Cafe Paradise (砵蘭街) (Closed)

下午茶時間有啲肚餓行過見無人排隊但望入鋪坐左超過一半人好丫，就你啦。試下你環境舒服，係隔離兩個師奶嘈左少少嗌個130蚊既紐西蘭牛柳加30蚊跟餐。有埋湯沙律，甜品咁。。試多少少。一上咦。咩嚟。原來係紫薯忌廉湯幾特別喎。試下個味先幾好飲喎！不過可惜唔夠熱囉。。搞到個湯失色晒再嚟個沙律，量少正常。又係丘比芝麻沙律醬浸味囉。。無乜特別主菜嚟勒。幾大舊喎。舊肉幾靚下喎不過我其實我無留意我唔知原來係石板上。我頭先點餐都奇怪點解無問我要幾成熟原來因為係要自己煎一嚟正想將啲汁倒上去已經俾員工喝住佢話倒上去會好多煙，啱既。係我見識少，以為好似花園餐廳咁🤣係我唔啱。我平時食開4成既咁煎牛扒嚟講呢。小女子又真係完全唔識既所以我唯有煎熟左少少就試啦肉質正。好好食不過唔慢得囉。。我本身慣左食4成箭慢啲都熟得滯成件事好忙咁又要趕住煎又要趕住食不過老老實實。舊肉肉質係好好。好好食既。不過係忙啲即最後上雪糕同咖啡因為本身今日得9度雪糕真係唔太想食。試左一啖知道唔係牛奶公司就得勒(即係都覺得幾好食既)跟住我就試咖啡Americano 囉。都係咁味無乜特別最後我決定將成舊雪糕掉落杯咖啡度飲整體幾滿意性價比都高既下次會回頭

今次俾我覓食到一間貼地價錢高質cafe!沙律同餐湯 - 蜆肉薯仔湯、沙律沙律菜份量好大，又新鮮，加埋醋~直頭開胃。蜆肉薯仔湯好濃! 最緊要係夠熱呀!水牛城雞翼雞翼炸到好脆，上面有層好厚既醬汁。味道好濃旭，岩晒重口味既我。龍蝦汁海鮮意大利飯一黎個賣相好靚，又可以相機食先！ 意大利飯唔會煮到好林好硬，岩岩好! 有咬口，每粒飯都有濃郁既龍蝦汁。仲有大大隻帶子, 蝦同青口。隻蝦仲要勁爽口彈牙。香脆豬手配燒汁  豬手外層既皮炸到好脆又香~ 內層既肉質好嫩, 有肉汁!!! 配上燒汁 好入味呀~ 嘩!!!!! 幸福感覺又黎! 份量大大件，而且伴菜有薯條、瓜。煙三文魚蜆肉天使麵天使麵唔淋身~軟硬度岩岩好~ 汁好creamy唔傑身又會太稀 ，而且有好多蜆肉同煙三文魚!蟹籽蟹棒忌廉意大利闊條麵  佢蟹籽勁多，完全唔孤寒! 意大利闊條麵夠晒煙韌，每一條闊條麵都有蟹籽。好幸福呀!白汁配埋蟹籽蟹柳，呢個組合無得輸呀!!! 必食洛神花茶同蜜桃果茶好靚呀個茶壺，好似high tea咁呀，下面仲放左個細細地蠟燭，好有心思呀! 可以令到d茶保持住熱，2款都唔甜架~食完d咁邪惡既野可以消消濟。口腔即刻fresh 咗~甜品

這間只有男服務員嘅餐廳，服務水準冇減少，小編甚至覺得係超水準，當晚有兩枱客人係慶祝生日，男服務員會幫客人影相，亦會對客人講生日快樂，店舖亦會播生日歌，小編自己亦都感受到服務員嘅親切，抵讚。🌹蜆肉薯仔湯、沙律前菜係蜆肉薯仔湯同沙律，蜆肉薯仔湯唔錯，沙律就普通咗啲，但可以啦。-🌹石燒法式羊架小編極喜歡羊架，今次仲要石燒上，見到兩件羊架在燒熱的石板上受熱發出吱吱聲，好激動。店舖好細心怕我們被啲汁彈到，畀我哋大大紙巾圍住，仲提醒我哋唔好將啲醬汁放喺塊石板上免得彈汁。兩件羊架雖然唔大，但味道確是一流，羊羶味好重，羊架非常新鮮，醬汁仲配有燒汁同蒜蓉汁兩種選擇，小編覺得兩款都正，兩款都要試，整體讚。-🌹香脆豬手配燒汁餐牌見到個豬手大大件，嚟到果然同圖一樣大大份量，利害。表面已經見到嗰塊豬皮應該脆，食落真係又香又脆，肉質嫩滑唔靭並且入味，配上燒汁更吸引，配菜三色瓜唔好以為小角色可以忽略，它們一樣燒得好香，要食呀！最後件薯蓉，放喺嗰青瓜度好有趣，薯蓉本身都係香滑，整體係讚。-🌹朱古力心太軟小編係套餐上加$25將甜品轉成心太軟，這個心太軟仲搭配一球香草雪糕，冰凍嘅雪糕加上溫熱嘅朱古力，入口令人振奮感覺，不

