牛極 (通菜街)

Open Now

Now Closed

見過呢個牛極好多次，好多分店，今次終於去試試，呢日夜晚8點幾9點先嚟到，店舖內半滿。一踏入門口，呀姐就出嚟招呼，耐心介紹套餐同協助使用自助點餐機，個鈔票成日彈翻出嚟，都係呀姐搞掂。仲好貼心提醒我哋有圍裙，服務好好。自助區，沙律、牛肉湯、白飯任添，仲有牛肉汁、蒜蓉、辣醬可以拎，水任斟，餐具自取。最正係沙律旁邊有壺芝麻汁任裝，可以倒勁多芝麻汁食沙律，正呀。而且唔同平時啲餐廳用麵豉湯，呢度係牛肉湯，好飲好多。牛肉湯，好好飲，好濃味又不涸喉，都幾多牛肉同蘿蔔，我裝埋啲白飯落去做湯飯仲好食。可以自己加幾多芝麻汁都得，好食牛柳360g $225牛柳好香，夠淋唔會好鞋，肉味都濃澳洲牛仔肉眼360g $225比牛柳更濃味，都夠淋，唔鞋，好大舊要拎定個碗，先裝起一塊，燒完一塊食咗先，食完一塊，再換新石板，再燒第2塊，咁就唔會凍晒/過熟

呢排出現多間熱石牛扒店，今次朋友推薦呢間牛極，價錢都唔算好貴，還有自助沙律和飯，啱晒我呢啲坐唔定又鍾意自己拎嘢食的為食女子——————————🔸沙律🥗 在等待主食前，店員提醒我們可以先出去拎沙律、飯、湯和醬料。雖然沙律只有椰菜絲和番茄仔，但係配上芝麻醬或酸醋汁，非常醒胃且解膩👍🏼朋友特別喜歡沙律配芝麻醬，所以前後都拎左兩大碗🤣湯是番茄牛肉湯，但有點偏鹹😩醬料區分別有自家製燒肉汁、辛味芥末燒汁和胡麻沙拉汁，本人較喜歡第一種~🔹牛肩肉眼  180g $80等咗大概10分鐘，牛肩肉眼終於嚟到🤤肉嘅份量比我想像中多，外層輕輕燒過，但入面仍然非常生，需要客人自己繼續燒，整體肉質很軟腍，就算燒到熟曬，依然很腍👍🏼🔸西冷 200g $130這個西冷比牛肩肉眼更加厚身，肉味亦相對較重，不過肉質就韌少少，而三種醬汁中，自家製燒肉汁同肉最夾，甜甜地，令肉味更突出。整體比較鍾意牛肩肉眼多啲❤️

香港最近大熱自助燒牛扒店，今日在旺角行經這間店，入去試下這店的流程是一入門口先用自動售票機選心水牛肉類型同重量，總共有六款，分別是：牛肩肉眼、牛肋骨排、西冷、牛柳、日本和牛，同埋每月推介店內陳設好有日本氣氛坐下後把單交給店員就可以先去自助吧，自助吧有沙律、麵豉湯、白飯同檸檬水，都係任食任飲，不用額外付費，物超所值牛肉湯-牛味濃而帶有番茄味，湯底有大量牛肉，一定要試沙律-任取，椰菜絲切得好幼細，配合柚子醋，令人好開胃主角送到，以火山石板上送上，切開一小塊牛扒放在石板上，再按自己喜好自行燒至理想熟度，有三款汁可供自行選擇西冷煎香後外脆內嫩，肉味重，油花分佈平均，而且肉質富彈性牛肋骨扒係帶骨嘅，感覺上會無咁抵，但骨附近嘅肉一般都比較嫩滑好味，而且本身厚切，不但有口感，牛肉味亦相當重同突出

以下有牛肋骨、牛柳開始介紹👇🏻近旺角中心既通菜街個邊有一間專食牛模式同日本個啲店差不多，係部售賣機點好俾埋錢然後入座俾票店員，旁邊有個半自助式bar沙律、湯、飯、醬材都係自己整飯幾好，唔會太淋/太硬，配肉食幾好，仲可以無限添食🔶牛肋骨 $100@200g店員係將牛燒至一成熟，放上熱石上面俾我地自己燒牛肋骨肉質嫩過牛柳，但都多脂肪，唔食脂肪又好浪費，同埋無乜野食其實200g唔多，舊骨重，切3-4塊肉已經無晒🔶牛柳 $120@200g牛柳都多肉既，都係一成熟上熱石，自己再係熱石板上面燒唔好燒咁熟就會好嫩口啲，肥膏都唔多佢比牛肋骨抵食，因為成舊都係肉，但牛肋骨肉嫩啲唔洗怕熱石凍左就燒唔到啲肉，因為凍左可以叫侍應換一個新熱石P.S: 咁岩我個日中午去食已經無晒和牛，下次要再試下和牛