天祥飯店

Open Now

Now Closed

歡迎follow IG @eatwifme2k23 睇更多❣️二月去咗天祥飯店食大排檔！本身係為咗做功課資料搜集先去，點知食到差啲唔記得份功課😂我哋一行五個人，嗌咗啫啫滑雞煲、蜜椒薯仔牛柳粒、椒鹽鮮魷、椒鹽豆腐粒、豉椒炒蜆、富貴黃金蝦，每樣都算正常，有個別兩舊餸未煮熟，不過整體都OK👌🏼本身諗住食蠔餅，但係賣晒😕餐廳有一定歷史，但環境都相當乾淨企理，伙記服務態度幾好，性價比都算唔錯，希望下次再去可以食到蠔餅！

石硤尾街嘅大排檔，一向都非常之受歡迎，今晚去完參觀酒廠，咁啱避開左晚市最多人嘅時間，經過天祥 見佢唔洗等位，立即坐底食返個鑊氣小菜先～ 一人叫一樣「唔好諗立即講」嘅例牌小菜，再加一個 胡椒豬肚湯，飲完酒飲整返碗 的確係好～ 噢噢極～ 好多朋友都係為 天祥嘅椒鹽鮮魷 而嚟， 都果然係無介紹錯， 熱辣辣又夠香口，又唔會唔夠味又夠乾身生炒骨，可能係因為夜左， 骨肉比例明顯就真係骨左少少， 味道係好嘅但好似無乜野食到另一樣聞名不如見面嘅， 就係真係環境好鬼熱鬧，其實都唔係好聽到同枱講野喇 要有心理準備 咁啱身上又有紅酒， 問下店員亞姐介唔介意我地開嚟飲， 佢都好好人咁拎埋開瓶器畀歡迎我地開，飲埋枝Banfi 廠嚟送飯正先啦～！

工作完同朋友去成日宵夜地方" 天祥飯店" , 呢度係本港緊餘大排檔之一, 上菜快d伙計夠親切, 宵夜時刻係嘉士伯長期造推廣, 嗰啤妹成日都係嗰個, 佢好勤力同好有禮貌和親切, 所以我哋都好樂意order 嘉士伯啤酒今晚order 咗以下小炒 :1. 啫啫雞煲- 夠干身, 雞件切得唔太大件, 咁就更加可以入味d - 材料十足, 有豬潤, 蘑菇, 冬菇等..... 味道十分正 ;2. 椒鹽鮮魷- 伙計比少咗華鹽, 所以就少d 盞味;- d鮮魷同幾大隻, 炸得都幾脆口 3. 蜜尖牛仔骨- 色香味一上檯就feel到, 洋蔥多咗少少;- 牛仔骨切得剛剛好, 所以都好入味;最後都係食到0100am