意八餐廳 (Closed)

今日約了老佛爺食lunch, 老佛爺帶了我試這間餐廳，我們比正常早（1點前），都爆爆地，但咁啱有個卡位，吾使等，地方幾闊落。看過菜牌都幾多款式，價錢好大眾化，小食2x蚊起，set lunch都係4x 至 5x, 但套餐吾好就係飲品， 只可選湯 或 飲品， 如两樣都有就好。我點了【墨西哥瘋狂辣肉醬焗意】配 【意大利菜湯】，老佛爺點了【浦汁鰻魚玄米炒飯】配凍檸茶，加了個小食【水牛城辣汁烤雞翼】。焗意夠野味，辣辣的好開胃，沒有所說瘋狂的辣，芝士味濃。菜湯都好濃郁，但略咸了點。老佛爺愛鰻魚，這個飯佢話好味，好味過我個意粉，我就話相反，可能先入為主，但都好好味，但好似吾夠熱。小食雞翼都不錯，餐牌寫明有4隻，但上枱有5隻，可能佢覺細隻，加多隻掛，味道都好入味。整體不錯，由等位到上菜都快，味道算合格，但價錢對比這商場算係合理，坐得舒適，結算 122元， 人均消費約60元， 可以再試。

收工黎到呢頭做完野，發現呢間商場都幾多野食。之前有聽朋友介紹過意八呢間餐廳啲野好抵食，咁岩見到就緊係試下啦。我地兩個人大概等左10分鐘左右就有位啦～都好多選擇，實有樣係你岩食。西式晚餐都係50幾60蚊..呢個價錢都算抵啦。夠濃味，雞肉都算滑，而且唔會好辣。不過我未食過真正水牛城雞翼，所以都唔知個味岩唔岩，不過就都幾好食。朋友見親餐廳有墨汁野就一定會叫🤦🏻‍♀️ 佢話呢個抵啊，出面西餐廳墨汁野都差唔多成舊水架。個墨汁意大利飯夠味，飯都唔會話好硬個種。同埋啲料都算多啊。呢個就..真係失望左食左一啖，即刻去睇下係落錯單定係我睇錯字，一啲都唔係卡邦尼，而且啲汁好水流流。頂多叫白汁煙肉磨菇長通粉。不過～以呢個價錢黎講..啲野不過不失啦。😂

呢間係本人嘅飯堂，因為每個月都會去食幾次，鐘意佢平、靚、正，都曾介紹多個朋友去食，每個朋友試過後都鐘意此食店。咁啱朋友今天係黃大仙區流連, 於是等我收工一齊食飯, 多D人食可以食多幾款食品.水牛城辣汁烤雞翼, 上枱後朋友已急不及待, 叉咗一隻, 所以圖片中得3隻, 其實一碟有4隻, 辣汁雞翼名付其實, 辣辣地, 又有D甜甜地嘅蜜糖味.焗田螺, D薯蓉都好綿, D田螺好味, 但細粒咗D.焗豬扒飯係我至愛, 因為D珍珠米細細粒配埋茄醬已經好好味, 再加埋豬扒又軟滑, 兼略帶香茅味, 重要係碎上, 唔駛自己切, 所以我通常去10次, 當中有6-7次都會食此飯, 其餘時間都會試吓其他嘢食. 迷你Pizza 好鬆軟, 都算足枓, 但如果可以再多D芝士就最好.香辣意粉, 濕咗D, 可以炒乾身D就好啦, D味辣咗小小, 如果小小辣都唔食得嘅朋友, 最好唔好叫此意粉, 海鮮冇雪味, D蝦都好爽, 都算食得落口.鐵板牛扒, 佢D牛扒好稔身, 黑淑汁好好味, 但我覺得此處鐵板最好味係魚柳, 因為朋友鍾意食牛, 所以叫咗鐵板牛扒.玄米炒飯, 略為淡味D, 同埋D海鮮好細粒, 所以食唔出有海鮮味, 但係飯就炒