蜀府川鍋 (Closed)

以前成日去鯉魚門食海鮮，行落斜路之前總係見到蜀府川鍋大大個門牌。成日想搵機會試，今次終於偶然機會去幫趁。見到川鍋以為全部辣野，點知原來海鮮，小菜，火鍋任君選擇！服務員唔算多，都在廚房忙，我們自己兩個人找個卡位坐低便是。看完餐牌，都會以為自己看錯，因為D套餐（無論係小菜，還是火鍋（係海鮮吖）都超級抵食！唔知點解去到近海嘅位就是想食海鮮，但又唔想火鍋，我們就散叫了！食物：避風塘炒龍蝦-豉椒炒聖子-北海道大元貝-水煮魚-蒜蓉炒菜心飲品：椰青，咸柑桔下次希望可以食埋避風塘炒蟹啦

在油塘學完車已經八時多，男朋友接我時經過這間蜀府川鍋心郁郁想試吓，有很多海鮮和主打打邊爐，不過今晚我們選擇了小菜。乾撈擔擔麵細細碗，有肉碎和蔥花，醬汁香口惹味，麵條又彈牙，很出色。濃香醬茶鴨事醃了很久的烤鴨，肉質已經變得結實，又未去到臘鴨咁硬，鹹香味十足，配飯一流。家鄉煎藕餅煎得金黃香口，蓮藕加彈牙的肉有口感，想食完再食。土匪雞中翼和我想像中的不同，就是普通的炸雞翼，沒有太多調味，這個普通了點。這裏竟然有椰青可點，解渴解油膩。食物水準很好喎，下次學車後可以和朋友來打邊爐。

再次黎到蜀府川鍋，見佢有新菜式，係原隻大蜆龍蝦粥$238，先叫尖椒重慶皮蛋$38，糖心架，黏口香濃，個蛋白係透明架，好特別。上粥喇，見到好大隻龍蝦，切左約十件，好多肉，彈牙。而大蜆都有好多隻，食極都有，初初覺得啲粥既米好少，點知原來越煲越綿，啲粥仲越清甜，吸晒龍蝦同蜆既精華。再叫埋龍蝦龍躉四人餐$388，好超值，先煮新鮮活鮑魚，好生猛，郁吓郁吓。再上特色四層鍋，頂層可一次過放了三隻鮑魚，仲剩一隻等下轉。店員稱蒸7分鐘，面放了蒜蓉，咬下超彈牙，好肥美，鮮味十足。第二擊蒸龍蝦，同粥底大隻又唔同，原隻小龍蝦好爽口，仲有膏添。到第二層係炸豆腐，香脆。第三層係熱板，我地額外叫了一碟手切牛頸脊$198，可煎又可放湯打邊爐，煎香牛味濃香啲，放湯淋啲，火煱湯底，叫了芫茜皮蛋同蕃茄薯仔湯，將海鮮盤的龍躉肉放落湯底，幾分鐘撈起，好彈牙，肉質結實，連花螺都放湯煮，爽口； 之後再蒸聖子，青口，大蜆，蚌仔，全部都好新鮮，簡單放上蒜蓉調味已好好味。再叫了火煱料，有牛筋丸$38，竹笙$48，鮮淮生片$28再點了蒸北海道大元貝$136, 好大隻$34@, 鮮甜。另外又叫了即燒生蠔($17@)$51, 不過略嫌細隻,