TOSS 蘇媽.蘇媽

Open Now

Now Closed

好耐冇食過肉骨茶，搵咗個朋友一齊嚟試吓。結果呢，肉骨茶麻麻哋，冇嗰種濃郁嘅藥材味（如果你想試肉骨茶，但又好怕好濃郁嘅藥材味，咁呢個應該啱你），反而叻沙同咖央幾好味。茶餐廳嘅環境，二人枱比較較少，兩個人幾乎一定要搭枱，有啲迫。上菜速度算快，唔使等太耐。一字骨肉骨茶，個人認為藥材味唔夠濃。椰香咖喱叻沙，唔知係咪因為肉骨茶有啲失望，呢個反而有驚喜。椰香咖央多士，幾脆，又唔係超甜，我諗好多鍾意少甜嘅香港人都鍾意食。

幾個月無黎新城市廣場用餐，閒日黎到，大部分地肆都不用排隊，響地下嗰層走一圈之後，揀左TOSS 蘇媽.蘇媽。店員原本安排入內面用餐，但望落去有點迫，所以揀咗坐近門口既卡位。馬拉沙嗲串燒（$98）特別牛，羊，雞各２，唔係好分到牛同羊，差唔多一樣味。正常水平，無咩驚喜。椰香咖喱叻沙（$86）湯底好濃郁，好足料，有豆角、豆卜、芽菜，魷魚圈、蝦仁、螄蚶（有點腥味）、魚肉卷，惹味得黎，有輕微辣味。檳城炒棵條（$118）有點似乾牛河偏甜口味，牛肉換左蠟腸、雞蛋、芽菜、椰菜等等既配料，另有一番風味。椰汁斑蘭冰 （$48）～濃厚的椰香味，有陣斑蘭既清香，帶出清甜的口感。桔仔薄何梳打（$48）～傳統的氣泡飲料，有桔仔既酸甜配幾片薄荷，非常清新。

蘇媽蘇媽喺沙田終於有分店啦😍沙田店好闊落，仲有卡位添🤩餐牌有好多選擇🤩一字骨 $178肉骨茶濃郁鮮甜, 有濃厚藥材同香料嘅味道，配料豐富，一字骨份量好多，鮮嫩多汁，咬落啖啖肉，仲有枝竹、豆腐卜、冬菇，啲枝竹同豆腐卜入哂肉骨茶味椰香咖喱叻沙$86非常足料，有豆角，豆卜，芽菜，魷魚圈，蝦仁，螄蚶，魚肉卷等等，叻沙味濃，唔會好辣，非常惹味馬來西亞拉茶 熱 $32茶味夠，好滑好香 ，上面有埋泡泡真係好出色怡保白咖啡 凍$35咖啡香濃，但係又唔會太甜👍海南鴛鴦燒麵包 $52麵包甜甜的，烘得香脆，咖央充滿椰子香味，加埋厚厚牛油，味道夾得嚟好好味😍TOSS 蘇媽.蘇媽⁡📍沙田沙田正街18號新城市廣場一期1樓107號舖

星期日一家五口有老有嫩嚟食晏，攞飛後雖然只差一個number, 都要等足半個鐘，但四人枱就不斷咁入，有人遲嚟我哋20分鐘都早過我哋入。同職員講我哋有老人家，可唔可以比我哋入先，就算迫4人卡位旁邊再加張凳都冇所謂。職員支吾以對，最後都係搞咗15分鐘先比到枱我哋，仲要係得60分鐘食。坦白講，食物水準唔算差，但內櫳超級狹窄，職員嘅應對同專業態度好有問題。其實以佢哋嘅食物種類，相信大部份人一個鐘之內應該都會食完，完全唔需要講明淨係俾人60分鐘。咁樣做只係顯得佢哋好小器，唔太理食客感受，淨係想搵多啲錢。新城市廣場大把服務態度比佢哋好得多而又價錢合理嘅選擇，絕對唔會再幫襯，亦唔會推介佢哋。

今天再次來到美食如雲的沙田新城市嚐馬來菜，蘇媽蘇媽是我們常到的店喔(*¯︶¯*)環境剛好當天是星期五，入座不久後已全院滿座，在用餐過後更發現已有長長人龍！而餐廳內裝修屬新派，牆上幾乎是滿滿肉骨茶的橫額。餐牌如大家去過荃灣店，打開餐牌應看見熟悉的食物種類，如果有black and white(當地稱為Michael Jackson drink)就更好了！ 椰香咖喱叻沙 $86首次嚐嚐蘇媽蘇媽的叻沙，麵底轉了滲滲，滲滲代表油麵加米粉，料頭都好豐富，包括有豆角、豆卜、芽菜、魷魚圈、蝦仁和魚肉卷，還有在香港比較少機會吃的螄蚶！不過可能有些人未能習慣螄蚶的味道，湯頭咖哩味佔重，帶有略略椰漿味。 椰香咖央多士$48 店家非常細心，在下單時選項有少牛油及少咖央，非常適合對身型有追求而嘴饞的女士，反觀少牛油的配搭更能突顥出咖央味。 三色拉茶$42椰糖、奶和茶的三色及層次配搭完全不輸西方的dirty coffee，店家用上椰糖令到整杯口中最後停留的味道亦是椰子味，如奶方面轉用上椰奶可能口感會更加幼滑。