Give Me 5 (Closed)

這裡的地點由地鐵站行入來，說實話真遠,不是朋友訂位,未必會選擇這地點，但到達後，餐廳的外內觀，令我將之前地點偏遠的感覺一掃而空，因為食物質素和晚上窗外的風景吸引，主菜的擺盤精緻，味道能突出食材的原味，燒烤吧的燒元貝、鮑魚、和牛、菠蘿、雞翼、蠔、竟然豬腸都有而且好好味凍蟹、青口、螺等等都唔差，有機會要再來撐枱腳。

觀塘係一個非常多樓上餐廳嘅地方，但想搵間地方大、環境寬敞，就唔係好多餐廳做得到，今日同同事午餐時間嚟到位於鴻圖道嘅Give me 5 食lunch,感覺唔錯。餐廳格局及設計開揚，座位算多，完全唔侷促及感覺悠閒。佢地主打西式fusion菜式。午餐提供主菜+半自助形式任食沙律、餐湯、甜品及新鮮水果，連埋任飲紅、白餐酒，價錢由$75-$138唔算貴，滿足心大心細嘅朋友之餘，又可以試多啲嘢同慳番唔少錢，呢個模式值得推介。沙律吧及生果區嘅食物新鮮，選擇亦唔少，如果見無晒服務員會好快咁refill，抵讚！甜品區有啫喱同蛋糕選擇。美式牛肉漢堡配煙肉及脆炸洋蔥圈漢堡牛肉入口不會過硬或散開，肉汁尚算不錯亦都有咬口配埋煙肉同脆脆嘅洋蔥圈，醬汁比例剛剛好，薯條亦都唔油膩，整體不錯。澳洲肉眼扒配野菌汁點咗5成熟無煎過頭，份量有兩塊，牛味香濃，肉質不錯有彈性配野菌汁味道好夾。餐廳內仲有飛標機同桌球擡可以玩，如果食完悶悶地可以去娛樂一下。另外服務員有求必應，落單上菜速度又快，態度良好。希望能一直保持水準，值得推薦。

據我從資料搜集得知，觀塘的工廈之中隱藏了一間廣受好評的半自助餐廳，我和女友看到，當然要來一試究竟。餐廳位於工廈中層，環境舒適，感覺十分開揚，而且空間十足，即使人流不少，也不至感到焗促。餐廳還設有遊戲空間，但午市關係似乎未有開放。沙律吧 Salad Bar自助餐形式。有湯，有沙律，有餐酒，有甜品，有酒，乜都有，想食就食，選擇都幾多！點了餐牌先來一轉沙律，餐湯當作頭盤！澳洲肉眼扒（8安士）配野菌汁 ($138) Australia Rib Eye (8oz) with Wild Mushroom Sauce (HKD138) +Free salad bar, daily soup, dessert, fresh fruit, red wine & white wine (10% service charge) 點了五成熟，成個餐大大份，牛肉品質不錯，唔會好太靭，而且幾厚身，另外薯蓉特別多，午餐來十分滿意。法式香草羊架配露絲瑪莉汁 ($138) Lamb Rack Frenched with Rose Mary Gravy (HKD138)+Free salad bar, daily sou

朋友之前經過見到有任食牛扒，知道我都係牛魔王，所以約定我嚟呢度食飯。餐廳地方都幾大，有桌球枱同飛鏢機，可以供客人娛樂。侍應問想叫 set dinner 定任食牛扒，我哋緊係揀任食任飲放縱吓。餐廳有1個地方係自取區，可以拎湯，沙律同排隊拎牛扒。呢晚嘅湯係蘑菇忌廉湯，食到蘑菇粒，幾好飲! 沙律吧有唔同嘅菜同沙律醬汁選擇。沙律吧嘅蔬菜都新鮮，蒜蓉包香脆，配湯最夾。澳洲穀飼肉眼扒會有店員負責切，有客人想拎先會切，呢晚嘅牛扒雖然唔肥，但唔嚡，有濃濃嘅牛肉味，肉汁亦保留到，我就鍾意加埋芥末醬一齊食，唔錯! 呢晚任食嘅主菜係德國燒豬手，呢個就要同店員落單，豬手外皮鬆脆，肉就夠咸香。薯角或薯菜都係要同店員落單，薯角炸得乾身唔油膩，好味! 甜品都係自助，食完正餐，係時候食個甜品埋尾，朱古力蛋糕配牛奶布甸，朱古力蛋糕香濃。飲品都係同店員落單，如果想飲酒，都可以加錢任飲。

