水門雞飯 (汀角路) (Closed)

今日係平安夜晏晝約咗朋友出嚟食嘢因為朋友好鍾意食泰國菜所以佢諗都冇諗就帶我嚟食仲話食過好多次覺得好好食咁就一於試試佢啦～- - - - - - - - - - - - - - - - - - - - - - - -1. 水門雞飯（轉雞髀肉）+湯+熱柚子蜜朋友話水門雞飯係必食同埋一定要轉做雞脾肉因為一嚟容易入口二嚟可以試到佢啲雞肉有幾嫩滑多汁配埋滲透雞汁嘅白飯仲有泰式濃郁鼓香醬汁口感超級豐富2. 泰式豬頸肉朋友亦都大推泰式豬頸肉食落充滿碳烤香味之餘又略帶啲蜜糖嘅甜另外肉質口感嫩滑多汁加埋個碟辣辣哋嘅醬汁好惹味啊～3. 泰式炒通菜本身已經好鍾意食通菜所以唔使多講食親泰國菜都會必點呢間用嚟炒通菜啲調味食材好足食到底會見到好多蒜/辣椒不過又冇話辣到食唔到4. 雞肉串燒雞肉似係本身有用咖喱醬醃住跟住先拎去碳烤至熟透所以出嚟已經有陣陣嘅咖哩香味仲配埋碟泰式咖喱醬入口簡直就係雙重滿足味蕾好啱啲鍾意食咖哩嘅朋友如果覺得太重口味可以食佢附帶個碟酸甜青瓜可以用嚟過口 或者當開胃菜

我最近品嚐了一份水門雞飯，現在讓我分享一下我的食評。這道菜的特點是它的湯帶有一些辣味，而且食材的搭配也很正常。首先，我必須說這份湯的辣度有些偏高，對於喜歡辣味的人來說可能會非常適合。然而，如果你對辣味不太敏感，可能需要小心。雞肉的質地和味道是正常的，沒有特別突出的地方。它的口感嫩滑，味道鮮美，但沒有太多驚喜。如果你喜歡傳統的雞肉口味，這道菜應該會符合你的期望。另外，這道水門雞飯還附有一種辣汁，這是一個很好的亮點。辣汁的味道非常美味，可以為整個菜餚增添一份特別的風味。如果你喜歡辣味，這個辣汁絕對值得一試。總的來說，這道水門雞飯的湯帶有一些辣味，雞肉的味道正常，但辣汁是一個亮點。如果你喜歡辣味和傳統的雞肉口味，這道菜可能會很適合你。然而，如果你對辣味不太感興趣，可能需要考慮其他選擇。

Lunch time時間，人流唔算太多，外賣較多，可能礙於位置問題。勝在上菜比較快😆趕時間岩曬👍🏻佢都有好幾款lunch set提供，不過招牌都叫水門雞，冇理由唔食水門雞架😂所以二話不說，就叫左個水門雞飯餐。❤️水門雞飯餐$50（包飲品）整體味道不過不失，我鐘意佢嘅飯，係有雞味嘅飯😆不過略嫌少少爛飯，比較岩鐘意食爛飯嘅人。❤️凍奶茶比傳統泰式奶茶淡味，以往飲開嘅泰式奶茶比較甜，呢過唔算甜，相對比較淡口味。

嚟到大埔，初次食有幾間分店嘅水門雞飯。喺平日嘅夜晚都唔使排隊就已經有位，不過店舖雖然唔細，但係二人枱好細張😩😩見到二人餐，只係賣$198，好吸引👍🏻👍🏻主食方面揀咗水門雞飯同埋加咗$10揀咗鳳尾蝦炒金邊粉水門雞飯來講，雞嘅份量都唔算少，可惜嘅係雞肉冇想像中嘅滑嫩，可能今次比嘅雞件都係靠雞胸為主，有啲可惜🤧不過配埋特色醬汁，同埋油飯，都幾正👍🏻最重要嘅係配左白胡椒雞湯，白胡椒味香濃，喺秋風起嘅時間好驅寒👍🏻👍🏻絕對推薦加$10揀鳳尾蝦炒金邊粉，鳳尾蝦嘅size都幾大隻，新鮮彈口有蝦味，幾驚喜👍🏻👍🏻而炒金邊粉就好香口，調味適中，夠鑊氣，唔會話炒到過濕或者過乾，控制火候啱啱好👍🏻👍🏻小食方面就揀平時比較少見既泰式炆雞腳，同埋馬拉盞芥蘭苗。 雞腳炆到好入味，軟糯👍🏻而芥蘭苗就食得出好新鮮配埋馬拉盞肉醬，好快就清晒成碟菜👍🏻👍🏻呢個set CP值最高之處就係可以唔使加錢就送兩杯泰式飲品。我哋叫咗泰式奶茶，甜度雖然冇得調校，但係奶滑茶香係高質素嘅泰奶🧋🧋最後仲要我哋加咗$15轉咗芒果糯米飯。芒果香甜，糯米飯有微溫，煙韌口感一流👍🏻👍🏻👍🏻人均$100 嘅二人餐絕對會食到你捧住個肚返屋企，超級滿足

