萬發海鮮菜館

Open Now

Now Closed

每月聚餐，朋友提議到此食晚飯，雖然沒有好的裝飾，但總算不會枱貼枱，服務員態度差，環境和衛生也算可以，幸好食物水準高，而且有鑊氣，特別推介出爐乳豬，皮脆，肉嫰，味道適中，黑椒薯仔牛柳粒，薯仔外脆內軟，味道超級好味，下次一定會再叫，如果能夠改善服務員的態度和招呼，餐廳是不錯的選擇。

星期六去左深水埗食小菜，一行五人，可以叫多啲餸食！可能時間尚早，未夠七點，唔洗等位就有得入去坐! yeah!五個人叫左五個餸！ 碟碟餸都好大碟，又足料！夠哂火喉，值得推介！食完之後，大家都攬住個肚走，岀面已經好多人等位喇！所以如果有興趣食，又唔想等嘅，記得早少少去喇！

阿媽請食飯, 5人叫5味餸沙薑雞: 雞肉好滑, 唔點醬都有d鹹味, 不過阿爸話應該係冰鮮雞, 我都食咗幾件~ 好大隻雞, 5人都食唔哂豉椒蟶子: 好大隻肥美的蟶子, 少少辣都幾惹味, 只見到好少辣椒, 食完其他再食佢就覺得一般, 因為d醬實在太杰, 好似炒唔夠~蒜蓉豆苗: ok, 都幾新鮮, 不過蒜蓉少咗d.....蒸斑頭腩: 好滑, 啖啖肉, 貴咗少少(一碟好似要~$170)椒鹽白飯魚: 我的最愛, 因為中意食炸野, 每次來都係必點！夠脆又大碟(之前去第2度食過, 只有這裡的一半份量) 個人包辦半碟食咗$580( 叫咗d啤酒), 有半隻雞食唔哂要打包, 個個都食到好飽！這店是父母的最愛飯店, 佢地成日都話好食過d大酒樓, 所以我都成日食, 不過我就中意食小菜多d, 感覺較經濟實惠~