只 (Closed)

係ig睇到哩間cafe裝修以乾花為主, 影出黎d相都好靚, 小清新嘅感覺今晚約左朋友食飯, 就突然諗到哩間餐廳, 仲發現哩間餐廳係mileslife可以儲分tim~ 食飯儲埋里數, 爽呢^^晚餐book左位, 成晚得幾枱客, 所以好安靜, 可以慢慢同fd談心食物整體都不錯~ 價錢合理~ 水牛城雞翼 - 有8件單骨雞翼,  相對容易入味, 辣辣地, 幾野味黑松露薯條 - 炸得好好, 唔會油林林, 又夠脆海鮮意粉 - 哩個就一般般, 味道唔係唔好食, 係食完都無乜印象果種+左40蚊跟左個餐湯同有飲品, 餐湯好好飲, 菇味濃又夠杰身~ 有口感飲品一杯係燒綿花糖朱古力, 好味另一杯係培茶鮮奶, 好香茶味~ 不錯最後加左個心太軟, 整得好好~ 唔會好死甜, 中間仲好流心tim~ 埋單$470, 食到好飽~ 整體滿意會再光顧~~~~~~~~~~

我們一行8人，預早几日book位，所以不用等位（因為係樓上店，店不算大，所以如果大家下次要試就最好先訂位）。因有朋友食過好味，才再番食。我一入門就一眼望晒，裝修簡單，但舒服，可以一班朋友傾計聚舊👍🏻。食物方面：分別叫了水牛城雞翼配藍芝士醬（似韓式雞翼，辣辣哋、少少甜酸，好味😋）；日式魷魚圈（不會油，少少香口，好味）；明太子貓耳朵（這個整碟都係明太子和少少辣，貓耳朵煮得啱啱好，不會過淋）；意大利海鮮意粉（海鮮都不算少，而且係原隻青口和大蝦，味道夠香👍🏻）櫻花蝦牛油大蜆炒意粉（這個味道都好香）；蟹肉南瓜意大利飯，我就唔係好食到蟹肉，但南瓜飯都好味；慢煮安格斯肉眼扒（這個不論配菜還是扒，都好好味）；法式烤春雞（雞夠滑，但好似唔夠味）；餐湯（磨菇湯好好味😋，但每次都未必一樣）；飲品賣相靚，甜品都ok

第一次book呢間cafe....我地4個人book左2:30，一去到就即刻入得，睇完menu, 我地叫左4個主食，2個小食同4杯飲品，首先食物好快就可以送到，因為當日係星期六下午，都坐滿成間cafe, 佢都可以咁快送到d食物，熱辣辣既煎帶子意大利飯真係好好味，原隻帶子好鮮甜，味道很濃，送上來還是熱騰騰的，然後他們推介我飲一杯玫瑰草莓梳打，味道不太甜，但有新鮮草莓醬係入面，所以清清地都幾好飲，之後個水牛雞翼真係正，香草味很濃，配上醬汁更好，比一般cafe的水準高、食完仲想叫多碟，仲有個野菌黑松露闊條麵很足料，黑松露很濃，很多汁的意粉份量又足，吞拿魚煙肉長通粉也是越很多吞拿魚的，味道不錯，長通粉不太霖。埋單都係每人120-130，好抵食，好味又坐得舒服，我地都坐左成個下晝，好正！