越萊 (福榮街)

Open Now

Now Closed

今日嚟到深水埗食越南菜 經過福榮街呢間越萊 睇到佢嘅餐牌好吸引 因為疫情關係 舖頭只做外賣 都唔緊要啦 安全啲衛生啲都好嘅 同埋真係好想食🙈 所以就外賣返屋企食啦😬 咁啱係下午茶時段 仲有下午茶餐 好抵食呀😆 豬扒撈檬 $48撈檬真係越南菜必食嘅嘢👍🏻 先講檬粉 爽口彈牙 撈埋個酸甜汁真係絕配 酸酸甜甜好開胃😋 豬扒正常發揮 都幾大塊好多肉 抵食🤣 法式吉列豬扒包 配海防炸蝦餅 $42豬扒包拎到返屋企仲係熱架👍🏻 麵包烤過表面脆脆的 豬扒炸得香脆 加埋蕃茄青瓜就唔會好熱氣 好好味😋炸蝦餅既蝦滑都幾爽口彈牙 不錯呀 沙沙汁魚柳包 配蒜香牛油雞翼 $42魚柳包炸得香脆 唔會有雪味 配沙沙醬好味呀 牛油雞翼都唔錯 幾香同埋啲牛油都好入味😋 下午茶餐都配左飲品 而我就揀咗凍嘅柑桔蜜 同埋熱嘅生薑茶柑桔蜜除咗用咗柚子醬之外 仲有幾粒話梅 酸酸甜甜咁真係好適合食咗啲炸嘢之後飲😋生薑茶真係好薑味 又唔會話好甜 唔錯呀 整體來講 喺深水埗搵到一間出色嘅越南餐廳真係有驚喜 仲要佢嘅下午茶真係好抵食 同埋外賣都做得好快手 讚呀👍🏻

今日同朋友行行下深水埗，在黃金商場旁邊食咗一間越南牛肉粉餐廳，叫越萊。入到去就點了一個set lunch，仲有加左個下午茶包餐。Set lunch 係越萊精選火車頭，我揀左檬粉，唔要河，一大碗粉好豐富，餸有札肉、豆卜、牛肉、牛丸、牛根，牛腩，豬軟骨、雞絲，味道都唔錯，$88。我地仲加了$18，要了一杯特飲，椰汁紅豆雪山，係沙冰紅豆冰，甜度都ok，唔會太甜；另外餐廳做活動，IG follow 佢地個page，有多個小食，今日星期三，所以有潘良帶子明蝦伴茄子，呢個係兩啖size既小食，帶子、蝦仁都爽口，幾好食。下午茶餐果個係沙沙汁魚柳包，呢個魚柳包算厚，外皮炸得脆口，餡料都好豐富 👍🏻。兩個人咁食，唔駛$150，算是中上價。