中環茶記 (Closed)

今日夜晚嚟到中環，見到呢間餐廳價錢比較經濟，裝修又幾得意，於是入嚟試吓。餐牌就係茶餐廳+大排檔嘅嘢食，有三文治、小炒，仲有類似打冷嘅滷味。叫咗一碟椒鹽鮮魷，出乎意料好食，粉漿好薄，唔會食到成口粉，椒鹽好惹味，亦冇一般大排檔咁鹹，比較健康。另外叫咗一碟上湯浸時蔬，揀咗白菜，味道正常。見店內大力宣傳鹹蛋流心西多士，所以叫咗一份做甜品。有少少失望就係個鹹蛋完全唔流心，好彩味道好濃郁，同西多意外地夾，做飯後甜品非常適合。飲品叫咗杯凍奶茶少甜，飲到最後難免比較淡，建議餐廳可以試吓整冰鎮奶茶。另外要特別讚侍應非常有港式人情味，我多嘢拎佢就主動俾張凳我放袋，又會建議我哋將西多留返最尾先落單當甜品食，上完菜又會問吓我哋覺得好唔好食，令成餐飯嘅滿意度提升唔少。

一別十數載，舊同學由美國返嚟，相約去蘭桂坊飲野。指定動作，去附近茶記食嘢先！ 老友見到呢間 茶餐廳 ，門口招牌有對立體大龍鳳，好似以前酒樓結婚嗰啲龍鳳大禮堂咁，十分鬼馬，搶住要試！這裏裝修十分懷舊，用散紙皮石做地台和牆身，天花掛上三葉吊扇。 老友酒鬼性格不變食飯前都要啤一啤， 這裏飲啤酒係奉上勝利碗，令你飲得更加豪邁奔放!椒鹽鮮魷熱辣辣香脆可口 鮮魷彈牙爽口有嚼勁， 灑上 椒鹽 和炸蒜 蔥花 十分惹味 最佳佐酒菜式美極大蝦用羅氏蝦 隻隻有蝦膏 高溫走油 寧夏殼 變得脆身 路上美極鮮醬油 非常入味 令人一試不能停口煎封海鱸魚色香味美，離遠已經聞到佢嘅香味，火候十足，有大排檔風味，鱸魚煎得皮脆內嫩。肉質鮮甜！

平時去親茶記都係食常餐，估唔到今次咁有驚喜，今晚就收工同同事黎食餐勁既餐廳主打懷舊feel，牆身用左細細既階磚砌成望下餐牌，就見到好多一般茶餐廳見唔到既野，就係時令小菜，仲有得鋸扒添炒蛋份量好多，仲加埋大概十隻八隻既大蝦，再落埋大量韮黃一齊炒，d蛋充分吸收哂蝦同韮黃既精華估唔到茶記都可以食到咁有風味既小菜，呢碟椒鹽鮮魷真係當之無愧面層有大量既炸蒜、蔥粒同椒絲，一埋枱已經芬香撲鼻炒返碟菜當然就唔少得最後仲加左個牛扒餐，牛肉味重，五成熟對我黎講就岩岩好