點小食之選。黑糖珍珠奶茶（熱） $24甜度自由選擇，珍珠夠Q彈。冬瓜茶$18 （+椰果$5）嫌冬瓜茶單調加埋椰果，結果又幾夾喎，好味。

還記得幾年前跟這位好友遊台灣，大家由起身開始食，食到晚上瞓覺才停，還晚晚都掃街……台灣美食多，沒有辦法，真的停不到口。這位好友最近發現到一間滿有台灣味的小店，便嚷着要帶我去重搭台灣的美味，我當然馬上認承。小店位於觀塘一個工廈裏，門口這句「縱未知明日福禍，仍約定你下月平安相聚」真的發人深省。提醒大家把握現在，好好珍惜與人相聚的時間，大家平平安安，健健康康才是最重要。對嗎?走進入裏，長方形格局，有兩行座位，每枱有小板間着四人枱，地方不算好大，但整齊企理。一見到牆上的大海報就很懷念遊台灣時所住的民宿，哈！點菜可劃紙字或掃QR code，餐單有數個系列，分別有台式便當、乾拌麵、小吃、滷水、飲品、甜品等，大部分都是遊台灣時必吃的。***********************友人要了一份起司炸雞扒便當（$65），大大碗，有一大件雞扒之餘，還有不少滷肉，真是啖啖肉，份量十足。炸雞扒外表金黃，還舖了已溶的起司，芝味滿分，雞扒香酥肉嫩，烹調入味，再加了鹹香的滷肉和雪菜撈飯，正！而半隻滷蛋也不錯，都好入味。***********************去台灣必食牛肉麵，所以我點了一碗份量十足的牛三寶新竹

好少比好評，今次一定要寫讚一讚。一行四人難得來到觀塘，竟然搵到一間咁正的台灣餐廳。😍多人所以可以點幾個小食試。先到左個梅子地瓜條，酸酸甜甜，勁開胃，炸到剛剛好，外脆內軟，仲熱辣辣的😍好開心！再來係宜蘭花枝丸同柯仔煎，全部炸得剛剛好，柯仔煎點佢既汁食一流👍🏻起司雞排便當係估唔到咁好食！芝士同炸雞排同肉燥撈埋一齊食係估唔到原來咁夾！👍🏻👍🏻👍🏻見到有我最愛既黑糖珍珠鮮奶即刻叫返杯，係我中意既鮮奶味，有奶香但唔羶。依一餐食得我好滿足！🥰

觀塘有好多工廈，當中隱藏好多美食。今次聽朋友介紹，食一間台灣美食日月堂。日月堂係永興工廈4樓C2室，係The wave 隔離，容易搵到。雖然係食台灣野，但日月堂既裝飾好有香港本土風格，但都唔影響到佢嘢食既質數，仍然好有台灣地道既味道。餐牌種類都多，有麵食，有便當，有小食，基本想食嘅台灣嘢食都有。每次食台灣嘢，我都必點牛肉麵同地瓜條，因為真係好好食，同食依樣野最睇到功架。兩個牛肉麵既湯底都係酸菜牛肉湯，好開胃，而且D牛肉都好腍，好入味，當相出色。然後小食點個拉絲肉鬆蛋餅同梅子地瓜條，兩樣都好出色，尤其地瓜條脆卜卜加梅子粉，相當好味。介紹依兩個比大家一定要試下。飲品就正常發揮叫左一杯冬瓜茶同香芋奶茶，可以叫極微甜，減肥人士就岩啦。餐廳好有本土味，值得支持，而且嘢食都好好味。 評分味道⭐⭐⭐⭐⭐環境⭐⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐

