Le Three (Closed)

觀塘宜安街有唔少餐廳，吸引我黎Le Three食晚餐嘅係佢藍白格調嘅裝潢，簡潔得黎又不失高雅，令客人好似就係置身係外國嘅海邊休息緊~Set Dinner Menu每2個星期轉一次，今次我點咗紅菜頭忌廉汁雞肉鮮蝦闊蛋麵($148)，加$40升級做套餐，包餐湯、沙律、餐飲。是日餐湯係紫色嘅，令我好好奇係咩，侍應話係紫薯忌廉湯，真係第一次試~沙律除咗有沙律菜同蕃茄仔之外，仲有巴馬火腿、泥麥、藍莓作為配料，再灑上黑醋汁，巴馬火腿咸咸地，更加突出沙律嘅鮮甜味。以前淨係食過墨魚汁意粉，好難想像紅菜頭點樣可以同闊蛋麵一齊烹調出一道美食。上菜之後真係對視覺上嘅沖擊，闊蛋麵都沾上咗紅菜頭汁嘅顏色，食得出淡淡嘅紅菜頭味，好特別，而且一啲都唔覺得好膩。餐廳有提供唔少小食，我再點咗黑松露芝士薯條($45)，即叫即炸，所以係熱騰騰嘅。芝士非常濃郁，而且有拉芝嘅效果添~最後餐飲就叫咗熱檸茶作為總結。

希臘藍白小屋@觀塘宜安街一帶都幾多嘢食，不過就係麻甩嘢為多，哈哈！而家竟然開咗間裝修以藍白色為主嘅靚仔西餐，有種萬綠叢中一點紅嘅感覺Set Dinner 由百零蚊起，真係好抵食有齊餐湯、沙律同餐飲，餐飲仲要冷熱同價。我哋食咗一個套餐，另一個就加 $40 轉 set～本來見價錢唔貴，都無乜太大 expectation。但一見個餐湯就覺得賣相幾對辦，粟米味道清甜，真係有啲 surprised 沙律更加係誠意之作嚟，有 parma ham、無花果同藜麥，都係啲高質素食材！無花果好新鮮好甜，而且好多汁 Parma ham 就有鹹香，呢個組合都幾特別。Set C 係芥末醬香煎野雞併珍寶帶子，雞肉係來自大大嘅雞全脾，多肉之餘又好嫩滑！調味加咗少少香草，恰到好處。帶子煎香咗個面，中間重 keep 住好鮮嫩～日式珍寶大蝦咖哩蛋包飯係散叫嘅，珍寶大蝦有三大條，炸得好香脆，蝦肉爽滑！咖哩好惹味，好好食！非常幼滑嘅蛋包飯，雞蛋包住哂成個飯，重見到啲蛋汁𠻹～侍應嘅招呼好熱情同有禮貌，佢介紹呢度嘅特飲係會不時轉嘅，今次就有薄荷朱古力～ 佢話係用咗無糖嘅薄荷精華，令到個甜度啱啱好，講到咁好味當然要試下啦 特飲整

上堂前同啲同學仔嚟食飯，今次試新嘢三文魚沙律，個沙律汁好好味 是日餐湯芝士焗西蘭花，開頭襯熱食好食啲，但我哋三個女人一個墟，不停吹水，搞到凍晒，咁當然係我哋自己問題啦 😂😂😂帶子墨魚汁意大利粉，其實我之前一向都唔係好鍾意食墨汁嘢，因為以前喺第二間西餐廳食過，唔太好食，但今次同學仔點了這個，令我對墨魚汁改觀了，意想不到，這個真係好好味 牛扒。。好正呀 唔記得咗係咩牛添 😅三文魚，這個我不能評好唔好食，因為我唔食魚的 😅😅😅 但朋友話好食 😄焦糖燉蛋 加 雪糕 。。焦糖燉蛋甜度適中，好味。。個貓貓碗好靚呀 呢餐又係飽到上心口 😂😂😂 下次再嚟試新嘢 😀