阿翁廚房 (Closed)

今日過了住筲箕灣的姨媽家中探望新生BB，之後她帶了我去附近的阿翁廚房食飯，這裏主打的是上海菜，地點是在一條橫巷內，比較難發現。我們先點了小籠包8隻，皮薄多肉汁，外皮不易夾散而且有彈性，裏面的湯汁豐富，加上鎮江醋後，有肉鮮味，價錢便宜，比外面連鎖大店更好味更化算。之後是生煎包包底煎得都幾脆，包皮比較十厚，肉餡比較少，而且比較油膩。另一個吃上海菜必點的水晶肴肉，肉質比較結實，膠質很重，而且份量頗多，做法正宗。蟹子雲腿賽螃蟹，賽螃蟹比較鬆散，但不會太油膩，配蟹子幾特別，軟軟的蛋白有點點的脆口蟹子成對比。最後食埋個豆沙窩餅，外皮香脆煙韌，裏面豆沙餡十足，香甜可口，是我最喜歡的甜品之一。小店雖沒有連鎖店的名氣，但質素卻是不錯，尤其是小籠包可以跟很多大型連鎖店媲美。

成日覺得筲箕灣呢巷仔好有食街feel，有好多林林種種既餐廳，比起同區既東大街更有特色，好多都似係家庭式經營，人情味較重，熟客仔多。今日黎呢間之前都食過，不過係午餐叫外賣，今日就同屋企人黎食晚餐。其實識行既筲箕灣港鐵站一出行五分鐘左右就到，唔識既就問人天悅廣場係邊，對住入口條巷仔就係架啦。一入到去，職員就親切招待，安排座位同上茶。係大廳有個姐姐係度整緊生煎飯，手法純熟，剩係我地係度食果一個鐘，佢已經整左幾底！心諗啲生煎飽應該幾好賣喎！小籠包$58八只，四只一籠，大大只，脹卜卜！一咬開，啲汁流晒出黎！！正！豬肉餡都幾多，肉淋，調味剛好，唔會太咸但又入味！個姐姐話佢地啲豬肉係用本地豬，自己校味，所以味道一流！食落又係喎！水晶肴肉之前見過，食就真係第一次。首先，個皮好爽口，透明果啲質感似啫哩，而肉就似金華火腿甘，但就無甘咸。成舊食唔油膩，凍凍地，好爽口。鍾意既仲可以點埋伴有既醋食。酸酸地，好夾好開胃。黑醋魚可以選擇糖醋或黑醋去炒，而我就選左黑醋。師傅炒得好有爐氣！熱辣辣！魚沾粉炸過，所以邊好脆。入面既魚肉實，唔會淋到爛晒！個汁酸酸甜甜甘，好惹味！送飯一流！啖啖肉！夠實淨！排骨粗炒麵條同汁、菜炒