今日黎左li間人氣台灣餐廳, li度喺APM個邊行5分鐘就到, 好味餐廳排隊入座係常識👍🏻, 推門入裡面原來咁大地方, 坐得唔迫good.🍴梅子地瓜條 (HKD36)見到好多枱都嗌li個炸蕃薯🍠條我地又嗌, 條條都粗身嘅地瓜條現炸後灑滿提味嘅梅子粉, 2種甜味都十分天然, 而且蕃薯咁有益, 食多幾條都無罪惡感呢.🍴玉米起司蛋捲餅 (HKD38)喺香港食過咁多間台灣名物蛋捲餅, 我覺得li度嘅暫時無得輸, 勁好食囉!! 熱辣辣大大條捲餅未食已經睇住啲芝士熔緊出黎, 一夾起完全係勁拉絲ga!! 好足料好有台灣風味.🍴手工滷肉飯 (HKD42-大)誠意之作: 滷肉鋪滿喺珍珠飯上面, 聞到啲滷汁嘅香, 啖啖都充滿滷肉, 半隻滷蛋都好入味.🍴麻辣鴨血冬粉 (HKD75)加5蚊轉冬粉咁抵梗係食冬粉吧, 有好多舊鴨血(放心吃-食多舊鴨血並唔會對血庫造成影響的🤪), 中間睇真啲原來係辣椒同胡椒粒, 湯底個種麻辣感超剌激, 同口感香Q冬粉超夾.🍴黑糖珍珠鮮奶 (HKD30-熱) 香芋奶茶 (HKD24-凍) 老公杯香芋奶茶好特別, 飲落感覺係一整球香芋雪糕打入鮮奶, 口感好rich; 我杯黑糖珍奶🧋杯底

呢間餐廳位於工廈入邊，身為路痴嘅我一開始去錯咗對面嘅工廈🥲之後發現只要興業街轉入去直行就會見到個大廈嘅banner!餐廳嘅燈光偏暗，營造咗少少夜市嘅感覺🎇入邊嘅裝飾都充滿住台灣氣氛，有刻咗食物名嘅木牌、亦都有唔少台灣好地方嘅明信片，仲有成日聽開嘅台灣歌，即刻勾起返晒我啲旅行回憶🥺😭玉米起司蛋捲餅🌽🧀🥚 ($38)我哋豐富左餐廳嘅招牌菜——芝士粟米蛋餅，好有咬口嘅外皮、配埋入面嘅流心芝士仲有粟米，成件事係勁和諧！尤其鍾意佢外皮嗰種煙韌！🦷梅子地瓜條🍠 ($36)我哋仲嗌咗個咋地瓜條，上菜時仲熱辣辣，炸得啱啱好嘅地瓜外脆內軟，再蘸埋少少梅子粉，酸甜鹹兼備，真心食到唔停口！😋真係必叫之選！超級推薦❣️牛三寶麵🐮 ($80)個名好得意就叫嚟試吓，其實食落有啲似平時食嘅紅燒牛肉麵，入面有大大嚿嘅牛腱肉、牛肋條、牛筋同埋蘿蔔等，仲有唔少配料例如酸菜等。最特別係佢嘅麵線——薯粉！呢款薯粉有啲似闊面咁，扁扁地但係同樣好好咬口，最欣賞嘅係佢嘅麵線好好咁樣吸收左湯嘅精華，食落去每一條都感覺到湯嘅精髓😋少少可惜嘅係啲牛筋有啲硬，要用返啲牙力先食到😂手工滷肉飯（大）($42)食得台灣野梗係唔可以錯過滷肉飯啦，呢

觀塘出名工廈多好嘢食 今日我地捐窿捐罅 去左the wave隔離一座工廈食台灣菜💛💛💛 裝修都幾有台灣feel😛 價錢貼地唔貴 仲要好好食😍食台灣野點可以試吓佢嘅滷肉飯 我地就揀左試手工滷肉飯同麻辣鴨血新竹米粉🤤 一食滷肉飯就知一間台灣餐廳龍與鳳 呢個滷肉飯真係不得了 滷肉有齊肉粒同肉碎 又腍又入味又有口感 滷肉同汁岩岩好送哂成個飯 超好食👅 麻辣鴨血新竹米粉鴨血同埋蘿蔔都超級惹味 麻辣程度啱啱好 配上新竹米粉 吸哂麻辣湯汁 食到好爽😆小食我哋今次就試左梅子地瓜條同宜蘭花枝丸😛 梅子地瓜條大家一定要叫嚟試吓 地瓜香甜 炸到外皮脆卜卜 加上梅子粉 酸酸甜甜勁香口勁好食😍 宜蘭花枝丸又5大粒 彈牙 同樣滋味👍🏻飲品我哋就試左仙草奶茶同百香果綠茶 兩杯都好好飲 最重要係唔會好甜🤩 奶茶有淡淡的茉莉花香 茶味都幾出 百香果綠茶就好清新 大大杯好抵飲🌟

