杏甜品 (豉油街)

Open Now

Now Closed

之前喺尖沙咀食過一間健康嘅甜品店，品質之高，令人記掛點知喺旺角都開咗間，仲喺試業階段，近好多喎一排冇食，多咗個新款式—木蓮凍系列，食落同仙草差唔多，但就滑啲、補啲呢碗仲有四色小芋圓、青鑽同杏汁青鑽係大麥嘅提取物，補得嚟口感得意，食落幾彈牙。芋圓細細粒好Q彈，同杏汁好夾加$10仲有四色爽冰，大胃揀咗榴槤、蜜瓜、芒果同龍眼，好smooth，果味濃郁呢間嘅椰皇雙皮奶都冇得輸，勁滑勁有奶香今次嘅貓山皇味，遠遠已經聞到陣果香倒落椰皇奶度，兩者混合得好好味，奶肉同果肉都好嫩

🍨滋補港式糖水甜品🍨秋風起 成日都心思思 想搵啲滋補少少嘅甜品舖 食吓糖水 咁啱就比我見到呢間標榜天然健康嘅港式糖水甜品 一睇個名就知道佢嘅招牌係杏仁系列 夠晒滋補😗-🍧招牌杏汁波波爽冰木蓮凍 $65呢款招牌產品有齊晒佢地最出名嘅杏汁同木蓮凍 仲配埋四色芋圓同青鑽 仲可以揀爽冰球嘅口味 成日想試唔同嘢嘅朋友一定要試吓😋 杏汁好純好滑 但係唔會太厚身 食落有啲似杏仁奶版嘅花奶 更加香同健康🥰 木蓮凍好滑好水潤 有啲似仙草凍或者冰粉嘅口感 又低卡又滑 做甜品糖水就最夾 加埋QQ口感嘅芋圓 同脆卜卜嘅青鑽 口感好有層次👍🏻-🥥椰皇貓山皇燉雙皮奶 $75椰皇同榴槤冰係分開上嘅 建議可以首先試咗椰皇燉雙皮奶 雙皮奶好幼滑 比起坊間嘅一般燉奶更加綿滑 仲會有少少椰奶嘅香味🤤 榴槤冰本身都已經聞到榴槤嘅香味 食落去更加係食得出有榴槤肉整成嘅爽冰球 加埋落椰皇雙皮奶一齊食又會提升左另一個層次🤩-📍 杏甜品旺角豉油街25-31號地下3號舖