去開太子買野，買完上openrice 睇下有咩食。見到依間人氣爆燈嘅cafe, 價錢唔貴。就稔都唔稔去試試。門面唔太起眼，估唔到係openrice 咁hit.menu 太多，冇點影。叫左個set,同就咁叫個飯。唔叫兩個set 好似抵d, 因為唔係特別好d 沙律同湯。湯同沙律都係正正常常，唔難食嘅。但唔係我入依間餐廳食嘅原因。羊膝set好大份，好小食羊膝，屋企好難煮，同唔知邊到有得買。d 肉好易就可以同舊骨分離。d 肉 好淋，有小小紅酒味。龍蝦意大行飯。自己真係煮唔到。好重龍蝦味，唔係假果隻龍蝦粉味，係真係有龍蝦味。海鮮唔小，個飯有咬口。芝麻雞翅，好熱。多汁，送酒一流。芒果沙冰好大杯飲唔哂。有芒果肉。檸檬茶就正常野。仲有個雪糕送，跟set 嘅。普通野。

這日嚟到這間太子cafe晚餐，我哋六點嚟到，但係亦都有好多客人。坐低左之後，見到旁邊的一台顧客食緊石燒牛扒，好吸引！見到餐單，嘩！幾抵喎！最平七十幾幾蚊？！我哋點左一份牛扒，加$30去咗一個餐。另外，見到OpenRice 好多人都有話呢度嘅all day breakfast 好味，我哋都叫咗一個素食all day breakfast ☀️先來餐湯：蟹肉南瓜忌廉湯。呢個湯絕不馬虎，好滑，味道恰到好處，完全感覺到南瓜香甜，亦有絲絲嘅蟹肉沙律菜好清新，醬汁適中，酸酸地好開胃牛扒一想到枱好吸引！熱石令到佢「沙沙聲」，香氣洋溢。另外都估唔到佢原來都好大塊客人想食生定係熟啲，亦都睇下自己煎牛扒嘅功力喇。All day breakfast 唔錯，特別喜愛炒蛋香滑，果醬多士都幾好味，蜜糖粟米上枱嘅時候仲係好熱，味道香甜：薯餅有兩大大塊，都好香脆餐飲我哋點左橙汁同埋熱奶茶，都OK。另外有一個跟餐嘅甜品，係芝麻雪糕，味道香濃，好味！餐廳客人源源不絕，相信有好多熟客。今晚晚餐感覺滿足，下次約朋友再嚟

太子cafe据扒裝修有特色⸜( * ॑꒳ ॑* )⸝有很多客人，記得訂枱，免收加一服務費#石燒美國牛肩胛肉眼扒 $78 +$30（轉套餐：餐湯+沙拉🥗餐飲+甜品）推介大大塊200g厚切肉眼扒，慢慢燒自己喜歡的熟度，肉嫩多汁。喜歡加玫瑰鹽調味（問侍應借），另有兩款醬沾點。熱烘烘的脆薯角是我喜歡的那種，脆脆的，配茄汁是日餐湯：蘑菇湯味濃郁。另外🥗沙律份量比想像中多(*´◡`ﾉﾉﾞ還有是日甜點：芒果雪糕。轉套餐好抵食#alldaybreakfast #paradisejumbo $128 配橙汁（好多果粒）超大份量，大胃王之選，有兩件厚切熱脆薯餅～還有煙肉+火腿+滑蛋+腸仔+甜栗米粒+茄汁豆和大大塊西冷牛扒⋯⋯多士鬆脆微甜，配果醬酸酸甜甜很開胃服務質素：7.5/10環境舒適度：6/10ᶘ ᵒᴥᵒᶅ個人口味評分：7.5/10

