好時沙嗲

Open Now

Now Closed

🌸尖沙咀美食🌸好時沙爹🇸🇬今天晚上到尖東看電影，忽然想起以往看演唱會前例行必吃的人氣新加坡菜-「好時沙嗲」❗️隨著近年來不斷有更多不同的星馬泰餐廳開業，而且這間餐廳設置在人流較少的好時中心，餐廳的人氣已經不及過往了❗️因此今晚特意前往此餐廳懷緬一下😁支持一下👍🏻今晚我們一行2人共惠顧了以下三項餐點：1️⃣海南雞飯🐓 $55海南雞份量適中，雞肉嫩滑，雞油飯粒粒分明，充斥雞油香❗️醬料分別有三種，包括辣醬、甜醬油及姜蓉❗️而冬瓜湯🥣味清新❗️送飯一流👍🏻是餐廳必點之選❗️美味指數：⭕⭕⭕⭕️⭕️賣相指數：⭕⭕⭕️❌❌抵食指數：⭕⭕⭕⭕️❌2️⃣炒貴刁 $52炒貴刁帶有少許辣味，熱炳炳上碟，十分有鑊氣❗️美味指數：⭕⭕⭕⭕️❌賣相指數：⭕⭕❌❌❌抵食指數：⭕⭕⭕⭕️❌3️⃣沙嗲串燒(雞、牛、豬)🍡$51沙嗲串燒美味❗️一碟串燒共有6枝串燒，客人可以自行選擇肉類，我選了雞、牛及豬各兩串❗️沙嗲醬香濃美味，肉質亦不錯❗️性價比甚高❗️是餐廳必點之選👍🏻美味指數：⭕⭕⭕⭕️⭕️賣相指數：⭕⭕⭕❌❌抵食指數：⭕⭕⭕⭕️❌總括而言，此餐廳食物質素不俗❗️是性價比之選❗️值得推介給各位喜歡新加坡🇸🇬菜的朋友❗️

大人今日好介紹，去左呢間新加坡菜餐廳--好時沙嗲。位置唔難搵，尖東好時中心1樓，5點多去到食下午茶，門面有d眼熟。。。人唔多，探完熱搵個位坐低，望一望餐紙，好眼熟，懷疑應該十年前黎過，有緣，哈😄睇餐牌，價錢公道，叫個炒蘿蔔糕，同埋大家最愛的沙嗲串燒(半打)，雞/牛/豬各2串，加杯珍多冰！好快上菜，先黎蘿蔔糕，有咬口，醬汁味濃，仲要有蝦仁，好食！然後串燒，唔算大串，但好食，沙嗲汁更加絕配！珍多冰，椰奶超滑，好飲，跟野食仲要半價！埋單連加一$135，平靚正。👍🏻另外想讚一下樓面姐姐，服務好👍🏻

同男朋友去完k11 仲煩惱食咩啦好 😖😖😖就去openrice到search一search，男朋友就話食好時沙嗲，因為好耐都冇食過，而我係冇食過既😀😀😀之後係帶路嘅時段，位置我覺得係有啲偏僻既，係一個舊式商場入面餐廳格局都係普通茶記咁~我哋就叫咗一碗喇沙，海南雞飯同埋半打沙嗲串燒海南雞飯我覺得中規中矩， 油飯唔係“ 孖寶”咁化學黄。反而喇沙有驚喜好濃味 最驚喜就係沙嗲串燒，沙嗲嘅花生味好濃好突出，豬同雞我就覺得最好食價錢以hea食黎講都係中等~ 有機會再食

今日睇黃子華之前就黎左好時沙嗲，之前執左一排，又再重開。位置同裝修依舊， 食物都仲係個啲， 海南雞呀， 叻沙呀， 個啲。今次個menu 好似新左。講緊個紙質。叫左份沙嗲串燒叫得好時沙嗲， 啲沙嗲應該好食啦。啲沙嗲汁的而且確係好食， 夠香，味道都唔會牌辣。但係啲串燒就真係麻麻。 啲肉冇乜味， 有啲散。 唔夠熱。星洲炒蘿蔔糕係我每次黎必叫既， 本身我好鐘意食蘿白，再加上呢碟野係好夠味。 好香口。份量夠二人吃。仲有叫左個叻沙， 味道 ok , 但係浸得耐左， 唔夠湯，香味都唔夠。埋單167。 要加一。 價錢唔貴， 但係感覺去茶餐廳食野咁， 要加一有啲奇怪。

