龍袍

Open Now

Now Closed

今年爸爸節特別旺🥳因為解禁個個急不及待出番嚟，已經提早2星期訂，好多都已經訂🈵、一係就唔接受預訂📴老人家都係啱食中餐🥢因為有老👵🏻👴🏻有嫩👶🏻所以要搵間真係要坐得舒舒服服⋯⋯龍袍其實都唔係第一次幫襯，電話訂座已經問定使唔使食指定套餐，可以散叫👍本身預咗大時大節出去食飯水準一定比平日👎所以有哂心理準備🥢⋯⋯竟然有驚喜🤩前菜一向水準都唔錯，點了黑毛豬叉燒、脆豆腐粒粒、黃金鮮魷主菜其實只係知道必食泡飯，就問經理有咩推介，好專業，首先問我哋有冇嘢唔食、敏感之類⋯咁我哋唔太食肉就推介咗有時令海鮮，首先有個油浸筍殼魚，之前喺第二度食過其實印象一般，即管再試吓🤨⋯⋯完全改觀，真係做到外脆內軟，炸得剛剛好，魚肉保持得好嫩滑，成條魚由頭到尾食清，連小朋友都嗌追食第二件😋另一推介富貴蝦，其實即係瀨尿蝦，有幾款做法，屋企人揀咗避風塘，嘩嘩嘩！不得之了，好有heart連殼都拆埋啖啖肉，真係第一次食瀨尿蝦食得咁爽，最正係小朋友自己都食到，唔使幫佢搣殼😅下一味就係薑蔥蟹煲，隻蟹真係好巨型🦀一隻夠哂全家食因為姐姐👩🏽唔食豬，但又想食個肉，最後點咗個燒鵝，因為我已經好飽，仲要留肚食我至愛嘅泡飯同甜品，所以我冇食，但屋

條Team開左張大單，Head 萬歲我地去飲茶坦白講點心都係中上質素，但環境真係幾舒服幾好坐既，一班人都傾得幾開心仲傾到齊齊遲到，好彩head係度先無集體收warning咋HAHA不過價錢都係比普通酒樓貴，但環境加番分既

今日有新同事係第二個國家黎我地公司實習，所以老細請我地條team去飲茶作welcoming lunch！雖然環境真係唔錯，旺中帶靜，但對於我一個小小上班族黎講價錢真係有點貴老細係熟客，聽同事講佢平時見客都會成日黎呢間酒樓，難怪個日我地坐到張靚枱好，講下野食先，味道都算唔錯，款式出面比較小見棗皇糕好煙UN飲到無味精的湯 好感動最後我希望可以快D有新同事再入職/或者老細會帶我出去見客，咁我就可以再黎大飽口福了

同事放產假前夕一齊出去飲茶，秘書姐姐book咗office附近間新嘢。。。飲茶☕️近近哋行過隔離新鴻基中心唔使5分鐘👣開餐🥢龜🐢包好可愛嘅呢，啱哂打卡嘅你我他🤳菠蘿包好新鮮焗起夠鬆脆，裡面足料叉燒夠Juicy，好睇😍又好食😋推介👍有驚喜！起初以為海參一定係一pat嘢，口感出奇地爽脆，有點似食軟骨，質感唔錯，經理冇介紹錯👍鹹水角皮用紅蘿蔔🥕搓，食落同一般鹹水角冇別石窩生煎包，包皮夠鬆軟，每一口都充滿黑胡椒味，好似食台灣嘅胡椒餅，喜歡黑胡嘅人都係不錯之選😋這個蘿蔔糕食到一絲絲蘿蔔，清清哋冇落XO醬唔辣啱哂小朋友👧🏻🧒🏻👦🏻好大隻蝦呀🦐蝦夠新鮮好爽口😋龍蝦湯鮮竹卷，用湯取代傳統茨汁，唔錯😋黑金流沙包，近年大熱竹炭做包皮，一定要襯熱食呀，裡面啲奶皇流心好滾動，包皮夠軟身，讚讚讚👍👍👍棗皇糕，口感好軟糯，棗味又夠出，清清哋唔太甜，食多幾件都唔覺漏，好想外賣一打走，正到一個點👍👍👍食完2款咁出色嘅甜點，馬拉糕有點失色，冇乜特別🤷🏻‍♀️蛋撻仔可比美茶餐廳個酥皮，鬆化到一個點仲有好幾款點心不能盡錄。。今餐飲茶好滿足，點心、甜點同樣創新有驚喜，之前都有去其他地方試創新點，但好多都好睇唔好食，呢度整體都好出