八焼鳥屋 (Closed)

呢間餐廳周圍都係d名人既圖畫，幾得意先嗌野飲，呢杯Mango Juice真係出乎意料，本身以為佢會係出面帶d假芒果味既果汁，但呢杯竟然可以飲到真芒果味，感覺似食緊芒果咁Yayakiya招牌兩度免治和牛漢堡($118)呢個和牛係100％鹿兒島和牛，一般免治牛肉係一度免治，姐係將牛肉攪爛一次，呢個兩度就攪兩次，牛肉出黎更加香口同滑嫩食之前夾起一細舊，放係呢個小小既鐵板上面煎香佢，鎖緊肉汁，點埋個燒汁再食，肉質好稔而且食到好香既牛味，相當唔錯日式咖哩雞飯($75)，睇落好似吉列豬扒哈哈，食落去個雞扒好滑，而且個粉唔會話好厚，仲好juicy，咖哩唔係辣果隻，撈飯食最岩啦海膽威化壽司($48)，呢個樣應該唔陌生，成日都見到人影佢！威化壽司好特點，好似一個盒裝住唔同既野食，入面有海膽同魚子，飯係撈左菇，更加香口食果時要夾番埋佢，一啖咬落去，唔可以影相太耐，如果唔係個威化會稔，外面脆脆既口感配埋海膽壽司既質感好特別，唔知點解會諗到呢個配搭，食落唔奇怪，海膽味慢慢溶，食到海水咸味，好新鮮明太子黑豚腩卷串($28)，呢間一定要食串燒，即叫即燒，呢個係黑豚腩係最外層，入面係紫蘇葉包住明太子，黑豚腩唔會過油

契妹返鄉下前話好想去尖東吉蒂咖啡屋一趟，但因男友極為反感，所以就捉咗小肥契哥相伴。由於咖啡店只有甜點輕食，二人決定先去離店不遠且近日喺OR排行榜上有名o既「Yayakiya」度先食串燒作前奏 。既然一心飯後要去食甜品，又深知串燒店越夜越旺場，所以晚飯就訂於六點半。真係好彩有訂位，又早咗到，食店原來一早已經被客人預先訂滿 ，認真犀利。「Yayakiya」正門右邊o既廚房前方有個玻璃雪櫃，陳列出兩排清酒及生蠔。日藉師傅同助手喺開放式廚房即叫即煮，入面好多時都會見到白煙。圍住廚房有十多個吧位，樑上簡單掛上日本公仔面具，好鬼得意。串燒店中門大開，門後先為六張高櫈散座，頭頂有多部冷氣，空氣流通得很。直到我地離開，店內o既油煙味一啲都唔過份，唔怪得知就連愛因斯坦都要黎食串燒啦 ！店子再入可見有多張正常高度o既合拼式四方枱櫈，適合大伙兒派對。我地二人被安排入座近牆較開揚o既高枱，意外地一啲都唔吊腳，氣氛輕鬆，非常自在。 餐桌有蠟燭照明，頗有情調。餐具中有個超有型o既木造圓環形筷子座，好有特色。除咗有餐具、乾濕紙巾、調味粉同牙籤之外，枱上其實仲有個迷你鐡桶，嘻嘻，原來係用黎擺放用完o既竹籤，