Orange Elephant Thai Restaurant (利奧坊) (Closed)

呢日約咗住大角咀嘅朋友食lunch 嚟咗呢間泰國餐廳 佢話俾我聽呢間係新舖 之前喺博文街嗰邊搬咗過去 環境更加舒服😙鐵板蠔仔蛋呢間嘅蠔仔蛋有啲似台灣嘅蚵仔煎 每啖都食到有蠔㗎 仲有大量嘅蛋包住😺 底下有啲芽菜係底 食落冇咁油膩 輕盈好多😋 呢個價錢都幾抵食泰式滷水豬髀都幾鍾意呢度既豬髀 豬嘅肥膏好薄 可以話係啖啖肉 豬皮嘅部分唔算太多 想健康啲唔食皮嘅朋友一定啱😌 完全唔會太heavy 調味唔算太鹹 係偏甜甜地嘅滷水味☺️蛋網海鮮金邊粉揭開咗塊蛋網就見到滿滿嘅金邊粉 海鮮嘅份量都幾足 有大蝦 魷魚 魚塊 青口 好多櫻花蝦🦐味道酸酸地好唔錯 有得睇又有得食🥰 側邊仲有花生粒 撈埋嚟食 口感更有層次芒果冰特飲好鍾意呢杯特飲 飲得出係真材實料🥭 仲有芒果粒粒喺入面💛 味道有啲似某已結業連鎖店嘅芒果飲品😂椰汁珍多冰椰汁唔會太甜 綠色嘅珍多食落口唔會好韌 又真係幾好食🤤呢間泰國餐廳真係幾唔錯 價錢都好相宜 大家經過都可以支持吓呢間新舖🤤

最近辦公室搬返大角咀，幾個同事想食返以前博文街果頭既橙象泰國餐廳…一路搵唔返，上網睇原來搬左去利奧坊！都算近大角咀，好方便！店家裝修華麗舒適、好多4-6座位、岩哂我地成班同事黎開餐！♥️椰汁珍多冰珍多冰最緊要係乜？最緊要多綠色的「珍多」及椰漿，甜甜的泰國風味、超級開胃！♥️鹹檸檬雪碧年份已久的鹹檸檬、帶出檸檬既精華味道；配上雪碧的清爽，提昇鹹檸檬的味道享受！♥️青檸辣椒明爐烏頭魚經典泰國菜式！依道菜份量超大份，青檸辣椒、蒜頭配料超多、店家亦備有額外湯汁補充，惹味極了！烏頭魚鮮味濃郁，肉質細嫩幻滑，超好味！❤️咖喱海鮮脆包咖哩與椰汁比例剛剛好，怕辣的朋友也可以吃到！海鮮材料豐富：青口、魚塊、蝦都有，應有盡有，味道亦很新鮮！咖哩與麵包更是完美拍檔，麵包完全吸入甜甜的咖哩，變得更鬆軟，撈飯食一流！♥️泰式蝦球炒金邊粉這道菜份量足以3-4人進食，蝦球亦有超多，鮮味十足；店家調配味道一流，金邊粉沾上醬汁而炒得乾爽，有效保留味道於每一啖既金邊粉！味道酸酸甜甜，超開胃！

今日同朋友嚟利奧坊食飯，俾呢間泰國餐廳$1菜式吸引咗，一蚊雞竟然可以食到泰式經典明爐烏頭，超級抵食🤩餐廳採用落地大玻璃，引入自然光，加上室內裝修極具泰式風格，感覺好似去咗泰國旅行咁☺️泰式經典明爐烏頭🐟雖然係一蚊魚，但係絕對冇揸流攤，烏頭好新鮮好大條，啖啖肉，湯底酸酸辣辣好惹味，加左大量香蔥，肉碎同香菇做配菜，吸收哂魚嘅鮮味同湯汁😋燒原隻魷魚筒🦑好大隻，燒到好香，配上特製嘅泰式醬汁酸酸辣辣幾開胃又惹味，入口鮮味，爽口彈牙，咬落完全唔韌👍🏻焗大蝦粉絲煲🦐上碟熱辣辣出晒煙，大蝦新鮮，爽口彈牙，大大隻，開邊後吸收醬汁精華更入味😍粉絲份量好多，加咗大量香蒜🧄同九層塔好惹味，粉絲晶瑩剔透，吸收咗鮮蝦同醬汁的鮮味精華好濃郁好惹味🤤🥥椰汁珍多冰椰汁味好香濃，有好多班蘭同芒果啫喱爽口清甜，消暑解膩。🍋熱青檸蜜酸酸甜甜，用咗好多青檸，好清新潤喉。整體而言，食物質素不錯，泰式煮法正宗，環境舒適，座位和餐桌寬敞；服務態度良好；價格合理，有1蚊菜式更抵食。

大角咀都可算係我間唔中就會去覓食嘅地方🫢之前路經呢間抵食又好食既橙象舊舖見佢執左覺得好可惜😣 後黎住附近既朋友同我講原來唔係執左只係搬左舖🥳😍🙌🏻 我梗係即刻約返呢個朋友黎試下新舖水準啦！😎❤️飛天通菜 💰1️⃣你無睇錯我無寫錯，真係1蚊雞咋！🤣呢度每日都有唔同既一蚊菜式😇雖然$1但份量不減👍👍通菜香辣惹味，口感爽脆，味道好夾！絕對係經典既東南亞菜式👍😁❤️泰王咖喱炒大蝦 💰1️⃣9️⃣2️⃣有四大件大蝦😍 厚肉兼肉質彈牙😚蝦肉先炸過再炒，咬落香脆👍咖哩帶好香既泰國香葉味，微微咖哩甜味同椰奶香味，撈飯無得彈🤤🤤⭐️蟹肉炒飯 💰9️⃣2️⃣超級大碟！😵炒得都算乾身，味道適中唔會過鹹，蟹肉份量雖然唔多但幾鮮味👍❤️熱青檸蜜 💰2️⃣8️⃣青檸味道清新，蜜糖足料所以偏甜，要黎解下通菜既辣都唔錯😂❤️椰汁珍多冰（少冰）💰3️⃣2️⃣朋友點既，原來有啲大樹菠蘿係底😵椰汁味濃但唔會膩，佢清晒成杯應該都唔錯😂搬左舖依舊keep到水準😋加埋抵到爛既每晚不同一蚊菜式，絕對值得encore！😚