Little Vegas

Open Now

Now Closed

好耐冇食過Little Vegas 喇 朋友仔剛好訂到枱 餐廳依然都係咁多人 坐滿晒呀 受歡迎程度依然餐廳入面有好多唔同嘅塗鴉 個餐牌design 好得意秘製醬汁焗豬肋骨 - 半份$122豬肋骨好淋身 好入味附送的薯角炸到脆卜卜 熱辣辣 保持到水準黑漆漆墨汁海鮮意粉- $128海鮮份量都幾多墨汁醬係帶啲甜味既都唔錯比利時窩夫 $72有兩件窩夫 窩夫係較軟身既有一球牛奶味雪糕加一條用焦糖燒過既香蕉焦糖係又脆又有少少苦味配埋窩夫都好夾曲奇妙趣沙冰 $49消暑必備嘅沙冰飲完之後透心涼呀沙冰有好多Oreo 餅碎 正呀House Beer $58 係香港城釀 - 茉莉 手工啤真係充滿陣陣茉莉花味呀好易入口餐廳嘅氣氛好好呀一定要同朋友嚟Chill 下仲好有萬聖節嘅氣氛添呀

Little Vegas都真係我最喜愛既銅鑼灣餐廳之一，啲野好食，飲品又唔錯，環境佈置得幾靚，播既音樂都好啱港人既口味，成個感覺都好舒服。明太子忌廉天使麵上面放滿木魚絲，麵條非常掛汁，味道好有層次。比利時窩夫水果可以揀香蕉或者雜果，雜果有士多啤梨、奇異果、藍莓等。雪糕則係抹茶味。窩夫外脆內軟，連埋雪糕或者雜果一齊放入口仲正。芒果沙冰每次必點既飲品，好鐘意佢既口味比較creamy，偏甜唔會太酸，撈埋上面既cream更加美味。

今次係朋友帶我黎食，餐廳雖然係樓上舖但都幾易搵幾方便，食物同服務都唔錯，飲品同食物款式好多，特飲同酒都好吸引，不過今日時間尚早就無飲酒啦🤣濃味野海鮮喇沙天使麵 上枱已經喇沙味飄香，上有各式喇沙常見嘅海鮮食材，仲有超多我好鐘意嘅豆卜，配上天使麵感覺幾新鮮賭城心太軟 上次黎無試甜品，今次order左個心太軟試下，從未食過咁多流心咁足料嘅心太軟，一切開朱古力醬差啲流到落枱面，朱古力味香濃順口，配上士多啤梨味嘅雪糕食非常之夾，極力推薦黎呢度食要嗌心太軟比利時窩夫 窩夫份量多，上面淋上香甜嘅朱古力醬，芳香撲鼻，朱古力雪糕加埋新鮮嘅生果好適合同窩夫一齊享用，配搭唔錯另外餐廳座位都坐得舒服，整體都非常滿意

平時好少出銅鑼灣，每次過去都係為左搵食😂😂今次，呀妹請食好東西🙈🙈🙈帶左我去衣間小店試食，真係唔差，價錢又合理，可以再去食過。每一次，同呀妹食野都會叫到成張桌子係食物，今次亦都唔例外。一張細細的二人台都差點放唔哂我哋既食物，塞到滿桌子都是食物🙈🙈我地先叫左每人一杯飲品，秘密花園水果茶同埋玫瑰草莓沙冰水果茶，珍寶size，夠哂大杯。但沙冰就玫瑰味太重了，飲唔出草莓味，加上味道又比較甜，所以還是水果茶比較好😋😋食物方面，我地叫左波特菇、命運pizza、燒春雞、冷面，仲有窩夫。食物味道又真係幾好既，仲幾特別添😂😂第一次食冷面，係用冷意粉整既😂😂但味道又出奇地唔差，可能係因為天氣熱，所以食得好舒服。

今日同同事慶祝生日，揀咗呢間呢Little Vegas，一入到去先俾佢嘅裝修吸引左，門口同埋裏面嘅牆身都有好多七彩繽紛嘅壁畫，仲有呢鋪頭個名嘅燈箱，設計用心，連餐牌都彩色奪目，啲餸名又好搞笑。窗台有不少少玩意相信可供玩樂，感覺似去左cafe！好年青呀！我哋叫咗「雞翼好多重奏」（水牛城、玫瑰、麻辣口味）（ $78 ），意大利鮮茄海鮮意粉（ $118 ），秘製醬汁焗豬肋骨（半份$116 ），松露野菌燉飯（ $106 ），賭城至尊Pizza （ $118 ），焗波特菇（$86），仲要左兩個甜品包括比利時窩夫（ $78 ）同埋賭城心太軟（ $48 ），非常豐富。先講下個焗波特菇（$86），其實即係芝士焗大啡菇，一客有4隻，芝士濃厚，啡菇保持到濕潤有汁，唔錯！「雞翼好多重奏」（水牛城、玫瑰、麻辣口味）（ $78 ）都幾impressed，每款味有3隻，首先玫瑰味好香，食落有甜甜的蜜糖味﹔水牛城就微辣，表面有好多醬汁包住，都幾好味！至於麻辣，由於我一向都唔麻辣所以無諗住試，但同事話完全唔辣只有麻，一試之下個感覺真係好特別！真係唔辣，但食左一陣就feel到嘴唇有點麻麻的感覺，但同時嗰種唔知點形容既味

之前約o左男友人JT同佢太太MY o係大前日(29-7-2017 Sat)食晚飯,我o地揀o左呢間,由於呢o度只可walk in,冇得book枱,於是我o地約6:30pm o黎,免得唔知要等到幾點.我同我老公先到,經理問我o地人齊未?我答好快人齊,佢答o衣o家有張4人枱,你o地可以揀入座先,但限時90分鐘.我問如果唔要住呢?唔要住出面都有人等o緊,先齊人就先入座,如果冇晒枱就要等45分鐘後至有枱.啊,咁我o地入座先啦.我o地坐o個張o岩o岩算可以自成一角o既枱,而且望住馬場,好正.而JT夫婦好快到o黎,我o地就諗食咩喇,MY指定要食牛,睇均成份menu,都只有牛肉漢堡一款,都要叫啦.而其他有:2. $96.00 o既扮晒蟹日式雜錦意粉材料有火腿,蝦,嗚門卷同蟹柳,份量唔係好多,食落,點解我食到黑松露味o既?味道唔會太鹹, 蟹柳唔係魚蛋扮o個隻,成個意粉都OK o既.味道:4分3. $128.00 o既孖寶pizza,要o左日式照燒雞同黑松露野菌黑松露野菌呢邊o既黑松露唔係好香濃.日式照燒雞o個邊都有啲啲鹹.而Pizza底係薄o個種,口感正常.味道:3分4. $108.00o既福。牛肉芝