海天花園酒家

Open Now

Now Closed

有朋友喺外國返左黎，因為外國少海鮮食，所以係佢走之前食一轉海鮮大餐，點知失望而回。一眾朋友裏邊有人介紹去買海鮮再去海天加工，話之前食過味道都唔錯。點知今次佢唔知係咪爆場，服務質素認真一般。芝士焗龍蝦—唔知係咪同芝士問題，同龍蝦完全唔夾而且有一隻龍蝦係死，唔知有冇被換過辣煮東風螺—老實講，個汁好稀，味道還算正常薑蔥蟹—還算正常椒鹽鮮魷—唯一一樣唔係喺出邊買嘅海鮮，一上菜就當已經唔熱，仲要冇椒鹽味，只有咸味真係唔知係咪因為book 8:00太夜，啲嘢食質素完全唔得，加工費又貴。唔會再去

一直喺屯門元朗食飯都冇介紹過食海鮮，今次適逢朋友嘅生日一行六人過嚟三聖邨食海鮮，講到三聖邨老字號得來又夠出名嘅莫過於今次幫襯既「海天花園酒家」，海天花園酒家之所以名號咁大，係因為佢喺2008年嘅華爾街日報得到獎項，而且多年來多位達官貴人都係依間酒家嘅賓客。 先講講地理環境，喺三聖邨食飯非常適合揸車人士，有三個露天停車場一個有蓋停車場，亦好容易搵到價錢相宜嘅代客泊車服務，又或者你唔係揸車嘅人士，依度就近輕鐵站巴士站或者係紅色小巴一樣去到附近。 今次介紹嘅三聖邨食海鮮有別於其他地方食海鮮，依度食海鮮必須要喺下面嘅海鮮檔攤選取心儀嘅海鮮，然後攞去任何一間餐廳做加工，因為海鮮檔攤同餐廳係冇任何關係，而餐廳都唔會設有任何養海鮮嘅設備，所以應該唔會偷龍轉鳳。 今次飯局嘅首要係要去海鮮檔買平靚正既海鮮，根據朋友介紹，有免費泊車嘅攤檔，海鮮售價一般比較貴，至於去邊間會比較新鮮比較平就真係唔同人有唔同嘅心得。 我哋去咗一間店面比較舊嘅老字號選購完心頭所好，就帶着一袋二袋行上海天花園酒家，因為一早訂咗枱關係我哋好快可以就坐，侍應問完我哋

父親節，一家黎左呢度慶祝。先攞位，然後再去隔黎既海鮮檔揀海鮮。1) 魚湯2) 椒鹽賴尿蝦3) 清蒸老虎斑4) 豉椒蟶子5) 仲有個唔記得陳皮蒸咩，太耐lu... 加工費係貴左d，但係真係好好好好食。用料arm arm 好，一讚係椒鹽賴尿蝦。料當然新鮮，而又實在煮得好食。服務ok啦.... 我估都係睇下你好唔好彩jei~~~ 食完飯仲有糖水送，唔錯唔錯