辛安東元祖奶奶雞 (Closed)

都好似有一段時間冇食韓國菜啦，今日就你是旺角好出名既辛安東奶奶雞，但如果黎食要小心排隊條路都幾多人 😱😱😱😱傳統韓卷，材料簡單但其實好惹味，加埋沙律醬更出色👍🏻👍🏻芝士蛋卷芝士量多，一切開就流晒出嚟，蛋又好滑好香，值得一試水冷麵味道略嫌偏淡，但麵條好滑，加埋蛋同蘿蔔絲，都算好食之後就梗係到主角辛安東奶奶雞啦，有唔同既辣度選擇，今次叫左中辣，其實都偏唔算辣，所以可以放心叫，味道好濃好惹味，雞又好嫩滑入曬味，未試過既絕對值得一試👍🏻👍🏻

辛安東元祖奶奶雞友人話呢個奶奶燉雞做到係韓國食到既味道 入面仲有好多唔同配菜(冬菇, 薯仔, 紅蘿蔔, 青瓜,f) 鋪底既係一種叫東粉既韓式粗粉絲 雞既肉質嫩但比較多骨 配菜同啲汁好match 粉絲會俾把較剪你 韌性都幾強易纏埋一齊所以要剪 但味道不俗👍🏻陸軍牛肉拌飯呢個飯係驚喜之作 冇諗到只係拌飯都咁高水準 望落唔止賣相靚 味道都唔錯🤩燒牛肉切到一絲絲 配菜有泡菜 紫菜 生菜 木魚碎 仲要加隻流心蛋 認真花功夫 之後撈均晒同蛋汁一齊食🤤真心推薦！芝士拉絲卷都唔錯👍🏻叫左個豚肉生菜包🤤塊肉非常大 仲好厚肉又唔硬😳😳再黎一個炒麵仲叫左一隻雞 佢會切開一半分兩碟上👍🏻咸興水冷麵 水冷麵係本人🇰🇷菜之中最愛 因為想食到好食既水冷麵可遇不可求 呢間就幾好 佢既水冷麵湯夠凍入面好似有酸既冰👍🏻😵仲食到又爽又甜既梨 麵亦夠彈牙 酸酸甜甜個人覺得夏天口淡淡既時候食係最正！海鮮煎餅煎餅食落同泡菜餅冇乜分別 所以冇乜特別😹唔太食得出海鮮因爲得好少 但係勝在熱辣辣煎起幾正 略嫌份量太少😖叫左啤酒 燒酒 不醉無歸🤣

全隻松露奶奶雞（$198）：松露醬汁算香同滑，但雞的份量好少，我地叫的是一隻雞，但食落頂盡得半隻，薯粉佔左七八成，與價錢不成比。水冷麵：湯汁唔夠味，配搭誠意欠奉，好平凡的一款齋麵，只有青瓜同半隻烚蛋，麵質亦屬一般，與自己在家整的頹麵不大分別，不是正常餐廳的質素。原味奶奶雞（滿$100加$1所得）：味道似滷水與鼓油雞之間，唔難食但冇特別，又係好多薯粉，如果唔係加$1應該唔會叫。總結：各位去之前請三思。

今晚我們去咗旺角白布街嘅「辛安東元祖奶奶鷄」食晚飯！我們叫咗水冷麵有幾片爽脆清甜嘅雪梨舖面，冷麵嘅麵質好軟滑幼身，而且好冰凍，感覺好清新！真露煮蜆係用水煲載著，造型賣相都幾別緻，蜆肉好鮮甜，湯底嘅味道好清甜芳香！卡邦尼年糕嘅年糕相當煙韌彈牙，醬汁好濃郁，但芝士嘅份量就極之多，感覺比較膩！鴨肉泡菜包上碟嗰陣祇係切開兩件，我們向店員要求再切開一半，店員達到我們嘅要求，包質好薄身同焗得好脆身，鴨肉嘅肉質好軟滑！炮兵鍋嘅麵質好爽口彈牙，材料都幾豐富！釜山鮮蠔奶奶鷄嘅鷄肉肉質非常嫩滑，舖底嘅薯粉麵質超煙韌彈牙，辣度可以自己選擇唔同嘅辣度，我們揀咗小辣，鷄肉同其他所有配料都吸收晒辣汁嘅味道，真係相當惹味！特色飲品嘅造型賣相係一個燈泡，真係非常趣緻！

對上一次食係明洞度食, 味道同香港既都好相似, 好耐無食又再回味一番先 見佢寫住慶祝開店3週年, 奶奶鷄半價優惠, 半價喎.........好吸引呀!一於要個原味奶奶鷄 (小辣), 配料包括青瓜, 紅蘿蔔, 薯仔, 全部都入晒味, 鷄肉嫩滑, 份量都幾對眼, 無話將價就貨, 而佢個韓國粉絲口感煙韌, 索埋D醬汁一齊食更飽肚!仲有其他食物選擇, 當然要試下啦!韓國既水冷麵一向深得我喜愛, 梨片清甜爽脆, 配以半隻蛋, 麵條軟硬度適中, 最緊要全碗麵夠凍, 若然可加醋及芥末一齊食會更加好味!沖淡一下奶奶鷄既濃味, 推介試呢個特式凍蕃茄, 原個蕃茄去皮, 上面有D柚子皮點綴, 一咬落去鮮甜多汁, 柚子啫哩味滲滿在蕃茄中, 一食暑氣全消, 非常驚喜!埋單都係百幾蚊, 絶對抵食! 難怪愈食愈多人............

因為三週年 半隻雞可以半價✨ 所以特意黎試下 位置係白布街 喺球場附近 都幾方便 因為唔好芝士 松露 同蠔 所以叫咗原味（？！）但估唔到原味都幾入味 我地叫咗小辣 所以就真係小辣 鐘意食辣嘅 可以叫多少少😀 佢有分無辣 小辣 中辣 同激辣 雞都有5 6舊 但因為連雞仲有配菜 配菜好入味 好腍 好好食 不過連上既薯粉就唔合格嚕 好腍 唔夠爽身 而目感覺佢好一pat 野咁 口感欠佳