在網上看到這間人氣工廈台灣菜餐廳，看著地圖不算難找餐廳內裝潢簡潔，枱與枱之間和空間也足夠紅燒牛肉麵 - 台灣菜必點的麵食，一看湯底便知道很濃郁牛肉即是牛展，肉質非常軟腍和入味麵質很像日式拉麵，幼細又有咬口梅子地瓜條 - 即炸的黃地瓜條十分香脆，黃地瓜也很清甜，沾上梅子粉來吃十分醒胃玉米起司蛋卷餅 - 賣相吸引，是油餅包著粟米，煎蛋和大量芝士芝士控必點的，有拉絲效果滷肉飯 - 有滷水蛋，和鋪滿整個飯的滷肉滷肉肥瘦剛好，十分入味，配飯來吃真是吃不停口黑糖珍珠鮮奶 - 黑糖味不會很甜，鮮奶香滑香芋奶茶 - 份量很大，不過不失這間隱世的台灣小店食物高質，值得再來

自己本身都幾鍾意食台灣菜，台灣菜嘅食物種類雖然食嚟食去都算係嗰啲，又唔知點解食極都唔會食得厭🤪如果你問我，我都可以好肯定同你講我去到依一刻都仲係好鍾意食。觀塘向來不乏小店，大部份都係工廠大廈上面，呢一間台式餐廳都唔例外，仲要係良心小店💛台式餐廳嘅裝飾都幾有風格😆唔會話乜嘢裝飾都冇招牌系列同埋特色小食都吾少，另外仲有便當、吐司同埋滷水等等。食咗餐前小食先，系梅子地瓜條，即系蕃薯條，平時食得薯條多，食蕃薯條相對會健康啲。表面有大量嘅梅子粉，酸酸甜甜好好味😋就小食黎講，食番薯條都幾有飽足感，又唔會話太淋，脆脆地夠香口。一間台式餐廳如果係有蛋餅我多數都會叫，今次就叫咗個粟米芝士蛋捲餅。蛋香味都吾錯，入面嘅芝士有炭燒味，呢樣野好鬼正😍未食過芝士蛋餅會有炭燒味。食到芝士嘅同時又感受到粟米嘅清甜，不過稍嫌蛋餅乾身，問題唔明顯，濕潤返啲就完美。滷肉飯又係必點嘅一樣嘢，唔係講笑，一嚟到睇個樣已經feel到好正🤤滷肉粒粒分明，雖然話係滷肉，食落去唔會好肥，肥膏部分吾多，食落就冇咁有罪惡感😏入面嘅有大量嘅滷水汁，啲飯索埋啲滷水汁好入味。紅燒牛肉麵堅係吸引😍間間台式餐廳都有紅燒牛肉麵，要突圍而出真係唔容易，呢

