BEL CIBO Seafood Bar & Restaurant (Closed)

朋友生日聚會，提議到此試新嘢~未到餐廳門口，已經受到等lift的考驗...苦等了差不多10分鐘才上到餐廳...... 餐廳地方不大，我們一行８人已經佔了大部分地方......看看餐牌，我們決定叫dinner set再加散叫~沙律頗新鮮，喜歡沙律醋的味道~加上魚子，口感更豐富~散叫的凱撒沙律，份量比想像中少......而且把本人認為最精要的蒜香麵包粒變了一條麵包條，有點失望...... 這個前菜不錯！鵝肝煎得香口~田螺也焗得剛剛好，很惹味主菜來了！是煎銀鱈魚~ 可惜銀鱈魚很鞋口，失望...Pizza不錯~批底香脆可囗，煙三文魚配搭完美~size夠2-3人用肉眼叫了兩份，一份五成、一份七成。七成的有點過熟，無人問津。五成的就剛剛好，軟熟易切。食物總括來說還OK，但份量方面比較適合少人享用。

餐廳分2段用餐時間，分別係6:30，8:30開始，我地訂左6:30，3個女仔，叫左個2人餐及加多個pizza, 因為我地主要係吹水，食物都係其次。餐湯係甘筍粟米湯，甘筍好鮮甜。前菜鵝肝多士係好肥美既，但對女仔黎講，每人半件已經足夠。田螺薯蓉個醬整得好夠味，好match。厚切黑毛豬煎得岩岩好，好juice ,好彈牙，又唔會好肥膩。烤大菇黑松露意大利飯，個菇好juice,好多汁，好好食，意大利飯裡都好多野菌，口感好豐富。我地另外叫左個松子野菌pizza ，面頭好多松子同什菇，好足料，但餅底就硬左小小。甜品其實係雪糕，太甜太膩，我本身係甜品控都覺得麻麻地。so far 食物同環境都唔錯，可以一試，但得2個鐘用餐時間傾心事就唔足夠。

Book枱時聽到限食2小時, 其實都唔係太高興, 不過朋友話無所謂, 所以最後都黎左。我地6:15已經到左, 地方唔大, 但坐位都算舒服。我同朋友叫左2人餐, 分別有餐湯, 指定頭盤3款,自選主菜2款, 甜品和咖啡/茶。3款頭盤先上, 有沙律, 鵝肝和蝸牛薯蓉;沙律配柚子汁, 味道好好; 鵝肝亦都唔錯, 唔太"溜"同唔太油;蝸牛薯蓉都幾好味;之後上餐湯, 雜菇忌廉湯, 好好味, 足料。主菜2款我地選左大傘菇意大利飯同黑毛豬, 傘菇好入味, 飯都唔錯;反而黑毛豬好一般, 另配薯蓉, 比我地既感覺係好求其, 因為頭盤已經食過差唔多既野, 所以最後都無咩點食D薯蓉。甜品是雪糕, 裝飾得幾精緻,不過味道就一般, 侍應突然攞多份甜品比我地,話之前比錯左,不過都係雪糕, 只不過係唔同味。最後餐飲點了熱咖啡和熱檸水, 無咩特別。要提的是大廈電梯要等好耐, 早好提前少少排隊。