麥金.麥金馬來西亞特式茶啡室 (Closed)

大角咀一帶雖然有啲隔涉，不過就有大量餐廳選擇。我哋見比較少食馬拉嘢🇲🇾，所以就揀咗「麥金·麥金馬來西亞特式茶啡室」。小店裝修貫徹馬拉茶啡室嘅風格🙈，唔認住個名真係未必分到邊間打邊間。餐廳掛上食物字牌同畫作點綴，整體帶少少懷舊嘅感覺。蛋黃奶油勁量雞扒($68)黃薑飯(+$5)，雞扒飯嘅兩部份都處理得唔錯。🐔雞扒未稱得上好勁量，不過堅係外脆內嫩，兼且夠晒肉厚。搭伴嘅馬拉直送醬汁更係精華所在，蛋黃味配上咖喱椰香，惹味到令人一試上癮🥘。飯底可選珍珠白飯、參巴椰漿飯或者黃薑飯，我哋要嘅黃薑飯好均勻地染上黃色，每粒都好香同入味，唔係得個樣🍚💛。砂煲老鼠粉($78)，老鼠粉大大煲🍲，用砂煲裝住更顯風味以及保暖。老鼠粉以銀針粉作麵底，配料則有肉碎、香蔥、洋蔥、炸蔥、炸蒜、蝦米、豬油榨同半熟蛋等，撈埋一齊食香口豐富😉。老鼠粉望落深色，但其實唔算太重口味，不過始終份量都多，兩個人食到尾難免有啲膩。如果細食又想試的話，可選招牌嗰款呢。檳城香炸滷肉卷($40)，一客有五條，🐷滷肉卷造型有啲似腐皮卷，肉質意外地幾爽彈，因為如果無海鮮，一般都比較淋。隔離嘅特色醬料味道好搭調，能進一步提升味道。椰汁斑蘭冰($28)

最近天氣開始凍凍地，就好想飲返碗熱辣辣嘅肉骨茶！屋企附近有間馬拉茶啡室、叫✨麥金·麥金✨～ 當然就是主打食馬拉菜啦！古仔路肉骨茶～今日唔係太想食好多肉，所以叫咗呢款豆卜金菇～ 又香又濃，藥材味唔算太重，好好味😋 店員仲會主動問你要唔要refill 添呀！峇拉煎炸雞配椰漿飯～椰漿飯係好醒目嘅綠色，椰子味夠曬香甜❣️煎炸雞惹味大件、薯仔入味好食！配埋微辣參巴醬一齊食～ 正呀😋馬拉沙嗲串燒～揀咗豬同雞～ 雞肉juicy, 豬肉用上豬頸肉有咬口~ 粒粒花生🥜惹味沙嗲醬當然亦係亮點之一🙂檳城香炸滷肉卷🫔～檳城出名嘅小食之一，亦係當地人每逢喜慶及過節嘅時候餐桌上必備的佳餚～ 外面的腐皮炸得酥脆，裡面係豬肉夾雜着香芋大葱等其他配料～ 也是配上微辣參巴醬～冬瓜龍眼茶(凍）羅漢果菊花茶（熱）2杯都好好飲，唔會好甜，夠晒清熱！好鍾意呢度嘅裝修～ 特別係紙皮石地板🙂令人猶如置身馬拉，有種好懷舊嘅感覺！

📍🇭🇰 麥金.麥金馬來西亞特式茶啡室Kopitiam Makan Makan.麥金.麥金是乜東東？「Makan」代表食物或者吃的意思。這裡的裝修充滿檳城的味道！.我們兩人分別點左以下美食：📝 峇拉煎炸雞配椰漿飯 {HK$55}🥘 皇帝骨肉骨茶 {HK$53}配豬油撈飯 {HK$15}🥪 咖央多士 {HK$20}🫔 檳城香炸滷肉卷 {HK$33}.配餐飲價☕️ 凍怡保白咖啡 {HK$13}🥛 美祿恐龍 {HK$25}.肉骨茶可以不停無限添加，真係飲到你飽😂 店員仲要教路，肉骨茶的肉最好要點蒜茸、辣椒、豉油來食，更美味！整間店仲要不收加一，平民價錢就可感受到檳城的風味！

要試這間餐廳，首先俾3樣野吸引，第一：名字，麥金.麥金馬拉特式茶啡室，真係好得意。第二：裝修有濃濃的南洋大宅風格。第三：肉骨茶任飲。首先要贊的一定係個無限添飲肉骨茶，絕對唔求其，真材實料，香，滑，厚身。叫左招牌芽菜雞飯 $63，檳城香炸滷肉卷 $33，古來咖喱魚 $35，砂鍋老鼠粉 $68招牌芽菜雞飯 $63，其實同海南雞差不多，D雞整得好滑而且鮮雞味濃，個黃薑飯一定要試，好香，夠干身又夠軟，一流。檳城香炸滷肉卷 $33，很驚喜，裡面餡料豐富，個醬汁開胃，外香內軟，雙重口感。古來咖喱魚 $35，炸魚，火候控制得好好，唔會過濃。砂鍋老鼠粉 $68，D老鼠粉條條都好似老鼠尾，好得意，而且好彈牙。細滲 $68，肉骨茶，裡面有餸，我係肉骨茶精，唔使講，超級中意。馬來亞拉茶 $11，個茶好滑，D奶味同我地港式奶茶唔同，奶香得黎有一種好似係肉桂的味道。很喜歡這間餐廳，會介紹朋友來。