疫情下少左出去食飯,但間中都想同朋友黎個小聚❤️就去KT 一啲小食店支持下,揀左間台灣野食亦一解我地冇得飛之苦🤣尼間台灣食店感覺都幾道地，店舖設計有著大大既台灣街景好有feel，牆壁上都係貼滿哂台灣景點/特色地方既名信片😍真係好想去台灣😖 而店內空間感好足夠，都坐得幾舒服👍🏻______________________________紅燒牛肉麵($70)牛肉麵大大碗唔孤寒😙湯底有濃濃的蘿蔔味加牛肉既味都滲入左湯底中蘿蔔大大塊，麵質彈牙牛肉數量多而且好厚，筋同脂肪比例都好好，一啲都唔韌，好淋好好食，價錢都合理梅子地瓜條($36)相比起平時出面食既炸薯條🍟我更中意尼個地瓜條!!地瓜條炸出味道更甜加埋灑係面個啲梅子粉真係冇得輸!酸酸甜甜咁💯好惹味，食完一條會忍唔到口😆手工滷肉飯(大 $42) 食得牛肉麵，當然唔少得滷肉飯啦一上到枱面就見到菜同肉嘅比例，恰到好處唔會好多滷肉幾條菜，夠纖維滷肉肥嘟嘟冬天食 幸福感覺油然而生滷肉嘅咸度適中，同時都夠曬黎撈飯玉米起司蛋捲餅($38)真係要趁熱食!粒粒玉米，非常甜!同微鹹嘅芝士夾埋 ，真係絕配淋面嘅咸甜sauce即刻完滿左整個台灣的味道黑糖珍珠鮮奶($3

「給我一個理由忘記 那麼愛我的你🎼」「給我一個理由放棄 當時做的決定🎼」-一入到黎發現呢度既設計雖然好簡約，但好有台灣特色😌重點係呢度Playlist播既歌完全就係我平時聽開既歌啊！！勁有共嗚啊🥳🥰唔知上面呢首歌大家有冇聽過呢❤️-🎈手工滷肉飯 (大) $42去食台灣野真係一定要叫滷肉飯啊😎呢度既滷肉用上半肥瘦既豬肉，食落一啲都唔會覺得好肥膩😆-🎈麻辣鴨血冬粉 (+$5) $75最鐘意係呢款啊！識我既人都知我真心幾鐘意食鴨血😍鴨血新鮮得黎好入味，而冬粉完全索哂成個麻辣湯底啊，所以超好食～個人覺得麻辣既程度剛好，如果可以辣多少少都可以🤣總括係自己食哂一碗完全冇難度啊😎-🎈炸鹽酥雞 $48鹽酥雞炸到好香脆但又唔會話好乾身，而裡面仍能鎖著雞的肉汁和嫩滑😚-🎈梅子地瓜條 $36即叫即炸，黎到熱辣辣咁好正😛地瓜條外脆內軟，而呢度仲會係地瓜條上面灑上梅子粉，酸酸甜甜咁好開胃😚個人黎講都幾喜歡😌-🎈凍黑糖珍珠鮮奶 $32成杯飲品好重鮮奶香味😚而黑糖珍珠既甜度就剛好～-🎈凍蜂蜜紅茶 $22個人覺得偏甜了一點😳下次都係叫返微糖好啲😛-🔸日月堂📍觀塘興業街14號永興工業大廈4樓C2室

呢間台灣餐廳新開無耐，咁岩經過觀塘附近就去試吓～一經過門面，見到有個印左感人句子嘅打卡位入去前要量體溫，入到去就用電話落單，叫咗兩個主食同兩個小食～電話快速落單最近台灣咁流行食鴨血，我都唔執輸叫咗一碗麻辣鴨血冬粉一嚟到已經見到堆滿咗好多鴨血～湯底好惹味，有啲似椒鹽嘅味道，而且少少辣，幾香鴨血口感唔錯，好嫩滑，但味道方面咸咗啲個人好鍾意食冬粉，呢個湯底配冬粉冇得輸冬粉qq的，但又唔會好韌～個人覺得清燉牛肉麵比起鴨血冬粉更驚喜個湯底好清，而且好有藥材味，好正而且d牛肉大塊得黎又厚，最緊要係超淋牛肉大塊又淋食台灣野就一定要叫鹽酥雞～佢呢個炸得不錯，而且外脆但入面仲好juicy唯一覺得調味多少少就好d～呢個地瓜條好正，熱辣辣上碟～第一啖覺得又甜又鹹有啲奇怪，但食下食下又會上癮而且個地瓜唔會好粉，係外脆內軟，好正餐牌