Made in HK Restaurant (Closed)

成日想lunch去APM間Made in HK食但次次都大排長龍，咁梗係唔洗諗都知無可能食倒。所以我特登約朋友仔星期二夜晚去，終於比我食倒你喇!餐廳非常寬敞，而且除了一般座位外更有高檯，格外有氣氛。我叫左個晚市套餐，盛惠$178，有頭盤，有main course同有餐飲，於這種類型的餐廳叫做可接受啦!頭盤有沙律同蕃茄湯選擇，我就要左沙律。份量比我想像中大，啲菜好新鮮，完全無苦味。但醬汁略嫌過酸，不是太岩我口味，但幾開胃嘅。主菜我點了肉眼扒拼大蝦配薯菜，賣相不俗，各樣餸菜都很豐富。肉眼扒雖然不是厚切，但勝在大塊，而且牛味濃郁。不過我明明叫medium但比左七成熟我，口感對我而言太硬了。不過大蝦倒是誠意之作，除了夠大隻外，肉質亦好新鮮，配上些許黑椒及醬汁，值得一試。另外仲加左個小食西班牙大蒜蝦配多士，好惹味，因為啲蝦好大隻，沾上濃濃蒜蓉味的熱油，非常值得一試呢!餐飲我點了熱朱古力，無咩特別嘅正常朱古力味。總括而言，我覺得餐廳表現叫不過不失，環境唔錯，可以一試。

星期五晚OT到十點，係APM揾地方食飯，本來諗住求其是但食，因為好多鋪都應該收工，點知佢仲有得食，無乜點考慮過就衝左入去。價錢唔算平，不過味道都唔錯，性價比都ok~ 個鐵板牛應該要再生啲，叫五成放鐵板上面，變左七成，但個春雞去左⻣，都算幾滑。意粉得兩隻蝦就少左啲，好在肉醬就夠，唔算太差。湯同沙律二選一就爭啲。同埋唔係茶餐廳，凍飲既糖水應該要另上，唔應落埋～希望下次性價比可提升返啲啦，APM咁多間黎講算係中規中矩～

好友帶了一瓶好酒與小妹共聚，在APM物色可開酒的餐廳，原本考慮Table18，但開瓶費頗貴及需等約半小時才能入座，最終多上一層來到Made in HK，而餐廳的開瓶費只收$100，感覺算平。等了約10分鐘入座，我們先被安排到一旁的二人枱，不過由於空間太窄，為方便侍應幫我們添酒，被調到中央的大枱座。餐牌上有晚餐及鐵板晚餐選擇，一律配餐湯或沙律及飲品，而鐵板餐可選紅酒、黑椒或蘑菇松露汁。我叫了晚餐的燴羊肩伴扁意粉，而好友則叫了紅酒汁安格斯牛柳鐵板套餐。另套餐叫了番茄湯及沙律各一。先來番茄湯，不錯的選擇，好濃郁的番茄味，不會太稀，剛剛好，值得推介!好友的是日沙律一般，醬不太夠，但沙律亦算新鮮。主菜的燴羊肩伴扁意粉，羊肩煮得好淋，不太膩，亦好入味，可惜意粉有點乾身，不太完美。侍應幫好友在一旁倒過紅酒汁才上枱，安格斯牛柳鐵板，紅酒汁亦好惹味，牛柳感質麻麻，味道還可，而薯條不夠脆。雖然加了開瓶費，但除了第1次添酒外，全部時間也是自己加酒，可話無服務可言。食物味道及服務也一般，惟環境不錯，是閒聊的好地方，加上有自家美酒相伴，是日亦滿足了。