道日本料理

Open Now

Now Closed

今日Work from home, 係屋企附近搵下有咩好野食，經過荃灣中心一期，發現左有間日本餐廳，睇下個餐牌都幾吸引，於是就入左去試下！叫左個汁燒三文魚丼，午餐可選味僧湯或沙律。沙律菜好新鮮，配埋酸酸地既柚子芝麻醬汁，非常之開胃！三文魚既炙燒時間恰到好處，油脂味好香口，見到每片三文魚都切到差唔多大細，可見師傅刀功好有水準，燒汁加和風沙律醬好惹味，加上有大量既蟹籽同日本溫泉蛋撈飯，口感好豐富，因得有太多餸，變左覺得白米飯唔夠！好開心，係荃景圍都可以食到咁高質既日本野，下次會再黎試埋其他野，見到壽司十貫都好吸引！

荃灣中心一期地下新開了一家日本餐廳，餐廳不大，入到去覺得幾靚仔幾精致的。餐牌上有好多選擇的，有壽司、軍艦、刺身、卷物、串燒、烏冬、飯、甜品等等。由於疫情限聚令期間，我選擇了汁燒三文魚丼和雜錦魚生丼二款套餐外買。汁燒三文魚丼：三文魚新鮮肥美，沒有魚醒味，食到口里係好香的魚脂，加埋好味的燒汁，很快清盤。雜錦魚生丼：食材新鮮而且多品種，有三文魚、八爪魚、帶子、赤貝皆在水準之很鮮味，對都市人來說夠晒健康！套餐還跟饮料，性價比高👍。