有住淺藍色o既雕刻牆身、舒服o既梳化、精緻水晶燈o既西餐廳cafe，高雅之中卻又不失童真，擺o左一d 旋轉木馬同摩天輪o既display，仲有毛公仔。疫情之下，自然都幢起o左d 間隔板間番開d 檯，餐廳用上o既係鮮豔顏色o既膠板，一塊紅一塊黃一塊藍咁，睇起上o黎又有d 似積木，match 得番整體個格調。而家d 日式石燒牛專門店開到成行成市，都唔係第一次見連西餐廳都有得供應，不過當然就會配搭番西式餐湯同可能薯菜意粉咁，之前食過一間有seafood platter 做前菜添！呢度o既石燒牛最平$70 幾，加$30 可以upgrade 去combo，會一次過包晒湯、沙律、drink 同甜品，咁抵梗係加埋。我點o左一份石燒紐西蘭牛柳($120/200g)，首先上檯o既係餐湯，今日o既湯係煙肉薯仔忌廉湯，厚身creamy。跟餐o既沙律，以胡麻醬調味。大大o既一舊raw meat 以石板興住，肉質新鮮，鬆軟易切。始終尚算中低價位，食落唔會話好高級咁，不過都附上o左兩隻醬汁，一款似牛肉汁一款應該係蒜蓉醬，後者同個牛柳特別夾！個餐跟一客炸薯角，我發覺點番牛肉o個d 醬汁都幾惹味wo 又~甜品係黑芝麻

太子砵蘭街嘅Cafe Paradise俾佢門面吸引住，充滿住聖誕氣氛，感覺置身於法國餐廳！入到餐廳內已經有不少聖誕節裝飾，感覺好warm！我揀咗兩款美食👇🏻👇🏻👇🏻👇🏻石燒美國頂級穀飼牛肩胛肉眼扒見到餐牌寫住有200g，份量都算大！我加咗$30將佢升級變套餐(餐湯+沙律+甜品+飲品）！是日餐湯係蘑菇忌廉湯忌廉味較重，味道不過不失啦！沙律菜新鮮🥗甜品係曲奇雪糕肉眼扒切開大約五成熟石燒有個好處，生熟完全自己控制牛扒入口牛羶味濃，仲有兩個醬汁任你點(黑椒及蒜香)！配上炸薯角，香脆可口！以呢個價錢可以享受咁高質素牛扒，簡直超值👍🏻👍🏻👍🏻龍蝦汁海鮮燴意大利飯海鮮配料份量豐富，而每一粒米都掛滿龍蝦汁，龍蝦汁濃度調得啱啱好，又唔會太杰，又唔會太稀！味道又夠鮮甜😋令人越食越想食，停唔到口👍🏻正😍😍😍😍😍

天堂CAFE，這是不是天堂，我不知道，但我肯定這裡是石燒的天堂！進餐廳以後，我發現差不多每檯都有叫石燒，嚇得我差點以為我去了吃石燒的專門店，哈哈人是群體動物，那我當然要保持隊形，所以我也點了石燒美國頂級穀飼牛肩胛肉眼扒，加了套餐，再加了小吃。石燒美國頂級穀飼牛肩胛肉眼扒　（７８元）（＋３０套餐有餐湯，沙律，甜點，飲品）首先是餐湯，今天的是蘑茹湯，還沒吃就已經聞到濃濃的蘑茹味，吃了以後更是滿口蘑茹味，但對於不喜歡蘑茹味的人可能是惡夢，但我覺得不錯，也很好吃！之後是沙律，份量挺多的，有不同的菜，沒研究所以說不出是什麼菜，但加了胡麻醬的話就不會不好吃！而且也很開胃！然後是飲品，我沒有加錢要特飲，所以叫了英式奶茶，店員也很好人的提醒英式奶茶不會太濃。送到上來，是奶和糖分開上的，可以自由配搭份量，我就當然奶全加了，再落一點糖，喝起來沒港式的濃味，也沒台式的甜，但真的淡淡的奶茶，有點清新的感覺！終於都到主角了石燒美國頂級穀飼牛肩胛肉眼扒，石板有用紙圍了一下，這個好評！石板真的很熱，牛肉放了一段時間後一定要先翻面再慢慢切，以免有一邊太熟了。牛肉送來的時候差不多是只有１成熟，所以看個人喜好再慢慢調整為

這間餐廳幾乎全場人士也光顧石燒系列轉套餐只需加$30便可有餐湯、沙律、餐飲及甜品還可再加錢升級飲品及甜品石燒美國頂級穀飼牛肩胛肉眼扒 - $78肩胛牛味最為濃厚，肉眼位置的油花遍佈而脂肪散佈，中心紋理細緻外側的肉質較為鬆散，油脂也較多，燒起特別軟腍加上邊位帶筋，吃起來更有嚼勁辣辣芝麻雞翼 - $52雞翼外皮金黃酥脆，咬開內裡藏著雪白嫩滑的雞肉充滿烘香過的芝麻味和惹味的微辣朱古力心太軟配雲呢拿雪糕 - 加配$25香濃的朱古力蛋糕加上流心的朱古力漿熱騰騰的口感再配上一球冰凍的雪糕令人非常滿足是日餐湯 – 忌廉湯濃郁的忌廉味，口感幼滑順口，很creamy還有些薯仔蓉增加口感沙律冰凍的胡麻醬沙律，清新醒胃餐飲 – 凍檸水另配糖水自行調節甜度

