康瑞甜品

Open Now

Now Closed

上星期去左深水埗康瑞甜品食芋圓, 已經唔係第一次食, 基本上去開果都忍唔住去食, 不過通常9點後排隊嘅人就會非常多, 不過我就算要外賣都忍唔住要去買來食!今次叫左個個人最中意嘅特式仙草芋圓, 仙草好似涼粉咁好香好好食, 加上佢每一碗都有足芋圓, 小丸子,地瓜圓, 仲有西米同紅豆, 好大碗份量十足, 食完飯再去食甜品有時都未必食得哂成碗!另外仲share試左個椰奶紅豆沙配芋圓, 紅豆沙唔會太甜, 反而好香椰汁味, 加上芋圓同埋其他材料嘅配搭好新鮮, 第一次食紅豆沙+芋圓估唔到咁夾!P.S. 深水埗地鐵站C出口最近, 穿過街市行大約10分鐘左右); 堂食要早少少去排隊, 特別星期六日, 因為會好多人排隊!

講到芋圓，一定唔可以唔提康瑞康瑞既芋圓唔單止口感好，大細岩岩好，而且份量都好夠！幾乎每啖都會食到煙un既芋圓😋而且可以揀唔同既糖水配芋圓，有仙草 紅豆沙 腐竹白果 薑汁等等，真係有好多種！而且份量唔少之外，價錢仲非常平民🤑平均都係$25就有一碗今次叫左2碗，特式仙草百配同椰奶紅豆沙配芋圓，整體感覺唔錯但鋪頭空間有啲細，啲位都有啲迫，今次晏晝3點半4點個啲時間去，大部分都已經要搭枱，所以夜晚去應該要等得比較耐

作為芋圓控嘅我, 每當想食甜品嘅時候都會專登去搵有得食芋圓嘅甜品店｡ 今次搵到呢間中式糖水, 聽閒係將台灣名產仙草芋圓配搭去中式糖水｡ 夜晚8點半左右去到, 店內都差不多坐滿客人, Menu 上甜品嘅選擇都唔多, 只有十幾款可以揀｡桂棗雪耳湯底配芋圓一聽就知呢款係屬於清潤系列, 味道清甜, 碗糖水內面有兩大粒紅棗, 雪耳非常爽口, 配料仲有芋圓、 地瓜圓、小丸子 & 黑珍珠｡椰奶紅豆沙配芋圓紅豆已經煲到起晒沙, 但唔係好食得出有椰奶味, 配料有芋圓、 地瓜圓、小丸子｡總結: 每碗糖水入面嘅芋圓 & 地瓜圓數量都算OK, 咬落去嘅口感幾煙韌, 但味道偏淡, 唔太食得出芋頭 & 番薯嘅味道。