黑龍 (Closed)

聽聞黑龍系沖繩過江龍，黎到香港開左兩間分店，好好彩其中一間好近屋企，大大話話都去過4-5次，最喜歡都係佢既沾麵。幾款當中櫻花蝦系我既最愛；湯夠濃，但一d都唔“傑”，沾麵汁蝦味甚濃帶點酸好開胃，重有兩片豚肉，一d都唔單調，麵既分量可以選擇大或者小，女士黎講小已經好飽啦。配菜種有荀，木耳，溫泉蛋煮得好好，絕對流心！本人好偏酸既麵，所以每次都另加醋，加埋櫻花蝦個味道真係讚！另外點左炸蠔，熱辣辣新鮮出爐，表面香脆內裡多汁柔軟，好鮮味！讚！

雞湯拉麵($88)湯底有好濃郁清甜嘅雞湯味 平時食開豚肉拉麵用嘅係直麵 而雞湯拉麵係曲麵 好掛湯亦都好match!有荀絲同半隻溏心蛋仲有三片雞平時食開豚骨拉麵都偏濃味啲 呢個有種清新嘅感覺 唔係食到飽嘅話差啲連湯都飲哂櫻花蝦沾麵($98)朋友點咗呢個 試食咗一啖 好香好多櫻花蝦 係用粗麵做沾麵 好掛湯下次再食會叫呢個餃子(配拉麵+$20)口感豐富 好味！環境&服務裝修好有日本風味 長期有位日本叔叔駐守 好有親切感食滿$100就會有印花 儲夠十個有免費拉麵