老街 (西洋菜南街)

Open Now

Now Closed

太子好多小店同新舖頭，行過見到哩間台灣野，未見過就想試下。川味麻辣牛肉麵哩個麵出品都ok，合格有餘，其實唔太辣，同譚仔三小差唔多。夜市小香腸滷肉便當哩個飯係幾抵食，有幾樣送試匀囇。當中小香腸唔係好咸，比較啱我既口味。但滷肉淋滿飯上面，就比較油膩，食到後面，碟底係油來既，哩點真係唔太得。椒麻牛肚絲其實分量都算多，辣度都幾辣，不過幾惹味，可以點來試下。整體來講，出品都ok，性價比都幾好既，又當街同方便。

西洋菜南街的確是一條老街， 在這一條老街裡有一所「老街」， 我聯同三個老友在這裡食老台灣風味。有人說， 食麵最重要先嘗一口湯便知功架； 牛肉麵一上桌， 筆者急不及待勺一口湯喝；細嘗之下， 喜出望外的是， 牛肉湯沒有嗆喉酸味， 而是清爽不油膩（不是賣洗頭水廣告啦）， 帶有陣陣的牛骨肉香伴和醬油香。咬一口牛肉， 不得了，筋肉相間， 肉質軟嫩， 牛肉香撲鼻而來， 足以証明燜燉時間足夠⋯ 講多無謂， 試一試便知了之後是肉碎豬軟骨拌麵； 豬軟骨與牛肉一樣軟腍入味； 軟骨部分雖未炆至全部軟身，但照樣嚼得不亦樂乎； 未知是否落有果醋去煮， 味道帶有點甜味氣息， 正適合於這個炎熱口淡淡既時候吃。這個拌麵的湯汁也是充滿濃濃的醬油味。點睛之選是椒麻牛肚絲。 坊間稱自己為「麻」辣的餸菜多， 但真正又麻又辣的卻不多； 這道牛肚絲小食， 牛肚爽而沒有羶味， 舌頭亦感到因花椒而來的麻痺。多謝友人眼光獨到， 帶我來這所餐廳食飯； 老懷安慰地喺老街食到老台灣既滷肉😝

收工同朋友嚟到太子, 見呢間台灣嘢多人得嚟又未至於要等好耐, 一於試下啦。酥雞外酥內嫩, 炸粉夠薄, 食多幾件都唔怕膩。蕃茄湯底帶點自然嘅酸甜味, 不會過於濃厚。呢度叫嘅任何麵食都可以+$3轉新竹米粉, 米粉非常幼細, 但略為偏腍, 如果硬身少少就更有口感啦。經典台式牛肉麵食得太多, 今次決定挑戰味蕾, 試下麻辣牛筋牛腩米。紅當當嘅麻辣湯底, 食落又無想像中咁嗆辣, 香辛之中帶少許麻勁, 鍾意食辣嘅朋友, 絕對不能錯過！。牛筋充滿骨膠原, 軟滑到就好似食緊啫喱糖咁。大大舊牛腩集筋、肉、脂肪於一身, 肉質非常柔軟, 口感不錯。牛肚絲吃起來很有彈性, 麻辣帶勁, 辣度比麻辣米嘅湯底強。經調味嘅小黃瓜味道偏甜, 食完煎炸嘢同辣嘢, 食佢清清喉嚨就啱曬。簡樸順滑嘅豆腐, 配上醬汁、皮蛋、魚鬆, 美味又健康。餐廳仲有供應老牌台式罐裝飲品, 未飲過嘅朋友不妨一試。

旺角的街上不斷有新的東西出現，食肆就是其中之一。一段時間沒來過，又有新的新店出現了。現場還有一些花牌，真是新開張不久的。自然要來試試了。店內有不少特色相片，加上裝修以木為主，充滿台灣氣色之餘，也多了一份自然舒適的感覺。裝牌的設計也很有特色。點了紅燒牛腩牛筋麵。因為當日牛腩售罄，以用牛肉代替。雖然較為有嚼勁，但味道夠十足。湯底很濃，麵的軟硬適中。加上牛筋很軟，火喉十足，味道很好。特別推介這個椒麻牛肚絲，喜歡麻辣的人一定不可放過。麻辣味夠而不嗆喉，牛肚絲也很夠味道，有嚼勁但不會過韌。非常惹味。最後來一杯冰凍的冬瓜茶，特別適合夏天的飲品。冰涼爽快，喝後特別醒神。