間唔使就會想食下泰國嘢 今日經過大埔就見到一間水門雞飯 佢成個舖頭外觀招牌都巳經好有泰國feel嫁啦 點知味道仲似呀水門雞飯$50個雞飯一上枱 真係普通到不得了 幾片青瓜擺盤 心諗應該好普通啫 第一眼 見到個雞啲肉有少少粉粉地色 賣相好一般  點知食落去 嘩 真係勁嫩滑 連埋有彈性既雞皮 勁有雞味 仲要唔油膩 好清爽 點埋個特制汁 配埋個雞油飯 真係可以話 佢做到九成似泰國食既水門雞飯啦  真係好完美 非常好食！驚為天人 ~美中不足 佢送個雞湯就咸左少少呀！可以唔飲 飲返佢送個杯泰式奶茶  我覺得好過泰國 因為佢冇泰國咁甜呀 金牌胡椒豬什粉$48依碗麵上枱 都幾靚既 首先d料好多 仲見到滿滿肉碎 我對佢賣相好滿意 一睇就知應該係好食 但係由食落去個下 我有少少改觀 佢陣豬騷味係真係濃烈 可能我食唔慣 同埋飲到好濃既胡椒湯味 除左個豬除味勁d  整體個湯係唔錯  配料 仲有豬粉腸 食到苦苦地 豬潤好薄啦 粉粉地色 仲有佢連炸豬皮都有呀 誠意十足呀 

水門雞飯，本地人開設的良心小店，想試好耐，但每次都排長龍同唔就腳冇幫襯，見而加開了唔少分店，原來大埔都有，今次可以去一轉。店子裝潢簡約，不鏽鋼枱椅，牆上掛畫及拳套等，貌似泰國大排檔，大約7:30的時段，唔算太多人。要了二人自選套餐，包括:主食+小食+飲品+甜品，$198。雞骨湯。凍泰式鴛鴦，泰式奶茶多數偏甜，鴛鴦有泰式奶茶的獨特香滑同夾雜少許啡香，唔會太甜，味道不俗。凍泰式咖啡，友人的。水門雞飯，雞肉嫩滑，啖啖肉，沾上醬汁更好味，油飯粒粒分明軟硬適中。沙嗲豬串燒(2串)及沙嗲雞串燒(2串)，試了豬串燒，香口惹味。芒果糯米飯，+$15轉，糯米飯口感軟糯，椰香味十足，香甜美味，芒果清甜。泰有風味的一餐，支持小店呢。

放假出去走走，來到大埔，突然之間想食雞，咁就搵咗呢間水門雞試一試下啦！味道都做得好唔錯㗎！小編都十分滿意！雖然就有少少少少窄，但聽講呢啲舖頭通常啲食物質數都唔會差得去邊，價錢就合理啦！嘢食都有質素㗎！首先出餐嗰時都夠熱啦！啲雞又唔孩，仲有啲雞味tim ！而且佢附送一個醬汁！嗰醬汁點來食都唔錯㗎！少少辣辣地，點嚟食特別開胃！至於飯嘅方面，都非常之香！幾有飯味！同埋啲雞都唔算好肥！直頭係剛剛好！最後叫咗個奶茶！都非常之香滑架！

有時諗唔到食咩 或者夜已深想食啲light dinner嘅時候 就好鍾意黎呢間🤪呢間分店位算多 亦較寬敞 舒舒服同frd子閒聊下 氣氛另類的不錯kekee。。。🦔👉牛肉湯牛丸生牛肉湯河 $48近排太陽咁猛 天氣咁乾 都係食番啲濕濕地嘅野好 唔知食咩餸就食牛牛牛啦😎牛丸真係好爽口！牛肉真係又薄又嫩又夠味🤤搞到啲湯比我一勺勺咁送粉飲得七七八八 周不時咬幾口豬油渣乾 再食塊三角薄片 成碗粉口感幾多元化🤪為咗吸多啲湯水我都係揀番配我至愛嘅河粉😚。。。🦔👉水門雞飯 $52黎到唔食雞飯唔得呀🤪次次黎到都係係雞飯同船麵中掙扎 雞飯就會送多碗湯🥣雖然碟飯睇落平平無奇 但食完都感覺好滿足😋水門雞永遠都係咁滑嫩 一早幫你拆埋骨 食得好方便 切件細得黎又好易入口 最鍾意沾佢醬汁食🤪反而佢啲油飯相比其他嘅無咁油膩 味道亦唔太重 視乎你個人取向啦 我就偏重口味 但同自己講咁樣食先健康🤓

打完波又到晚飯嘅時候，今次揀咗水門雞外賣。水門雞雞肉鞋咗啲，泰式豬手味道可以，但好多豬毛無清理，見到嚴重影響胃口，揀咗啲無乜毛嘅皮嚟食，味道係好食嘅，個汁幫個飯加返唔小分。但總括嚟講 2 盒飯啲餸都係偏少，性價比差咗啲，大埔都多泰國餐廳，有其他選擇！店內員工都算 helpful，買外賣時睇店舖內座位比較迫，感覺唔係太舒服！

