Pizza Piazza

Open Now

Now Closed

話說有FOLLOW局長既人都知 局長兩三年前係荔之友成日去荔枝角搵食 而PIZZA PIAZZA亦都係當年局長成日食既餐廳之一無他既 一個字 好食同埋價錢相誼囉 事隔多年局長亦都唔再係荔之友 所以都好耐無再幫襯啦但今日亦都係因為荔之友人既邀請 話要係荔搵食咁局長就提議不如食返我以前成日食既PIZZA PIAZZA啦結果就係咁 隔左幾年再去幫襯啦由於早到既關係 未算多人 但坐左唔夠半個鐘就滿坐所以建議都係上OPENRICE訂左位先 如果唔係就要排隊架啦基本上我每次黎都係叫哩個DINNER SPECIAL因為係CP值最高 不論二人餐定四人餐都係好抵食可以揀2個PIZZA/MAIN 1個頭盤 包餐包餐湯同埋飲品 298抵玩啦PIZZA總類繁多 但由於局長係常客都食得8899 所以今次就揀個之前無食過定其實之前無出(?) 既吞拿魚PIZZA另外揀左一款MAIN 係手工麵 印象中之前都唔太覺有可能換左MENU 或者我唔記得左 ANYWAY 叫左先算首先上左餐湯先 基本上次次都係唔同既湯今次係黎左局長數一數二喜歡既洋蔥湯飲到好香甜既洋蔥味 而家洋蔥亦都唔辣然後就上左局長最愛既水牛城雞翼配藍芝士醬賣

今日黎到荔枝角食晏，搵到呢間Pizza Piazza。餐廳就主打西餐同手工pizza，我地揀左兩樣主食，分別係龍蝦龍大利飯同埋辣肉醬至尊pizza，另外加配左水牛城雞翼。先上枱既係餐湯，磨菇湯好creamy好濃味，好鍾意，之後就係水牛城雞翼，炸雞翼外配上水牛城醬，唔係其他既成隻雞翼都比醬汁封實果款，食落就冇咁油膩，亦都食到雞翼既既香脆。再黎就係龍蝦意大利飯，濃濃既龍蝦味已經撲入鼻，食落每一啖都有龍蝦味，加埋配料真係冇得彈。辣肉醬至尊pizza，作為主打即焗手工pizza，一上枱重係熱辣辣，pizza邊十分脆，濃味既辣肉醬加埋腸，欖，同一眾香料，真係食得出意大利pizza既感覺。最後飲品我就叫左凍朱古力，香濃既朱古力上面重要加埋cream，真係飽住走。

澳洲A級肉眼扒好厚, 熟既程度岩岩好🤔, 無血水而且多汁, 不過就有少少根, 美中不足水牛城雞翼超級惹味, 本人唔太食得辣, 但佢既辣度係接受到之餘, 會即刻想食多一隻, 絕對係必點之選！！！🤪😋Bacon DoubleCheese Pizza皮唔算好薄, 餡都唔多, 亦無咩cheese, 個人覺得麻麻☹️Tiramisu如果食完雞翼覺得太漏建議大家嗌一份甜品, 水準唔差, 食落好creamy, 咖啡味足夠, 而且價錢合理🤩

今日嚟到呢邊食lunch，依間餐廳門外擺放Menu俾客人睇，佢嘅午餐都好吸引，就選擇咗依間喇。在餐廳外面望入去因為下午玻璃反光睇得唔清楚，原來入去之後座位坐得好舒適。佢嘅椅有墊，坐得舒服。另外佢裝修同埋格局感覺乾淨簡潔，星期六下午有路少客人，亦都見到有外國人光顧。本來被門口嘅burger廣告吸引左先，但慢慢望吓餐牌嘅選擇好多,特別係佢有好多唔同款式嘅薄餅。最後我選擇咗招牌至尊薄餅set lunch😊首先上餐湯，係西蘭花蓉湯。呢款湯比較少飲，入口粒粒蔬菜，感覺健康。拼上牛油及餐包，夠熱，外皮有少少似法包嘅脆硬，但味道係麥香味重，小小咸，好味。之後就到呢個招牌至尊Pizza！佢係薄底Pizza，餅底夠硬脆, 及有麵粉香味。餡料分布亦都好均勻同埋好足夠，我平時好少食橄欖，但係呢度嘅橄欖都好容易入口，配合埋火腿、菠蘿、蕃茄、芝士等等一齊食，味道好夾。跟餐另外加水牛城雞翼，味道係香辣酸酸地，雞翼好入味，雞肉好滑。餐飲我選擇左果汁梳打，西柚味。真果汁味，甜度適中，帶少少西柚嘅苦澀，好清新！呢度食物質素唔錯，侍應態度友善，地點都幾方便，荔枝角地鐵站行過嚟幾分鐘。下次可以考慮約朋友出嚟依度食飯傾計。

