可可豬椰香海南雞專門店

Open Now

Now Closed

今日經過紅磡，見到間可可海南雞飯鋪頭，哩間鋪頭只有外賣冇堂食，不過價錢好親民，睇嚟都不錯。椰香海南雞飯:雞肉有6塊，去左骨，仲好大塊。雞肉好嫩滑，味道好好。飯也好多，有淡淡椰香味，煮得粒粒分明。想要味道更惹味，可以加佢家啲秘製醬料，味道甜甜哋，好慫飯。跟餐要份蒜泥白肉，醬料好好味，酸酸辣辣啲醬料鋪滿一層，加上整碎咗嘅蒜蓉，好香，而且蒜蓉味好濃郁，白肉好彈牙，QQ哋，好抵食。熱情豐盛係瓶裝凍飲，底部好多熱情果核和枸杞仔，味道好清甜。巨峰提子乳酸梳打，味道酸酸甜甜，有梳打氣體啲感口感。

之前搭巴士經過見到呢間好吸睛既招牌+類似餐車既裝修概念，今日就專登行過黎過黎試下，沒有堂食，只有外賣，主打椰香海南雞飯/招牌豬手飯!特式椰香海南雞飯 （$38）~大部分海南雞飯都係跟油飯，第一次食係跟椰香飯，每啖都有椰香味，粒粒分明，而海南雞已經去骨，雞夠嫩!招牌豬手飯 （$36）~而豬手飯就跟白飯底，可以撈埋泰式酸辣汁，非常惹味!豬手似係鹽水醃過，皮肉比例剛好~仲有，如果減醣 or 戒澱粉質既仲可以考慮+$15走飯轉青木瓜沙律!泰式酸辣無骨鳳爪（$32）~ 青木瓜沙律配底，鳳爪份量足夠，味道唔會好似泰國餐廳咁辣，唔係太食得辣既朋友都可以一試!金羅漢果養生茶（$18）~店家自家製，好足料，入口已經有濃郁羅漢果味，每樽都會見得到杞子同菊花，真材實料!龍鳳梳打 （$24）龍鳳= 檸檬mix青檸既梳打水，飲落都幾fresh~呢一年因為疫情，多左好多人叫外賣，用多左發泡膠盒，雖然呢間舖只做外賣，但會用上紙盒裝食物，用上紙飲管，對環境負擔相對輕左!

椰香海南雞飯標準份量$38今日星期日下午3點黎到唔洗排隊唔洗等，店員有禮貌又快手，馬上幫忙包得靚靚馬上就可以拎走，抵讚👍🏻返到屋企一打開發現既精美又滿滿嘅一盒，哩個份量連埋個湯一般都$50-$60吧，仲要配埋啲青瓜沙律，真係好抵。海南雞嫩滑，個醬汁酸酸甜甜好好味，沙律清爽帶點酸辣好開胃（只帶叮點辣味，唔食得辣嘅朋友都唔會覺得辣），椰香飯粒粒分明而且唔似平常用黃油飯咁油真係又香又好食😋未食完已經諗緊過兩日要試下口水雞同豬手飯，見到個青木瓜蝦沙律都好吸引，anyway 絕對值得回頭再食👍🏻👍🏻👍🏻