疫情嚴峻，冇咩必要大家都鍾意叫外賣返屋企食，水門雞飯就做緊外賣優惠，已經成為左個固定嘅外賣夥伴通常都會叫水門雞飯！雞肉唔算話好嫩，但我覺得啱啱好，唔會話好柴，因為我個人唔鍾意食雞皮，所以一定會撕走雞皮，雞皮同雞唔係痴得好實，好易整得甩。雞唔算好油，同青瓜一齊食會夾啲～配上一碗湯，有胡椒味，胡椒味唔算好重，但如果飲太多就會好口渴。喺你大埔如果諗唔到食咩都可以叫個水門雞飯外賣，但就唔好預期話會好滿足，純粹飽肚有幾好食

水門雞飯睇樣都知道有幾滑嫩～水門雞份量多，一定要試試個泰式辣汁，有粒粒青辣椒辣度絕對唔可以睇少！雞飯有油香但又唔會太油膩，雞湯就有冬瓜粒同重胡椒味。牛肉湯底好濃，落啲辣椒碎好正湯都飲埋～牛丸夠彈牙，生牛肉帶少少肥亦都好香牛味，最欣賞係佢有炸豬皮粒，還原番泰國嘅味道。要再次強調我有幾鍾意飲泰式奶茶🤪 午餐套餐奉送杯裝飲品，奶茶同咖啡都係固定甜度，好甜嘅我就好鍾意～依度嘅泰式奶茶茶底好香濃，係我喺香港飲過最正宗嘅🧡

水門雞飯 聽就聽過好多次 係泰國都成日想食今日黎到大埔食夜晚飯 出奇地唔洗排好耐 (可能因為天氣關係)🤤好快入到去 坐既位置都係銀色不繡鋼like 既枱櫈同埋扁扁既叉同匙羹 好似坐係東南亞街邊咁！不過有冷氣🤣😋TLDR: 性價比一百分 一定會再番黎食😋今次試左2款主食同飲品:水門雞飯 湯略嫌重左少少胡椒味但甜！飯係正宗油飯 少少味配雞一流！ 最鐘意d雞滑得黎唔會太肥 同埋個醬係唔辣鳳尾蝦炒金邊粉非常夠獲氣 d蝦有另外煎香過好香口份量都算適中 食完一個主食加個野飲非常滿足🤤青檸梳打好驚喜佢唔係落七喜/雪碧淨係得個甜味小清新之選！😋龍眼水飲落非常清甜 甜係有d龍眼肉 都係冇過甜 非常鐘意！🤤入面仲有多粒龍眼肉乾🤤記得拎匙羹食曬佢

知道佢喺大埔開咗一段時間今日終於去試吓😏入到去餐廳已經好有泰國感覺 全部都係銀枱銀櫈🇹🇭.嚟都當然是佢哋嘅水門雞飯🐣分別帶咗個水門雞飯($55)同埋雙拼水門雞飯($57)雙拼有埋炸嘅水門雞🔥油飯好入味 雞嘅肉質都好嫩滑咁啱佢俾咗雞脾肉 雞味一流！即使係雞胸肉亦都唔會好韌👍🏻.餐飲方面 除咗青檸梳打外 其餘飲品甜度都係固定嘅因為我本身唔好甜知道佢啲泰式奶茶好甜 又冇得走甜所以都冇嗌佢哋嘅特飲職員好好 好有耐性不停介紹甜度較低嘅飲品俾我總括而言呢間係回頭率高嘅餐廳👍🏻順帶一提 佢哋尖沙咀同元朗都有分店

星期日喺大埔區揾食，之前熱過一輪嘅水門雞，好彩唔洗排隊。呵呵。水門雞飯雞肉唔會粗糙，都幾嫩，油飯唔夠香，但係個醬汁好好味，湯唔錯，有濃濃胡椒味。大頭蝦冬陰公湯米冬陰公個湯夠酸夠味，不過大頭蝦肉有少少霉霉地，不太新鮮。米粉係泰國超幼身嗰種，本人最愛。泰式檸茶個茶底幾好，唔會澀。有別於我地平時飲嘅凍檸茶，相比起，我會更喜歡泰式檸茶😆

如標題所說~這是我第二次來到【水門雞飯】本來是想去距離再走10分鐘的日式料理餐廳，不過經過這店想起第一次吃的好印象，所以就說服朋友進去了我們點了【水門雞飯】⭐️⭐️⭐️⭐️雞肉無印象中滑，飯粒較硬身，但水門雞飯的精髓在於醬汁，所以點雞撈飯一齊食啱啱好🐔【水門炸雞飯】⭐️⭐️⭐️炸漿比較硬和厚，但雞肉比正常水門雞飯滑，但個醬汁怪怪的🤨有陣酸酸嘅味但唔開胃😣【泰式奶茶】⭐️⭐️⭐️⭐️無得調整甜度，但比泰國傳統泰奶無咁甜，不過大半杯都係冰🥶太少奶茶唔夠飲，如果唔怕太甜可以叫少冰