今日晚餐約了朋友到太子用膳， 由於想和朋友詳談， 於是選擇了一間比較清靜的餐廳。這間餐廳是一間西餐廳， 主打意大利粉，意大利飯和各式扒類。 由太子地鐵站 步行大約五分鐘就會到達餐廳， 位置在砵蘭街的當眼處，很容易找到。餐廳環境偏向昏暗， 環境清靜， 很有情調。 座位算是寬敞， 樓底也高， 空間感十足。我和朋友分別點了肉眼牛扒和紅酒煮羊膝。 兩款食物都是套餐形式， 包沙律 餐湯，主菜 ，甜品和餐飲。粟米粒 ，車厘茄 ，沙律菜和千島醬組成一個完美的組合。南瓜湯非常香甜的南瓜味， 吃得出沒有味精。肉眼牛扒點了七成熟， 口感嫩滑， 肉味濃郁， 熟成度剛剛好。紅酒煮羊膝很香紅酒味， 很香羊肉味但沒有騷味。是日甜品是草莓雪糕， 酸酸甜甜的味道非常醒胃。餐飲的杯也非常具藝術色彩， 喝飲品的瞬間成為了文青。每人大約200元， 價錢算是正路。

朋友O係附近返工, 佢話每次經過呢度都想試下, 所以今次就唔洗諗, 就試呢間!餐廳門口呢個小擺設好童真好夢幻呀~餐廳幾有情調, 環境唔算大, 但都坐得好舒服~野食好多選擇!個menu打開好別緻!好似細個時會收O個D立體卡咁, 好可愛!餐廳仲有set dinner, 都幾抵食! 有齊餐湯, 沙律, 主食, 甜品同餐飲!餐湯都有好多款蔬菜, 而且好夠味.沙律份量比想像中多, 沙律菜清新爽口!而且芝麻醬份量落得岩岩好, 不多不少. 主菜揀左香脆豬手配燒汁! 隻豬手 好 大 隻!!個皮真係好脆!! 而D肉就好juicy~口感一流!而且個汁同豬手好夾~D伴菜都不得了, 都係有用心準備~個薯蓉好滑口~烤菠蘿好甜! O係門口見到個甜品menu已經好吸引~所以甜品我地upgrade左, 叫左個朱古力心太軟~朱古力心太軟暖笠笠,  配埋凍冰冰既雪糕, 正!!chocolate lover唔可以錯過呀, 朱古力味濃郁但唔會好膩口.同埋雪糕入面有D雲呢拿籽, 更加香同好食!!果然係推介之選~再加錢叫左杯凍朱古力~full of chocolate~~!好豐富既一餐呀!!十分推介~

路過砵蘭街比呢間餐廳外面嘅小擺設吸引咗！登登！就係佢外面嘅旋轉木馬同摩天輪🎡會轉架個 木馬！少女心都出哂黎我張枱隔離有隻熊啤啤，好得意，摸過佢勁滑！望住佢都覺得開心呀！我同朋友大約6點到 唔算多人，但坐下坐下d人又爆哂啦！勁呀，而且都聽到好多人book咗枱！燈光柔和，都算舒服架，仲有播住d歌！準備開餐啦！先黎前菜沙律好多日式芝麻醬，我都幾鐘意之後黎個餐湯，今次係雜菌湯，好濃菇味架！主菜黎啦，黎啦⋯⋯gogogo!今次叫咗煙三文魚海蝦黑松露天使麵原本餐牌上應該係 就紅蝦黑松露天使麵嘅不過好似佢地暫時冇紅蝦所以我都照要呢個吧！睇落都唔錯，主要我係想食黑松露汁嘅天使麵！哈哈！d蝦麵幾大隻，而且爽口架！而黑松露汁都好夠味呀，我朋友試咗一啖都覺得好夠黑松露味！同朋友仲叫咗個黑松露薯條，幾脆啊，而個醬都好夠黑松露味，而且都算比得多醬我地點不錯不錯餐飲正常！而個杯都幾靚，有文青feel 個餐包埋甜品，個人覺得硬咗d 可以「嘆」一「嘆」再拎比我地食就會更好啦！總括呢間性價比高！值得推一推