Video
Read full review
2020-04-16
463 views
一直都想試花果山呢間飲品舖，因為佢有同唔少優惠著數網合作，周不時會見到！呢日去旺角行開街，又見到訂枱App有優惠卷未用，就去試下啦😜。原來佢嘅位置係喺登打士街嗰邊，估唔到飲品店嘅舖位都咁大，仲要貼咗大量文宣📰！除咗飲品外，呢到仲有飯團賣🍙，好似好吸引咁。可惜依一刻我哋都真係太飽，所以無機會一嚐。飲品選擇方面，款式都幾多，而且有唔少係比較特別，例如有枇杷膏系列同榴連系列，前者有啲想試，但朋友唔想；後者就唔啱飲🙈。利用訂台App留位，可享八折優惠，即時抵咗👍。原價就屬中等水平啦，$18到$40不等。不過落單時店員好似唔係好清晰咁，有少少未瞓醒嘅狀態😅...。等嘅期間，客人源源不絕👏，而我就順便欣賞下啲文宣先。兩杯飲品嘅份量唔同，沙冰個杯身矮啲，但好似明明無得揀Size🤔。沖繩黑糖香蕉沙冰($28)，呢杯第一啖飲係幾正，充滿香蕉嘅香味🍌，同黑糖亦都夾，但點知愈飲愈甜...，甜到唔想飲埋落去。我印象中好似已經係揀咗微甜？我都唔係好Sure，因為女店員太頹。另外，沙冰口感唔夠沙、又唔夠冰，唔識講，比較稀身，同想像中唔同。洛神花蜂蜜梳打($28)，呢杯係我朋友點的，我試咗啖，都唔係好啱飲。蜂蜜太甜
一直都想試花果山呢間飲品舖，因為佢有同唔少優惠著數網合作，周不時會見到！呢日去旺角行開街，又見到訂枱App有優惠卷未用，就去試下啦😜。
原來佢嘅位置係喺登打士街嗰邊，估唔到飲品店嘅舖位都咁大，仲要貼咗大量文宣📰！
除咗飲品外，呢到仲有飯團賣🍙，好似好吸引咁。可惜依一刻我哋都真係太飽，所以無機會
一嚐。
飲品選擇方面，款式都幾多，而且有唔少係比較特別，例如有枇杷膏系列同榴連系列，前者有啲想試，但朋友唔想；後者就唔啱飲🙈。
利用訂台App留位，可享八折優惠，即時抵咗👍。原價就屬中等水平啦，$18到$40不等。不過落單時店員好似唔係好清晰咁，有少少未瞓醒嘅狀態😅...。
等嘅期間，客人源源不絕👏，而我就順便欣賞下啲文宣先。
兩杯飲品嘅份量唔同，沙冰個杯身矮啲，但好似明明無得揀Size🤔。
沖繩黑糖香蕉沙冰
$28
10 views
0 likes
0 comments
沖繩黑糖香蕉沙冰($28)，呢杯第一啖飲係幾正，充滿香蕉嘅香味🍌，同黑糖亦都夾，但點知愈飲愈甜...，甜到唔想飲埋落去。我印象中好似已經係揀咗微甜？我都唔係好Sure，因為女店員太頹。另外，沙冰口感唔夠沙、又唔夠冰，唔識講，比較稀身，同想像中唔同。
洛神花蜂蜜梳打
$28
13 views
0 likes
0 comments
洛神花蜂蜜梳打($28)，呢杯係我朋友點的，我試咗啖，都唔係好啱飲。蜂蜜太甜🍯，同梳打唔夾，而且飲唔出洛神花味。
總括嚟講，兩杯飲品都係現實不似預期，可能我Expectation太高，所以先失望？試過就好了，不過撐下支持香港人嘅小店💛都要嘅，聽聞佢就嚟唔做了。
Post
