三星台菜食堂 (新城市廣場一期) (Closed)

沙田台灣菜式餐廳唔多，三星係其中一間，揀左兩款小菜同一個湯麵。椒鹽四季豆：用大量炸蒜爆香，清新爽脆可口，必食！太好味忍唔住一試再試。連餐廳哥哥都話呢款係佢地既招牌菜式，好多人都會order.埔里花雕雞脾麵：湯麵分開裝，到食麵時仲保持到爽口彈牙。湯底非常濃郁，微微有花雕味。雞脾有驚喜，估唔到肉質好嫩滑。另可揀粗麵，刀削麵或冬粉。個人覺得原本麵底好食啲。滷牛肚：佐以大量生蒜蓉同滷水汁，牛肚煮得好夠腍，入口即溶。

每次來三星, 都是點其牛肉麵, 喜歡其紅燒蕃茄湯底, 百吃不厭。有時會心思思想試其乾麵, 又擔心乾麵醬汁不夠, 會乾噌噌。幾經爭扎, 還是決定試其魯肉乾麵, 若不合口味, 最多下次不點就是了。魯肉乾麵 $62魯肉乾麵麻油香樸鼻, 麵條採用粗麵, 甚有咬口, 而且麵條掛汁, 一點也不乾, 亦不油膩。魯肉肥瘦適中, 配上酸菜, 十分開胃。半熟蛋超軟綿, 整體味美。椒鹽四季豆 $46四季豆面蓋上大量蒜片, 甚是香濃。唯部份四季豆稍老有渣, 是唯一扣分位。

牛肉麵 $75牛肉麵配番茄湯底和粗麵, 暫時是我的最愛。牛大大件, 肉質軟腍之餘亦有咬口。番茄湯底濃郁味美, 加上酸菜增添層次。酸菜 $8還記得三星開業時, 酸菜是免費任食的, 不知是否太受歡迎, 現在卻要花費追加, 對食客來說是一個壞消息。溏心蛋 $15溏心蛋質感滑溜, 蛋黃軟綿綿, 味道不錯。椒鹽四季豆 $46與其說四季豆是椒鹽的, 倒不如說是蒜香的更為貼切。四季豆尚算嫩, 沒起渣, 配上大量香蒜, 香口之餘, 味道亦相當不錯。