有朋友約我去尖東吃晚飯，但係依排聖誕和新年吃喝玩樂都用了一大筆，想食平dd 👻 忽然想起讀Poly 的朋友介紹的好時沙嗲！他們說學生價錢，味道卻很好😻好吧！一於試試🤩🤩🤩沙嗲半打才$50，真是很抵食！沙嗲串燒：烤得很香，調味很入味，好吃👍🏻👍🏻👍🏻星洲炒蘿蔔糕：我很喜歡吃這道菜，而這𥚃也做得很好，足料又惹味，只是有點油膩，如果少些油會更好😻除此之外，朋友還叫了楊洲炒飯，不過就普普通通，整體來說，我會Encore，因為真是好味又抵食，只要叫住點星洲美食，千萬不要叫楊洲炒飯👻👻👻

Lunch 同事提意食哩間，可能落雨，等咗一陣就有位，雖然環境麻麻，服務麻麻，又漏單，但 d 野食就真係幾好味，價錢吾貴，全日同一個餐牌，加$4 仲有支我最鍾意 ga 支裝可樂。

尖沙咀諗唔到食咩好,發現原來尖沙咀有好野食第一次來"好時沙嗲",已經9:15,雖然係星期六,但都幾乎坐滿人~我們坐低睇睇個餐牌,第一時間會諗到串燒(豬+牛),喇沙,肉骨茶~串燒: 最快到就係呢樣,可能燒定係出面有個爐烘住啦~一食落口好有馬來西亞風味,點埋個汁真係好味道暈(80分)喇沙: 我個人覺得椰汁放多左,湯底好咸........成碗粉又無乜湯.....雖然有蝦同埋魚片(魚蛋粉的魚片),但湯底我覺得唔得........結果要加熱水食埋佢.......(60分)肉骨茶: 湯都唔錯,不咸又不淡,藥材味不太搶味~又可以將湯內的肉送飯食一流(75分)我一定會推介這裡的串燒,真係好正

海南雞飯($36)x2 ~ 咁大個人第一次食海南雞飯,所以唔知應該是什麼味道,這裡的海南雞很嫩滑,我最喜歡它的飯(叫油飯)好香,雖然叫油飯但一點也不油膩,齋食飯也好好味!所以額外再叫多兩碗飯(每碗$9),至於個椰菜湯就麻麻地!沙嗲串燒($35) ~ 有六串,可選豬、牛、雞,要了全部都是豬肉,豬肉醃得好入味,表面烤到微 微燶,食落更加香口,加埋個沙嗲醬一齊食就更好味!正! 叻沙($35) ~ 又是咁大個人第一次,裡面有米粉、蝦、魚旦、雞肉、芽菜、豆卜,微微辣味,好香椰汁味!又是很好味! 正!香蘭葉包雞($35) ~ 雞肉應該預先醃過,雞肉外面有黑椒粒,除了原有的調味外,還有香葉味!味道不錯!因油炸關係,所以葉外面有少許油,但食落又是不太油 (食之前記住攞定紙巾先,因為拆開塊葉的時候會整到隻手好油)

又到Happy Friday, 真開心 上次係峇里餐廳食串燒意猶未盡, 今次又約咗老公試另一間好時沙嗲食沙嗲串燒好時沙嗲地方選址好奇怪, 舖位係尖沙咀商業區的商業中心內一個唔顯眼的角落, 即使我以前係呢頭返工, 如果唔係睇OR, 我都唔知有間咁出名嘅好時沙嗲 沙嗲串燒: 老公放工好肚餓, 即時點了一打沙嗲串燒, 雞牛豬各四串, 沙嗲串燒好快便送來, 但單看樣子已知一定比峇里串燒失色,送來時只是溫熱, 沒有炭燒香味, 雞牛豬肉質比較遜色, 而且一串份量亦較少,伴碟的青瓜開始變乾, 只有沙嗲醬做得不錯, 很有馬來西亞的風味, 但串燒未能配合, 浪費了有如此好的沙嗲醬汁, 真的很可惜!!! 海南雞飯: 老公另一款喜愛食物海南雞飯, 賣相並不吸引, 尤其海南雞飯顏色好奇怪,可幸食落味道不俗, 雞和飯不能說很出色, 但以此等價錢, 合格有餘,尤其三色醬料, 雖然並非用正宗的甜豉油, 但雞肉蘸醬後確實生色不少, 橙紅辣椒醬並不很辣而且有少許酸味, 很醒胃,綠色的薑茸醬很特別, 吃到有幽幽的斑蘭香味 叻沙: 我點了叻沙, 用料和湯底都十分足料, 尤其湯底有點太過, 變得有點杰身, 而且同一毛病是不