今日去到長沙灣睇戲後揾下附近有咩美食,行過見到一間小店入面主打自家製pizza.平時好少小店會有自家製pizza而且款式又多就入去打下卡.水牛城雞翼性價比十分高$78價錢足足有8隻雞翼,外面無平時見到既醬汁咁紅同杰但味道完全做出水牛城雞翼既味道帶少少酸又辣口,內裏雞翼鎖住肉汁咬落仲有雞汁流出.白酒煮蜆既蜆肉算飽滿而且彈牙蒜同白酒加上洋蔥味幾甘香又無沙.招牌至尊餅底人手自家製搓得簿得黎又煙靭帶麵粉香,咬落口簿餅邊外脆內軟.至尊有火腿蘑菇黑橄欖同雅枝竹,材料豐富鋪滿晒簿餅面上,出色.

話說局長我一向都好少食pizza 因為覺得pizza只係成pat麵粉然後係上面是但加d topping 拎出黎扮哂蟹咁扮係一味唔會好食得去邊 但原來我對pizza既印象只係停留係美式pizza正式的義式pizza 是絕對不會有菠蘿的 就好似日本人好少食三文魚咁就係咁 所以我就決定同友人一齊去食一食正宗既義式pizza睇下同我平時食開劣到飛起既美式pizza有咩大分別最尾就去左我友人公司附近既一間小店度試下佢地既手勢餐廳有好多掛畫 覺得都幾有心思 雖然我唔太識藝術野咁就睇下個menu啦12款pizza 同埋小食 話多唔多話少唔少 但都叫做花多眼亂因為一日食一款都要食足12日先食得哂佢地既pizza 所以都算係咁了我地由於一行有四個人 所以就問下店員有冇咩推介佢就推介我地食四人餐 可以揀2個pizza 1 前菜 1 意粉／飯 1 色拉感覺都幾抵 所以就叫左四人餐啦 先上左餐湯同麵包 餐湯一睇以為係南瓜 但原來係西紅柿酸酸田田幾開胃 局長我幾喜哩個湯 麵包算幾唔錯都算鬆軟既 不過佢係跟橄欖油 可能係意式食法但我不太習慣所以無落到 就咁食都幾不錯色拉就叫左蝦色拉 菜幾脆口的 芝士味都幾重同幾

今晚同朋友一行三人到荔枝角呢間意大利餐廳食晚餐，叫左2人晚餐（$378），一個前菜同兩個主菜配餐包、餐湯、餐飲，額外再追加水牛城雞翼（$78）同烤燒猪肋骨（$188）。前菜係巴馬火腿熔岩芝士薯條，薯條好脆身，配上火腿同熔岩芝士，鹹度適中，夠哂芝味～主菜叫左兩個薄餅，餅底薄而帶點脆身。12寸嘅黑松露誘惑薄餅配有水牛芝士、日本磨菇、黑松露醬，薄餅黑松露味香濃，芝士拉絲，係薄餅經典之選。而12寸嘅意式風情薄餅配有火箭菜、車厘茄同意大利火腿，口味出奇地清新，就算食得多亦都唔怕滯！水牛城雞翼，雞肉多汁嫩滑，醬汁帶辣，配有香草，辣得來非常開胃，仲附送芝士汁，可以隨意加配，推薦！今晚最好食的莫過於係烤燒猪肋骨，猪肋骨肉嫩多汁，肥瘦適中，食落一啲都唔乾身同好軟嫩！配合燒烤醬一齊食非常好食！