紅白酒任飲  brunch  @觀塘呢度近觀塘碼頭，後面嘅 window seat 有海景㗎～ 仲有得玩掟鏢！個 set 星期一至六都有，時間勁長，我就係星期六嚟嘆㗎喇 ☺️ 最貴都係 $128 就有得据扒加 semi buffet，勁抵！👍🏻沙律吧嘅沙律係任食，但質素好高，樣樣都勁新鮮！紅白餐酒都任飲！飲兩杯都回本啦，哈哈！沙律全部嘢都好新鮮，特別推介紅椒、黃椒同蕃茄，好甜～ 紅酒味道唔錯。餐湯都係任飲，係好足料嘅羅宋湯～沙律高質到我係咁 refill 呀 😆main dish 點咗澳洲肉眼扒，配菜有薯角同蔬菜粒。薯角係即炸，好脆口。肉眼扒肉汁豐富，都唔錯。另一個 main dish 就點咗紐西蘭羊架，無羊羶味，好好食～甜品唔算好多選擇，但四款都好食！😋最鍾意芒果布甸同朱古力！

星期六看完電影後，apm 商場人來人往，我最怕人多要等位，所以就寧願走遠一點，來到觀塘工廈內的Give Me 5吃午餐。環境雅致，還有午間柔和的陽光滲入餐廳，使整體室內風格和諧溫暖。場內設有飛鏢機和桌球台，有得玩又有得食。所有午餐均有供應任食沙律吧，這個價位來說，可以說是超抵食！全部餐湯、沙律吧、甜品和紅白餐酒都是任食任飲，款式雖然不算很多，不過一直都會有店員refill。平時外出進餐經常多肉少菜，沙律吧就可吃到大量新鮮蔬菜，清新爽口，健康又開胃。蒜蓉包烘得香脆，不會烘得過於乾硬，不過蒜香味就略為淡了一點。羅宋湯味道濃郁，雜菜下得頗足料。香煎豬柳蘋果燒汁配寬條麵 $88原來主菜份量亦不少，豬柳肉質不會太韌，而且煎得香口帶焦香。黑胡椒燒春雞配薯菜 $88雞皮不會過厚，烤得香脆，雞髀肉夠嫩滑，配上黑椒醬格外惹味，不會過辣而蓋過了食材的原味。薯角炸成金黃熱辣辣，表面酥脆，肉心軟綿細密得似薯蓉。吃完主菜和沙律已經極度飽，不過吃甜品的又是另一個胃~ 個人推介芒果mousse 蛋糕，帶有清甜果香，質感綿密細膩。還有牛奶布丁和雜果啫喱，真是吃到超飽足的一餐！午餐亦包括餐飲一杯。

今日帶左兩老去觀塘再試其他小店，早前已經發現呢間「GIVE ME 5」開張想試，最主要係有自助沙律吧，不過款式比較同區另一間少Ｄ，但係有點係正既，竟然會有餐廳將紅白餐酒都放埋上自助吧任飲果下真係好心動，因為酒水係每間餐廳最賺錢既野。。。一入門口大家已經可以見到有一大個酒櫃，前方就係自助吧，有沙律菜，有２—３款沙律醬，有４—６種配料，２款自家沙律，一款餐湯，牛油多士，紅白餐酒，淨係呢度已經值回票價，因為出面供應自助吧都已經收你一個價錢了餐廳既枱擺得算闊落，而且枱都幾大幾長，坐得好舒適。另一邊有一張桌球枱，側邊再放兩部標機，唔知是否免費任玩，不過都見到有人去玩感覺好似一間Ｂａｒ　＆　Ｒｅｓｔａｕｒａｎｔ一樣，吃喝玩樂樣樣齊，真係聚腳好地方今日餐湯係紫薯湯，其實我自己都整過，雖然望落感覺係怪怪地，不過好飲沙律就有個中式Ｄ既涼拌鮮菇木耳，用左鎮江醋整，好惹味開胃沙律菜有貴價Ｄ既羅馬菜，正不過仲有個沙律就麻麻地，用左小朋友最唔鍾意既雜豆加蛋黃醬拌埋，雜豆係最少人會鍾意。我揀左個芝士意大利雲吞，好味，不過個汁做得唔夠西式，似係一堆茄茸倒係上面咁，雲吞既熟度都有少少過左火，皮比較冧德國豬手好味，皮燒

一間位於觀塘工廠區，較徧遠的餐廳，但也因這樣地方也較為寬敞，感覺很舒服。靠窗邊的卡位特別舒適。靠窗邊的更可看到美麗的海景，不過座位有限，要早些來霸位了。另外，食物也很吸引。一開始的就是沙律吧，很新鮮的食材，而且每樣質素都很高。因為是自助，自然可以自由配搭出自己喜愛的沙律組合。主菜是海鮮意大利飯。海鮮的用料不錯，有青口、魷魚、三文魚及蝦。每樣都有輕輕的炸過，而飯的芝士味不會太濃，不錯。最後還來一個芝士蛋糕。鬆鬆的質感，甜甜的味道，很易入口。一個很好的結尾。