HeySoNuts

Open Now

Now Closed

今日去咗土瓜灣 HeySoNuts 嘆啡食野，係間好文青嘅Cafe，藍白花紋嘅餐枱好吸睛，主菜和甜品都好好食。🔹️手撕豬漢堡配薯條呢個漢堡係推介！手撕豬好軟，好嫰滑，調味非常出色！🥰薯條都炸得好好🔹️自家製喇沙汁海鮮扁意粉喇沙汁唔算辣，好香椰汁味，蜆、蝦、魷魚好新鮮，意粉都幾掛汁。🔹️咖啡拖肥榛子朱古力千層酥配雪糕呢個千層酥非常鬆化，咖啡拖肥醬好特別，仲配咗大大球嘅雪糕🥰。🔹️榛子鮮奶咖啡呢度嘅奶啡拉花好靚，咖啡好香好nutty❤️，超級ig able！🔹️白桃手搖冰茶

呢間土瓜灣出名嘅文青小店,我之前都嚟過一次😋~今次又嚟除咗係掛住佢哋嘅梳扶厘班㦸🥞~仲係帶母親大人嚟試下佢哋啲咖啡~上次食過佢哋嘅貓耳朵😽,今次試下呢個自家製喇沙汁海鮮扁意粉🍝~啲海鮮都幾足料,有好多魷魚圈🦑,大蝦🦐~啲蜆仲好新鮮而且煮得個生熟度剛好~喇沙汁好香椰汁味🥥,唔算辣,加埋少少檸檬草好香好醒胃~呢個黑啤自家製煙燻豬腩肉意大利飯就係encore嘅👍~因為個豬腩肉好香,啲飯吸收晒豬油香🐷~佢一上檯時有啤酒味🍻,但食落就唔覺得好濃~而我嘅目標當然係梳乎里班㦸🥞🥞!雖然佢嘅千層酥同窩夫都好吸引🧇~但今次梳乎里有髒髒朱古力口味,實在好吸引🍫~個梳乎里班㦸保持到水準,仍然好香蛋味好鬆軟~加埋焦糖香蕉超邪惡但勁好食🍌!母親大人都好滿意佢杯榛子鮮奶咖啡☕~係咁話好香好香又唔苦~我唔識欣賞咖啡,只知道拉花好靚😂~呢間店真係值得一再encore,尤其是佢嘅梳乎里班㦸😋😋~

今晚朋友約食飯，介紹去土瓜灣cafe食晚飯，餐廳不大，七點己經坐滿人。店員安排窗口bar 枱位置，望住街景食晚餐，感覺不錯。沙律菜新鮮，沙律面滿佈芝士碎，芝士味香濃，煙肉不會太乾，麵包碎及合桃香脆。芥末味濃但不辛口，芥末籽帶點酸醒胃得嚟味道特別。意大利粉彈牙比較乾身，自家製煙豬腩肉份量多。煙燻味濃，豬腩肉肥瘦均勻。梳乎厘蛋味香濃，空氣感十足，入口軟綿，配上咖啡酒，不論口感或味道同提拉米蘇都非常夾。咖啡味香濃，不酸不苦，焦糖味及甜味適中。咖啡味香濃但榛子味一般，微温唔夠熱。

位於一排工廠大廈同住宅中間，地點唔算易搵。假日好多人，2點左右就只剩下高枱。叫咗榛子鮮奶咖啡、全日早餐、手調咖啡同梳乎厘。榛子鮮奶咖啡拉花很美，奶泡很結實，榛子味重，奶味香，但咖啡味太輕帶小小酸，差唔多被榛子味蓋過，整體有小小失咗平衡。全日早餐份量很足，足夠2人，同普通all day有小小唔同，依度加咗小米，經炒後好香，令到成set飽足感提升。另外個乳酪都十分出色，濃稠原味乳酪配提子原味麥片，令整個全日早餐整體口感提升。手沖咖啡落單後店員就會安排咖啡師介紹當日咖啡豆，可以按照自己喜好選擇唔同手沖咖啡。今次揀咗隻帶玫瑰花味同酒味嘅。等咗大概10分鐘，手沖咖啡顏色較淺，聞落有小小似玫瑰花茶感覺，入口偏酸，小小果味之後帶有輕微酒味，第二杯到最後就有小小花味。伯爵茶忌廉日式梳乎厘鬆餅聞落沒有咩味道，切開較挺身又不會太熟，原本梳乎厘底帶有輕輕的伯爵茶味，再配伯爵茶奶醬，伯爵茶控大愛賣相 5/5口感 4/5味道 4/5番食率 4/5