Video
Read full review
2013-06-13
306 views
(因為限UP 8張相, 又唔夠位.....)想了又想, 找了又找終於搵到食母親節飯既地方之前有諗過食APM 既家傳滬曉可惜套餐入面D食送不合胃口最後落實左去食, 屯門既上海小南國以下為5個大人食量強迫性前菜 HKD12聽講味道不錯, 不過小小一碟要HKD12 都幾貴糖醋小排骨 HKD 48十多粒一碟, 算係小小冷盤糖醋味幾足, 食落去幾易離骨, 有D小肥但係有少少柴柴地, 肉質不太好清炒野生河蝦仁 (蛋黃) HKD 168以前未食過河蝦仁, 所以今次就點左有得揀蛋黃/ 茶葉/豆 炒, 最後選擇蛋黃, 因為大家都愛香口野食嘛睇張相好大碟, 點知上到黎細碟左好多, 我都打左個突食落好香好香蛋黃味呀>﹏<好正河蝦仁, 細細粒幾爽口, 而且, 唔好睇去細細碟, 都幾多粒幾抵食食到碟面一粒蛋黃都無呀 : )椒鹽小黃魚 HKD 38/條無乜魚星味, 炸得好香脆呀入面D魚肉又唔會太乾, 都有少少嫩,很好不過, 如果唔係立即食哂, 最好將下面墊住既紙拎走唔係最後D魚皮魚肉同張紙痴埋一齊喇生拆蟹粉小籠包 HKD 36/3隻普通小籠包都要HKD25/3隻, 既然慶祝就揀蟹粉啦上面有小小蟹粉
想了又想, 找了又找
終於搵到食母親節飯既地方
之前有諗過食APM 既家傳滬曉
可惜套餐入面D食送不合胃口
最後落實左去食, 屯門既上海小南國
以下為5個大人食量
強迫性前菜 HKD12
聽講味道不錯, 不過小小一碟要HKD12 都幾貴
糖醋小排骨 HKD 48十多粒一碟, 算係小小冷盤
糖醋味幾足, 食落去幾易離骨, 有D小肥
但係有少少柴柴地, 肉質不太好
清炒野生河蝦仁 (蛋黃) HKD 168以前未食過河蝦仁, 所以今次就點左
有得揀蛋黃/ 茶葉/豆 炒, 最後選擇蛋黃, 因為大家都愛香口野食嘛
睇張相好大碟, 點知上到黎細碟左好多, 我都打左個突
食落好香好香蛋黃味呀>﹏<好正
河蝦仁, 細細粒幾爽口,
而且, 唔好睇去細細碟, 都幾多粒幾抵食
食到碟面一粒蛋黃都無呀 : )
椒鹽小黃魚 HKD 38/條無乜魚星味, 炸得好香脆呀
入面D魚肉又唔會太乾, 都有少少嫩,很好
不過, 如果唔係立即食哂, 最好將下面墊住既紙拎走
唔係最後D魚皮魚肉同張紙痴埋一齊喇
生拆蟹粉小籠包 HKD 36/3隻普通小籠包都要HKD25/3隻, 既然慶祝就揀蟹粉啦
上面有小小蟹粉, 而中間個餡都有D蟹粉架
都唔知話佢皮薄定係點, 一夾就穿了, 有D湯流左出黎蝕左
湯汁不錯, 但係餡味反而不香 ? @_____@
砂窩餛飩雞湯 HKD128/半份半份有12粒電吞同埋半隻雞
不過, 佢唔上枱分俾我地, 我影到唔到張靚相
同埋, 我睇其他人食, 係會有埋個隻雞上黎俾架
點知分完6碗上圖份量之後, 就話:分哂喇
下?! 我隻雞翼呢? 我隻雞脾呢
有D唔開心......
雲吞幾大粒, 皮也幾厚.... 其他....我無心情,一直深深不憤呀
外婆紅燒肉 (百頁結) HKD 128屋企人一見到話:" 嘩, 好大壺呀!" 我已經制止左佢地XDDD
因為做左功課知道每份都係得8粒姐
好林好林, 但係嫌肥膏未夠化/軟, 略嫌少少油膩, 味道十足
都幾好味架, 但我鍾意霞飛多一點
樟茶鴨 HKD128/半隻OH, 這是我第一次食樟茶鴨
上枱熱辣辣, 好香呀,有一陣煙燻既味道
肉質粉紅鮮嫩, 我食左好多舊呀 >﹏<
灌湯生煎包 HKD25/3隻好靚好好味, 好多湯汁係包入面, 包底煎到香香脆脆好食!
Other Info. :
1)訂枱時侯規定左3個時段
分別:6:00 , 6:30 , 8:00
每個時段都係食75分鐘
雖然聽落好似好短時間, 但因為上菜速度好快
基本上,我地食左45分鐘左右已經上哂菜
LI 度唔會趕人走, 但係食完出面有好多人等緊,
訂左位食會好D舒服D
2)用恆生卡簽, 會有85折呀,
個侍應完全無同我地講, 有少少扣分.......
(The above review is the personal opinion of a user which does not represent OpenRice's point of view.)
Post
