巧得鍋 (Closed)

同朋友三心兩意諗唔到食烤魚定烤肉好，最後竟然可以「why not both！」，正！【又邊爐又烤肉】呢到特別之處係每張枱有2個爐位，可以又邊爐又烤肉！邊爐方面，除左特色鍋底外，仲有烤魚同雞煲選擇，種類好多！🐟巧得招牌烤魚鍋$188 - 可以自選辣度，甚至走辣。（朋友怕辣，所以選了走辣）- 原條魚🐟上，魚本身煎香了，魚肉白雪雪幾嫩同彈口，不過食嘅時候要小心D骨。- 個鍋本身都好多料，有勁多蓮藕、豆卜，芽菜，無諗過咁豐富。- 食過後，湯底滿滿鮮甜魚香，淥咩都好入味～值得讚嘅係，就算之後加湯，店員都係加返魚湯。🌟巧得煎烤物- 巧得3 $178- 想烤肉又唔想諗太多，可以考慮點煎烤物套餐，真係幾抵食。套餐包了特選豬頸肉（4切）、日本水飼豬腩肉（4切）、極上黑豚肉（4切）、長城午餐肉 （4切），仲配新鮮生菜，包肉同淥都OK- 每款肉水準都唔錯，可以自己決定邊爐/燒。豬肉片 肥瘦適中；豬腩肉燒過後滿滿油脂香，都幾厚肉；豬頸肉幾長身滿滿油脂香。🐟鮮魚卜$68- 份量都幾多，每條都夠嚼勁，包會滿足😆【送飯後水果】前菜嘅蓮藕幾好食，係滿滿蒜香味。飯後仲有水果送，當日係蜜瓜，完全無expect過好甜香。$

今日和朋友傾開好耐無打邊爐，天氣涼少少就想去打邊爐了，邊個話兩個女仔好難去打邊爐？！兩個人事實上好難叫很多火鍋配料，所以我幾喜歡這種主菜鍋再加火鍋配料的食法，我們先選了烤魚鍋，整條魚炸起再放鍋裡滾住食，裡面還有很多津白菜，木耳，蓮藕片，豆卜，相當豐富！湯底好惹味！吃完魚我們才選配料，有極上黑豚肉，雙併手打鮮蝦丸和自家鮮蝦水餃，豆腐唐生菜，真是剛剛好又飽飽的，好滿足😋烤魚的魚肉很滑也沒有魚腥，好好味！這裡還有很多不同款式的特色鍋，下次可以食雞鍋，酸菜魚，海鮮鍋，牛腩鍋，或者配鮑魚花膠等等…好多選擇🤤另外很想推介這裡的自家鮮蝦餃和手打蝦丸，用了新鮮蝦而且大大隻的蝦肉，好彈牙好新鮮，大大啖我好鍾意❤️黑豚肉也不錯，我自己比較喜歡牛肉，可惜朋友不吃牛，但朋友仔讚了這個黑豚肉三次，說：呢個豚肉好好味呀😂順帶一提🫢平時我好少食餐前小菜，但這裡的木耳和花生，我們清晒！最後還送了生果給我們吃，哈蜜瓜好甜👍🏻

今日去食生日飯, 忍唔住去食雞煲火鍋! 真係好耐好耐冇食過啦! 哩間餐廳門前係日式風格, 店內的座椅很寬敞舒適, 有sofa 包皮的椅子 而且樓面設計很窩心, 餐桌邊有USB叉電位及 wifi 提示, 睇得出餐廳設計幾用心 佢地既火鍋配備幾好, 有九格調味料, 而且都幾乾淨企理, 店員都好有禮貌坐下不久更送了2-3人份量的前菜小食– 蓮藕雲耳, 十分爽脆巧得招牌雞鍋 (半隻) - $138因為都少少怕辣, 但雞煲又真的是不辣不好味, 所以我們叫了BB麻辣 雞肉已醃得十分入味, 肉質嫩滑而雞皮而唔會過肥, 加入了紅椒, 黃椒, 洋蔥同莞茜炒香, 聞到都覺得食慾大增 而且我最欣賞佢地食完唔會令到個人好口渴要狂飲水蕎麥茶餐廳配送蕎麥茶, 配招牌辣雞煲其實幾夾, 飲完即時覺得不太油膩, 可以再食多d牛肩胛 - $98這碟牛肩胛擺盤好靚, 雪花均衡, 牛味濃郁, 我們沒有在火鍋滾太耐, 只輕輕在面拖了幾下已吃了, 一口咬下去, 牛味很出, 油花分佈平均令牛肩胛吃起來軟嫩適中, 大愛這個部位的牛肉手打鮮蝦滑拼手打鮮墨魚滑 - $88兩款蝦滑及墨魚滑都很新鮮Q彈, 口感爽滑彈牙蝦滑打得起晒蝦膠, 蝦

因為實在太鍾意打邊爐， 所以而家夏日炎炎，成30幾度高溫.....都要去恰下今次嚟到觀塘工業區搵食，估唔到都幾多客人，今日平日都八成full，果然香港人真係好鍾意打邊爐入正題，一黎到有得混醬，店員會問我哋想唔想打邊爐加燒肉，因為我真係太上火，就咁打邊爐已經係去到極限，所以留返下次先。不過想燒肉都唔使加錢，只要你直接嗌燒肉材料就ok本身諗住清清地，所以揀個冬瓜瑤柱豬骨湯，真係冇諗過佢哋咁足料，入邊竟然有起碼四嚿大豬骨， 仲有好多冬瓜同瑤柱，100個鮮甜！極上黑豚肉: 肉質鮮美，食完想再食桂花蚌:一個字，鮮甜，夠新鮮手打鮮墨魚滑: 好彈牙，墨魚味岀番薯片: 打邊爐同燒都掂呀唐生菜拼芋絲: 值得一讚，加＄5可以雙拼，食多啲種類即炸魚皮: 十個讚真係即炸，上枱都仲好熱好脆，必點日本蟹柳:打邊爐必點，食得岀係靚蟹柳一個人食左2百幾，咁好嘅質素，岀面真係食唔到