阿詩瑪壹菌 (Closed)

作為太古城居民，我諗我食呢間餐廳不下十次佢嘅雲南菜好惹味，同埋食落都幾正宗咁-今次食左佢嘅水煮魚片🐟感覺魚片、紅薯粉嘅份量都少過以前但依然有花椒青花椒乾辣椒🌶️仲有好多蔥碎點綴所以都好香口我覺得呢間嘅水煮魚唔算好辣如果你喺譚仔食到四少辣嘅應該都handle到阿詩瑪嘅水煮魚-今次仲有點左呢個昆明小炒肉其實我地差唔多每次都會叫呢碟小炒肉因為佢好香口，portion都幾多，又有少少辣😋😋我朋友唔食辣但都食得到佢主要係香炒豬肉片，配大量蔥（蔥嘅唔同位置都有）望落張相好油膩但其實食落口都幾爽嘅-阿詩瑪話明係食野菌嘅🍄但我之前食過佢嘅火爆牛肝菌同野菌山珍氣鍋雞都覺得麻麻地同我幾年前去過雲南食嘅野菌煲差得遠，基本上就係唔多菌，菌嘅variety唔多，所以都唔會有好濃郁嘅野菌香味-最後唔記得影相嘅係個甜品——「玫瑰冰粉」真係非常之可惜因為玫瑰花係雲南嘅特產🌹而呢度嘅玫瑰冰粉真係無野可以挑剔！佢嘅冰粉應該係蒟蒻果凍而個汁除左冰糖嘅清甜味仲飄散左玫瑰花嘅淡淡芳香🌸🍃無論main食乜都好，我都highly recommend你地食玫瑰冰粉啊

M佬：講起雲南菜你會諗起咩？A姐：酸辣米線！！我要3小辣！！M佬：……中國嘅八大菜系，分別有川菜（四川菜）、魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），數嚟數去都無滇菜（雲南菜）嘅，唔通滇菜真係得米線？因為雲南嘅地理位置鄰近四川，所以菜式都好相似。而雲南屬於中國西南地區，氣候温和，雨量充足，物種豐饒，所以滇菜講究鮮嫩，選材以山珍、菇菌為主。今日就帶A姐去太古城阿詩瑪壹菌，試吓除咗酸辣米線嘅滇菜啦。雲南過橋米線A姐話食雲南菜，無米線佢真係接受唔到，所以嚟到阿詩瑪壹菌，佢話一定要食過橋米線。店員會先上一碗裝滿滾湯嘅大碗，再即時放入米線、薄豬肉片、薄雞肉片、菜等配料，所有食物都好新鮮，米線爽口細滑，湯底鮮甜，雞味濃郁，仲可以自行加入酸菜，令味道更醒胃。野菌山珍氣鍋雞作為滇菜嘅名菜，呢個氣鍋雞真係一啲都唔簡單，用上傳統嘅雲南燉鍋，再加入野菌、雞肉同瘦肉，而煮嘅過程唔加入水，所有湯汁全靠食材自身嘅水份同水蒸氣而成，絕對係夠晒珍貴又原汁原味。一打開蓋就聞到好香濃嘅菇菌味，湯汁香濃，鮮味十足，好好味呀！水煮魚片雲南版嘅水煮魚片，同四川嘅好唔同，湯底相對較清

太古城行街就行得多，一向都係食商場裡面的餐廳，但其實太古城不等於整個太古。今次黎行街，朋友係住附近，話不如唔好咁悶食商場野，提議黎呢間正正在太古城starbucks reserve 出門轉左行廿秒就到的雲南餐廳。價錢比商場內的食肆大眾化，食物款式又多，令我喜出望外，始知太古城有這般不古板的餐廳！紅噹噹得黎唔老套，富有雲南色彩，店內的裝飾好有民族色彩。店面好大，仲有好雅緻的VIP 房。餐牌圖文並茂，選擇勁多，唔想傷腦筋的話可以一試套餐和一品鍋，不過我地都係單點，價錢同套餐差唔多。每人二百多，夠晒飽，幾抵食。雲南食物真係好多元化，唔止係得米線嘛。辣與唔辣都有，無四川菜咁重口味，但川菜如水煮菜式都有得叫。野食黎得好快，上菜時服務又好，值得一讚。野菌山珍氣鍋雞（小）$78有大和小兩個版本，大的可以3-4個人食，小就1-2個人食。用瓦盅盛著，保溫做得好。湯底好夠味和足料，雖然類似燉湯但完全唔油，飲完都唔口渴。牛肝菌小籠包 $48菌類係雲南的特色食物，例如羊肚菌、牛肝菌、黑松露、松茸。加了牛肝菌碎的小籠包，肉香中帶點菇香，口感不錯，如果水分多d 會仲好。火夾乳 $98很像意大利的ham and c