甜一刻

Open Now

Now Closed

 最近我都活躍長沙灣～因為呢邊好多特色黃店，賣相及味道都一流～！🤤而「甜一刻」就係其中之一！而且店內嘅文宣勁有創意，超啜核，大家有機會都要嚟睇下！​ 七彩繽紛，好有心機將文宣同裝修融為一體。 我今次就order呢度最受歡迎嘅甜品——榴槤雪糕脆磚杯＆心太軟！​ 好足料嘅榴槤雪糕脆磚杯，味道特別，比「茶X」高質好多！  呢度嘅榴槤雪糕都係自家製，喺出面食唔到～雪糕質感好綿密，食上口啖啖榴槤肉，感覺榴槤肉嘅比例超高，好有誠意！而且濃郁得嚟帶點清甜，好正！另外，我好鍾意佢哋嘅脆磚，熱辣辣，好香脆，同雪糕夾埋食好治療❤️​ ​ 至於心太軟，真係不得了！舊心太軟外殼有啲脆，用匙羹桔落去，朱古力漿立即流出嚟，好澎湃！好高質🤤​ 另外，呢度最正係可以喺隻碟上畫畫！落單時，我強烈要求唔要777插畫，費事食唔落！一見到，我就忍唔住狂影相，好開心！🤤​ 

平安夜一定要放縱一下! 今日一於連食兩間甜品店! 第一站來到這裡。男友純粹口渴, 所以只點了個益力多沙冰, 味道較平常的益力多淡, 甜味沖淡了一點, 喝起來尚算解渴。而我則點了個榴槤雪糕脆磚杯, 初時覺得好大杯, 仔細一看, 原來只是底部的多士粒墊起的視覺效果罷了。最上層的是榴槤雪糕, 中間的是忌廉和小丸子, 最底層的是脆脆多士粒。 榴槤雪糕其實有點失望, 榴槤味太淡了, 不夠濃又不夠香甜。忌廉甜度較低, 配上沒味的多士粒, 其實整體不夠甜, 完全不覺得自己在食甜品。 唯一值得讚的是多士烤得外脆內軟和小丸子夠煙韌。 但味道上有待改善, 老實說, 一個$50, 60多的甜品, 我會期待它給我應有質素。我想下次都不會再來了, 因為這間的甜品不是太便宜, 味道又不是太好, 實在未能符合我的期望。