Video
Read full review
2018-12-09
649 views
喺地產霸權同連鎖店充斥下，哩種街坊小廚執一間少一間。話說某日經過土瓜灣店想食個快飯，入到去坐低見倒有白灼腰潤撈麵就叫咗個試一試佢嘅功架，結果不負期望。上openrice搜尋下原來有幾間分店，今日就嚟灣仔店食個晚飯見一見真章。白灼腰潤 - 就係之前喺土瓜灣店試過撈麵，今次嚟個淨食。哩味嘢好少地方食到，猪潤同猪腰灼到緊緊熟，鮮嫩到不得了；猪腰完全冇"壓"味，點下辣椒豉油好惹味。碟底塾咗啲迷你白菜仔，醮嘅熟油好似仲加咗啲麻油，好香。老婆唔食内臟，我一個人食晒，正！西蘭花蝦球 - 好大隻蝦球，超彈牙，西蘭花剛熟。清炒，成碟餸好fresh~椒鹽九肚魚 - 上枱以為白"璽璽"唔掂，其實粉漿超薄，椒鹽味剛剛夠，炸得非常乾身，食完碟底菜冇乜沾倒油，炸功一流。蜆蚧鯪魚球 - 鯪魚肉彈牙，蜆蚧夠咸鮮，不錯。西洋菜陳腎湯 - 一大碗，西洋菜味濃。煲湯啲應該係西施骨，啲肉唔鞋仲入得口！後記 - 真係相逢恨晚。哩啲唔起眼嘅小店，就咁行過都未必會行入去試，好在試過分店ok, 睇相亦見倒地方非常乾淨，今晚就的起心肝嚟試食。食材絕對新鮮，廚師煮功亦高，啲嘢食一定好味，食唔出有落丁點味精。落單嗰陣老細話兩個人一大碗湯夠
話說某日經過土瓜灣店想食個快飯，入到去坐低見倒有白灼腰潤撈麵就叫咗個試一試佢嘅功架，結果不負期望。上openrice搜尋下原來有幾間分店，今日就嚟灣仔店食個晚飯見一見真章。
白灼腰潤
42 views
0 likes
0 comments
白灼腰潤 - 就係之前喺土瓜灣店試過撈麵，今次嚟個淨食。哩味嘢好少地方食到，猪潤同猪腰灼到緊緊熟，鮮嫩到不得了；猪腰完全冇"壓"味，點下辣椒豉油好惹味。碟底塾咗啲迷你白菜仔，醮嘅熟油好似仲加咗啲麻油，好香。老婆唔食内臟，我一個人食晒，正！
西蘭花蝦球
20 views
0 likes
0 comments
西蘭花蝦球 - 好大隻蝦球，超彈牙，西蘭花剛熟。清炒，成碟餸好fresh~
椒鹽九肚魚
20 views
0 likes
0 comments
椒鹽九肚魚 - 上枱以為白"璽璽"唔掂，其實粉漿超薄，椒鹽味剛剛夠，炸得非常乾身，食完碟底菜冇乜沾倒油，炸功一流。
蜆蚧鯪魚球
13 views
0 likes
0 comments
蜆蚧鯪魚球 - 鯪魚肉彈牙，蜆蚧夠咸鮮，不錯。
西洋菜陳腎湯
24 views
0 likes
0 comments
西洋菜陳腎湯 - 一大碗，西洋菜味濃。煲湯啲應該係西施骨，啲肉唔鞋仲入得口！
後記 - 真係相逢恨晚。哩啲唔起眼嘅小店，就咁行過都未必會行入去試，好在試過分店ok, 睇相亦見倒地方非常乾淨，今晚就的起心肝嚟試食。食材絕對新鮮，廚師煮功亦高，啲嘢食一定好味，食唔出有落丁點味精。落單嗰陣老細話兩個人一大碗湯夠飲架喇，唔夠添到我哋夠！哩啲咪人情味囉~ 要結業可惜呀，食完覺得欣喜，但又唏噓。講到好誇張咁，事實係有質素又價錢相宜嘅店舖買少見少。唯有剩番哩十零廿日去密啲囉。
Post
